1 Yoohana 2:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Eti tuummane, “An eti Waakh rumanka yahe a garda,” essi, iꞌdaasenyi amurreti Waakh iraahin beene gooche, toro la runti Waakh goytiis ma kijirto.

1 Yoohana 2:4 Referans Kwoze

1 Yoohana 1:6

Chirri inno ichoow Waakh ba kulankoo kaldaye khabna elanni eheet a, mugꞌdi goya kaassohanni, inno beene goonna runti Waakh la ma jirro.

Tiito 1:16

ꞌDooꞌda Waakh a garanna essa, iꞌdaasenyi jiroti icho jiraan ka Waakh a ꞌdiiꞌddanyahiin. Weyti laꞌdiiꞌddanyahe, yeed ma daagaane, haaggoo rucchul laka yeelin ma yabuuꞌdiin.

1 Yoohana 1:8

Chirri inno uskeel ma khabno elanni, inno a isekkeysanna, runti Waakh la goyteen ma kijirto.

1 Yoohana 4:20

Chiꞌ etoo, “An Waakh a ꞌdoona,” essi, iꞌdaasenyi etoo addane koo Kiriistee nihib, etaas beene leeyahe. Iꞌdi tahe eti tuummane etoo koo Kiriisteenye us arge iꞌdoonin, Waakkhi us iargin ꞌdoonin ma yabuuꞌd.

1 Yoohana 2:9

Eti tuummane banay goya kaassohta essi, iꞌdaasenyi etiiskoo Kiriisto rummeeste nihib, uliba mugꞌdi goya kajira.

1 Yoohana 1:10

Chirri inno uskeel ma yeelin elanni, inno Waakh eti been lehe kayeella, toro la yeediis iꞌdaaru laka ma raahno.

Yoohana 8:44

Atin a nyaakhuti Seytaanki ooyohiine. Wihi us imoono tuumman atin laka yeeline ꞌdoontaan. Uus uumaccho ka us eti ꞌdooꞌd bakkicho on eheet. Ulla toro rum a ꞌdiiꞌda, iꞌdi tahe us injire wihi rummaat ma cheekin. Chirra us yeedi beenaat cheeko la, wahaas eti rumanka us yahe tusaan. Us a eti been lehe, toro la a ooyohi ꞌdooꞌdi been goocho.

Tiito 1:10

Iꞌdi tahe ꞌdooꞌdi ittaawenye weynaan iinkaanyitine, worassi indigir laa ka ꞌdooꞌd ekkeesti jira. Kach ka la a ꞌdooꞌdoo Yaꞌhuude Kiriisto rummeesti, ꞌdooꞌd Kiriisto a lakhandiyo essi.

1 Yoohana 2:3

Chirri inno amurretiis raahno, saggi inno rumanka eti Waakh yahe iabanne a garanna.

1 Yoohana 3:6

Et Kiriisto goytiis kijiro uskeel goya kaassohti mele. Et uskeel goya kaassohti, Kiriisto arge ommos garti mele.

1 Yoohana 4:7

Aalasseeyki an weyti ꞌdoono, ꞌdoonine Waakhe katamiit gone, taba giꞌde a isꞌdoonno. ꞌDooꞌdi tuummane ꞌdooꞌdi addan ꞌdoono la a nyaakhuti Waakhe toro la Waakh a gartaan.