Biblia Todo Logo
Bib sou entènèt

- Piblisite -




1 Yoohana 1:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

8 Chirri inno uskeel ma khabno elanni, inno a isekkeysanna, runti Waakh la goyteen ma kijirto.

Gade chapit la Kopi




1 Yoohana 1:8
33 Referans Kwoze  

iꞌdi tahe weeli enenyet tuumman uskeel a yeele, weynaanti Waakh kadeeraate.


Rumanka inno tuumman jitassi ittaawe ka a tarraantarranna. Chiꞌ etoo wihi us yadeeh ka jirtuu ikhufin, etaas tuum a iiꞌdowe toro la sartiis tuumman jeyin a yabuuꞌd.


Eti tuummane, “An eti Waakh rumanka yahe a garda,” essi, iꞌdaasenyi amurreti Waakh iraahin beene gooche, toro la runti Waakh goytiis ma kijirto.


Chirri inno uskeel ma yeelin elanni, inno Waakh eti been lehe kayeella, toro la yeediis iꞌdaaru laka ma raahno.


A mehe chiꞌ etoo wohoo iskoogyahe, ꞌdeerka us etoo addan igargaarin, iꞌdaas ka a isekkeesta, jeenteti us wohoo ieheynan u.


Chirri etoo kol us wihi Waakh ꞌdoono mujjum raaho koogyahe toro la harrabiis ijeyin, etaas a isekkeesta, saggi us Waakh iraaho la a wihi ilmarhaatteet on.


ichoow iriirti kol dakkhan islaleeiriiro keenaan. Malassicho a lakheerooche, rum tuumman a lasare. Icho jiroti Waakh liijiro jitoo lakakamurrowo koogyahiin.


Iisekkeysanna giꞌde! Chirri etiinkoo saggi ꞌdooꞌdi harrata iekkaacho ka kol us khara yahe iskoogyahe, iꞌdi eti ꞌdooꞌdi harrata ꞌdalam iekkaacho a yitaahe, ꞌdee eti rumanka kharee a yitaahe.


A mehe runta goyteenna fiddiita, jirtuu tuumman la rubeyoheen goya fiddiita.


Chirri inno ichoow Waakh ba kulankoo kaldaye khabna elanni eheet a, mugꞌdi goya kaassohanni, inno beene goonna runti Waakh la ma jirro.


Toro la Yeedi Waakh nabah kalday iisudina. Iꞌdaakka a isekkeysattaan. Wihi us yeela essi laka yeela.


ꞌDooꞌdi uskeel kaassohti ichoow ki enenyet ekkeesti la weyti suujowaane, ꞌdooꞌd ekkeestaane icho la leekkeesta.


Iꞌdi tahe ꞌdooꞌdoo Kiriisto rummeeste a yimiyye, saggi at rumanka wihi Waakh ꞌdoono iyeesso, toro la orey isohatti runti Waakh iraahto nah isoocheeke, waha la weyti ikahamaadicheen.


Saggi icho ꞌdooꞌdi addan igaameeraan, saggaase icho laka liigaameera. ꞌDooꞌda wihi sarticho ꞌdoonto icho maalim laka yeelaan leelakhaanyo mee. Icho goytiin ka a iꞌdi wihi duksah ichoow el khabo. Geeddi icho atin leegolossataan la ekkeysihicho a kahamaadaan.


Atin a nyaakhuti Seytaanki ooyohiine. Wihi us imoono tuumman atin laka yeeline ꞌdoontaan. Uus uumaccho ka us eti ꞌdooꞌd bakkicho on eheet. Ulla toro rum a ꞌdiiꞌda, iꞌdi tahe us injire wihi rummaat ma cheekin. Chirra us yeedi beenaat cheeko la, wahaas eti rumanka us yahe tusaan. Us a eti been lehe, toro la a ooyohi ꞌdooꞌdi been goocho.


Iꞌdi liichiiruu, “Eti fissan ma jiro, koo kalday laka ma jiro.


Chiꞌ etoo, “An Waakh a ꞌdoona,” essi, iꞌdaasenyi etoo addane koo Kiriistee nihib, etaas beene leeyahe. Iꞌdi tahe eti tuummane etoo koo Kiriisteenye us arge iꞌdoonin, Waakkhi us iargin ꞌdoonin ma yabuuꞌd.


Swiv nou:

Piblisite


Piblisite