1 Yoohana 1:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Farniinki nah Weeli Waakh kadaagne nah atin isoocheekno kalla, Waakh a banaye, mugꞌdihoo rucchul laka goytiis ma kijiro.

1 Yoohana 1:5 Referans Kwoze

Yoohana 8:12

Yeesso toro ꞌdooꞌd leeyyeede wihi us iyidah, “An a banayhi harra. Eti tuummane isooraaho, jirtuu mugꞌdi goya ma kaassohti, iꞌdaasenyi banayhi jiro lakeelo siicha.”

Yaakoobo 1:17

Siinti tuummane haaggane toro la eloo rucchul laka ikhabin, sereye katamiite toro la Waakkhi Aabbaheenenye banayhi saraat tuumman soouume iche katamiit. Banayhaas a geeddi icho urgiyaane mugꞌdi yateehiin. Iꞌdaasenyi Waakh iꞌdaaru laka ma urgiyo.

Yoohana 1:9

Eti banayhi rummaatenye weeli enenyet tuumman banay tuso la yomboka harra a yamiit.

Yoohana 1:4

Usu jiroti rummaat lakeela. Jirota la weeli enenyete banay ikeenta.

Yoohana 9:5

Geeddi an harrata on kajiro, an a eti ꞌdooꞌdi harra banay siicho.”

Bakkaahit 22:5

Ilkerengeetta kola mugꞌdi ma khabto. ꞌDooꞌdi goya kajiro la taa ma ꞌdoono ommos banayhi orraheet ma ꞌdoono. Iꞌdi tahe Kamuri Waakhe rubeytiissa banayhicho yateeh. ꞌDooꞌda tuumman la jirtuu tuumman iꞌdi karnatoot u walahe dakhta.

Bakkaahit 21:23

Ilkerengeete orrah ommos yeyyakki banay siicho ma ꞌdoonto. A mehe ababnaanki Waakhe ilkerengeet banay siicha, Heleem la a taahicheeda.

1 Timooti 6:16

Usu kalday on iumaatane banayhi weyti ababo liikadowwaan goya fiddiya. Et injire arge mele et sooargo la mele. Jirtuu tuumman la inkaanyit ichoow miigti jirtuu imassan a wihiissa. Aamiin.

1 Yoohana 3:11

Waha a farniinki atin uus uumaccho ka atin daagteene, taba a isꞌdoonno.

1 Koriinto 11:23

A mehe wihi an Kamur ka ꞌhele, toro la an atin isookuccho, a mehe ya gelebti Yeessohi Kamureene ladiibe, makaatetoo khaate,

Yoohana 1:19

Maanti weynaanti yaafohi Yaꞌhuude ilkerengeetti weene Yeerusaleem taal, kuhaaniyyo ichoow ꞌdooꞌdoo goob Laaweenye kuhaaniyyo gargaaro Yoohana ieregte, eti us yahe iche worsatte.