1 Yoohana 2:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Chirri inno amurretiis raahno, saggi inno rumanka eti Waakh yahe iabanne a garanna.

1 Yoohana 2:3 Referans Kwoze

Yoohana 14:15

“Chirri atin iꞌdoontaan, amuri an atin siiche a raahtaan.

Yoohana 15:10

Chaꞌatin amurreteey raahtaan ꞌdoonintaaya kafiddiitaan, saggi an amurre Aabbaheey iraahe an ꞌdoonintiis ikafiddiyuu.

1 Yoohana 5:3

ꞌDooninti inno Waakh ꞌdoonno a iꞌda, amurretiissa raahna. Amurretiis la hulees mele.

Luuka 6:46

“A iꞌdoh ani, ‘Kamur, Kamur,’ ikadowtaane wihi an atin idowo la iyeelina?

Yoohana 15:14

Atin a aalassaaya chirri atin amureey raahtaan.

1 Yoohana 4:13

Saggi inno goytiis ikijirro ulla goyteen ikijiro a garanna, a mehe us Rubeytiisti Munyee a inno siiche.

Ibiraaniya 5:9

Inkoo tuum lakayeele ka, eti jirtuu tuumman ꞌdooꞌdi usú raaho ribo yitah.

1 Yoohana 3:19

Saggane ꞌdeerka rumanka saggi inno ꞌdooꞌdi Waakh inahe iabanna, toro la Waakh ortiis ka uurasseen nebey iꞌhelaan.

Yoohana 17:3

Enenyet la chuꞌus atihi kaldaye rumanka Waakhe kigarti, toro la Yeesso Kiriistohi at sooergatte garti, wahaas a jiroti jirtuu imassan.

1 Yoohana 5:19

Saggi inno nyaakhuti Waakh inahe a garanna. Toro la saggi Seytaanki uskeel leh wihi tuummane Waákh tirrimo idakhti a garanna.

1 Yoohana 3:14

Saggi inno omoot iꞌdallaabsanne inno jiroti jirtuu imassan ikhabno a garanna, a mehe inno ꞌdooꞌdi Kiriisto rummeeste a ꞌdoonna. Eti etoo koo Kiriistee iꞌdoonin la, omoot goya fiddiya.

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

Bakkaahit 22:14

ꞌDooꞌdi Waakh imaalo, a ki kabuuꞌddeticho dikho ꞌdee gurnaanki geeyi jiro lakaꞌhelo ohom muꞌdane, toro la arto tabo ilkerengeetti ween gelo.

1 Yoohana 2:13

Atinhi ooyenyee, waansihane atin isoochiira, a mehe atin ki geeddi harra liisoouumin laka jire a garatteen. Atinhi nunnugul, waansihane atin isoochiira, a mehe atin Seytaanki uskeel leh a soorisseen. Nyaakhuteeyki an weyti ꞌdoono, waansihaase atin isoochiira, a mehe atin Waakkhi Aabbaheene a garatteen.

1 Yoohana 3:6

Et Kiriisto goytiis kijiro uskeel goya kaassohti mele. Et uskeel goya kaassohti, Kiriisto arge ommos garti mele.

1 Yoohana 4:7

Aalasseeyki an weyti ꞌdoono, ꞌdoonine Waakhe katamiit gone, taba giꞌde a isꞌdoonno. ꞌDooꞌdi tuummane ꞌdooꞌdi addan ꞌdoono la a nyaakhuti Waakhe toro la Waakh a gartaan.

1 Yoohana 5:2

Saggane saggi inno nyaakhuti Waakh iꞌdoonno igaranna, Waakhe ꞌdoonna toro la amurretiis raahna.

Bakkaahit 12:17

Khorojebsi ꞌdeerka makhaabál ihollowe, nyaakhuticheki addan diho kiirte. Waha la a ꞌdooꞌdi amurreti Waakh raaho, toro la runti Yeesso soobabbakkaahiche kakhuufo.

Bakkaahit 14:12

ꞌDooꞌdi Waakhe amurreti Waakh raaho toro Yeesso kakhuufo ichohi samacchaarenye garrahsati laꞌdoona.