1 Yoohana 2:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Nyaakhuteeyki an weyti ꞌdoono, waansihane atin isoochiira, uus ꞌdee atin uskeel yeeline. Iꞌdaasenyi chiꞌ etoo goytiin ka uskeeloo yeelo, eti meesseen ka Aabbaheen hawwaasti a khabna. Eta la a Yeesso Kiriistohi Fissan.

1 Yoohana 2:1 Referans Kwoze

1 Timooti 2:5

Iꞌdi tahe Waakkhoo kalday on jira, dahgelehi Waakh ichoow weeli enenyet isineybicho la a koo kalday one, ulla a Yeesso Kiriistohi weeli enenyet eheet.

Rooma 8:34

Ayyo uskeel inno igoocha? Yeesso Kiriistohi yumuyye, wahaas ꞌdirihicho ka la omoot lakasookahche, toolla la anki dahanti miigeete Waakh jiro, Waakh a inno ihawwaasta.

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

1 Yoohana 4:4

Atinhi nyaakhuteeyenye an weyti ꞌdoono, atin a ki Waakhe toro ꞌdooꞌdaas a soorisseen gon. A mehe Rubeyti Munyeenye goytiin kijirto, Seytaanki harrata kijiro a kussantahe.

1 Yoohana 3:18

Nyaakhuteeyki an weyti ꞌdoono, uus inno yeed ommos af on ka ꞌdooꞌdi addan ꞌdoonine, wihi inno yeello ichoow wihi rummaat ka ꞌdoonno.

1 Yoohana 3:7

Nyaakhuteeyki an weyti ꞌdoono, uus etoo kalday laka jit atin bujin. Eti wihi fissan yeelo a fissanyahe, saggi Kiriisto ifissanyahuu.

Yoohana 8:11

Makhaabale la wihi iche ilaabte, “Eti weenoow ebba.” Yeesso la wihi us iyidah, “Annaka uskeel ma kigoocho gon. Tabe, jirotaahti haꞌdaabeet ꞌdii.”

Ibiraaniya 9:24

Iꞌdi tahe Kiriisto Meessi Lagane weeli enenyet haaggiche iyookkoti ti rummaate ma gelin. Usu goobi Waakh rubeytiissa gele. Ulla toolla Waakh ortiissa kajira, inno iyeyyeeda.

1 Yoohana 3:5

Iꞌdaasenyi saggi Yeesso iyimiyye ꞌdee uskeeleen inno ikabahcho a garattaan. Ulla uskeeloo rucchul laka ma yeelin.

Efeesso 2:18

A mehe Kiriisto ka, innohi Yaꞌhuude ichoow yaafohi addan ba, Rubeyta Munyee ka, Waakkhi Aabbaheenenye inno leeyyeeno a muꞌdannahe.

Yoohana 6:27

Gololi dowwa on kheerowo hol iidowina, iꞌdaasenyi gololi ikheerowine ꞌdooꞌdi yuhum jirtuu tuumman jiro, Ínam Aadam atin siicho hol idowa. Iꞌdi tahe Waakkhi Aabbaheene saggi us usu iꞌdoono on igooche.”

1 Beetero 3:18

A mehe Kiriisto maantoo kalday on uskeeleen iyumuyye, maantoo addan la uskeeleen ma iyamuut. Eti fissan jeenteti ki khollokkhane iyumuyye ꞌdee inno Waakh inno ikeena. Usuhi weeli enenyetenye layigisye, iꞌdaasenyi Rubeyti Munyee ka omoot lakasookahche.

Efeesso 4:26

“Holi atin khabtaan ka uskeel agelina.” Hol khabtaani orrah iiche dihin.

Galaatiya 4:19

Nyaakhuteeyki an weyti ꞌdoono, bolokkhi iꞌdi ki aranti chiisenye toro atin ikhaba, ma ikabaho la ichoowka Kiriisto ka iiꞌdowtaan.

Yoohana 10:15

Saggi Aabbaheey ani igarti, iche ani laka Aabbaheey igarda. Anna jeenteti iiyteey u jiroteey a bahcha.

Yoohana 5:36

“Wohoo addane woreey cheeko, Yoohana laka kussan a jiraan. A mehe hili Aabbaheey dahan isoogesse an massicho an haaggicho saggi Aabbaheey isooerge, iche tusa.

Luuka 10:22

“Aabbaheey walah dakkhan dahantaaya soogesse. Aabbahaaya on menye et rumanka eti Weeliis yahe garti mele. Toro la Weeliis ichoow ꞌdooꞌdi Weeliis ibabbakkaahin ꞌdoono on menye, et rumanka eti Aabbaheey yahe garti mele.”

1 Beetero 2:22

“Uskeel us yeele mele, been afiis leetimiy mele.”

1 Koriinto 15:34

Waha mujjum kamalda, uskeeliin la ꞌdiicha. Weyti lakhaanyo menya maanta chirri an saggi gaasiinkoo uliba Waakh ma aban eldi?

Yoohana 5:14

Yeesso saahka etaas minki Waakhe buure ka ꞌhele, wihi us iyidah, “At kola a samaatte. Uus ꞌdee wohoo addane suuje kisoobahine, tabe uskeel kanokho.”

Yaakoobo 1:27

Jitaas inno Waakkhi Aabbaheene mujjum karaahno us khaatti uruftoo rucchul laka ikhabine toro wohoo ikaankhaneynan, a ki nyaakhuti abar ichoow ooyo laa ichoow muunkhoyyo sinayyohicho ka mujjum lawoywoyo. Toro la wahanyeyyohi harratane sussuujenye enenyet biꞌdirroocho islakalaabo.

1 Yoohana 5:21

Nyaakhuteeyki an weyti ꞌdoono, taba iyookkoyyohi waakkhakh lakayeessi iskahossa.

Yaakoobo 3:9

Inno harraba on Kamureen ichoow Aabbaheen kakoolinna, toro harraba on ka weeli enenyete Waakh iyookkotiis ka soouume falla.

Rooma 6:15

Mehe yeello ꞌdeerka? Jeenteti amurre Muusa inno idakhanne, haaggi Waakhe buure inno idakhtuu, uskeel goya on kaassahanna? Iꞌdaas mee!

Yoohana 13:33

“Nyaakhutaaw, an kola geeddoo rucchul on atin leefiddiya. Atin a iyowattaane, iꞌdaasenyi iꞌdi goorat an yaafohi Yaꞌhuud iidah u, inti an irdi emeet ma tabuuꞌdiin.

1 Timooti 3:14

Chaꞌan dowwanoha ka kisooꞌdaarin khajjeelo laka, wahanyeyyohane kisoochiira.

Yoohana 21:5

Yeesso chirraakka wihi us abatti iyidah, “Era, walah bahagenye atin khabatteen mele?” Wihi icho ilaabeen, “Walah nah khabanne mele.”

Yoohana 14:16

Anna Aabbaheey a daaha, ulla ꞌDooggargaartotoo addane jirtuu tuumman atin leejirto atin isooerga.

Hilassi Ergaano 7:52

Eti Waákh íyeyyeedo aacchinyetiin sina iomhin a jira? ꞌDooꞌdi emeetti Eti Fissan cheeke laka a bakkisseen. Atin la usu ꞌdub a goosseene toro la dubunuunu tigaaseen.

Rooma 5:10

Iꞌdi tahe inno chiiyti Waakh nahaayi, Waakh omootti Weeliis ka ankiis inno keene. Toolla Waakh ankiis inno keene la, geeddoo meheenye jiroti Weeli Waakh ka inno lariba!

1 Yoohana 5:17

Suujoonki enenyet yeelo tuumman a uskeel. Iꞌdaasenyi uskeel tuumman mee enenyet omoot iwoyo.

3 Yoohana 1:4

Wihi weyti ikahamaadicho, a nyaakhuteeyki jiroticho ka saggi icho runti Waakh iraahaan an daago.