1 Yoohana 1:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Wihi nah agarre toro nah daagne, iche atin isoocheekna, ꞌdee atin ichoow nah ba kulankoo kalday khabna. Toro la Waakkhi Aabbaheene ichoow Yeesso Kiriistohi Weeliise kulankoo kaldaye leekhabna.

1 Yoohana 1:3 Referans Kwoze

1 Koriinto 1:9

Waakkhi atin wahe, atin ichoow Weeliiski Yeesso Kiriistohi Kamureene ba kulankoo kalday atin kayeele, a lakakhuufa.

Yoohana 17:3

Enenyet la chuꞌus atihi kaldaye rumanka Waakhe kigarti, toro la Yeesso Kiriistohi at sooergatte garti, wahaas a jiroti jirtuu imassan.

Hilassi Ergaano 4:20

Iꞌdi tahe wihi nah agarre ichoow wihi nah daagne leegammadin ma nabuuꞌd.”

Yoohana 17:21

Aabba, a iweesda, ꞌdee icho tuumman wohoo kalday yateehiin, saggi ati ichoow ani wohoo kalday inahe, toro la ani ichoow ati wohoo kalday inahuu. Aabba, a iweesda ꞌdee icho ichoow inno ba wohoo kalday nateehe ꞌdee ꞌdooꞌdi harrata saggi at ani isooeregte rummeesta.

Fiiliffi 2:1

Kola atin ichoow Kiriisto a wohoo kalday gone, wahaas uur ma atin miigoochaan a? ꞌDooninti us atin ꞌdoono ka la, usu menya uur atin khoboocho? Atin ichoow Rubeyti Munyee la kulankoo kalday ma isikhabtaan a? Kiriisto ꞌdoonintiis ichoow uurnugleeliis a atin tuse menya?

2 Koriinto 13:14

Haag Yeesso Kiriistohi Kamure ichoow ꞌdooninti Waakh ichoow kulanki Rubeyti Munyee ba atin tuumman atin leejiraan.

1 Yoohana 1:7

Iꞌdaasenyi chirri inno banay goya kaassohanni saggi us banay goya ikajiruu, inno tuumman kulankoo kaldaye khabna, diig Yeessohi Weeli Waakhe la uskeeleen tuumman a inno kadikha.

1 Yoohana 1:1

Eti nah woriis atin isoochiirro, a ki goorat geeddi wohoo rucchul laka liisoouumin jire. Nah usu a daagne, indoheenyo ka la a agarre, ꞌdeyꞌdoonne, toro la dahanoheenyo ka laka usu a ꞌdaarre. Eta Yeedi jiree iche woriis cheekna.

Ibiraaniya 3:14

Iꞌdi tahe chirri inno geeddi inno jiro khabno inno mujjum tolossanne, inno khajjeeli maanti inno kolooraat Yeesso rummeysanne on khabno, inno tuumman Kiriisto a walhinne.

Fiiliffi 3:10

Wihi an ꞌdoono kallaayo, a Kiriistohi an abdi, ichoow miigti usu omoot kasookahisse jiroteey miigoosso, toro la sinati usu lakawaariche usu leegismo toro iꞌdiis u amuut.

1 Beetero 5:1

Maantaka, wihi an ewweenki urur Kiriisto woyo daaho a waha. Ani laka a ewweenkoo iꞌdiinenye, toro la garti saggi Kiriisto sina liiomhiche a laaba. Ani laka maanti us soonokhti weynaantiis a leegisma.

Ibiraaniya 3:1

Maantaka ꞌdooꞌd Kiriistoki munyeenye Waakh goobiis iwahe, Yeessohi kakhuufnaanki inno Waakh kakhuufno inno cheekno ka, Waakh ergaano ichoow kuhaanihi weyti ween kayeele kamalda.

Kolossaay 1:13

Iꞌdi tahe us miigti mugꞌdi a inno kasoofure, dakhi weeliiski us ꞌdoono goya inno keene.

Hilassi Ergaano 20:27

Iꞌdi tahe wohoo kaldaye Waakh atinhi abattaan ꞌdoono an mujjum atin ikasoocheekin ma jiraan.

1 Yoohana 1:5

Farniinki nah Weeli Waakh kadaagne nah atin isoocheekno kalla, Waakh a banaye, mugꞌdihoo rucchul laka goytiis ma kijiro.

Ibiraaniya 2:12

Ulla wihi us Waakh iyidah, “An ꞌdooꞌdi uureeye wihi at yeesse a icheeka, chirri icho kulmaane weestaan la, an a kikoolicha.”

1 Timooti 6:2

Bowꞌdayyohi kamurreticho Kiriisto rummeysatti, iiche kamurreticho ꞌdarraawin jeenteti icho dakkhan Kiriisto irummeesteen u. Orey a raaheene a ihileen, a mehe ꞌdooꞌdi hilicho ka indigir ꞌhelo, a ki Kiriisto rummeeste toro la icho ꞌdoonaan. Wahanyeyyoha enenyet abiche, enenyet faajjiye a raaho.

Fiiliffi 1:7

Ani uure atin kakhaba gone, a mujjum chirri an iꞌdaasu atin tuumman atin kamaldi. A mehe chaꞌan hidanahe ommos kootiin ka saggi Wori Haaggan rum iyahe ꞌdooꞌd icheeko, atin tuumman hila haaggi Waakhe buure a ileegisantaan.

Efeesso 3:6

Waha dagsaneet la a mehe ya, Wori Haaggan ka yaafohi Yaꞌhuud ieheynan wihi yaafohi Yaꞌhuud muꞌdan a leeꞌhelaan. Icho kola a sartoo kaldaye toro la wihi Waakh Yeesso Kiriisto ka ayyiche a leegismaan.

1 Koriinto 1:30

Iꞌdaasenyi jeenteti wihi Waakh yeeluu, atin ichoow Yeesso Kiriisto ba a wohoo kalday. Kiriisto la kharati Waakh katimiyye inno liikayeele. Kharataas ka la Kiriisto ꞌdooꞌdi fiffissane inno kayeele toro la inno munyaache toro la inno gatte, uskeel inno kasoofure.

1 'Dessaloonika 1:10

Toro la saggi atin Weeli Waakhe goobi Waakh ka soonokhti isugtaan laka a cheekaan. Us a Yeessohi Waakh omoot ka sookahche, holi Waakhe soosohti inno karibo.

1 Koriinto 15:1

ꞌDooꞌd Kiriistokaaw, alleya giꞌde, Wori Haaggane an goorat atin icheeke, atin khaatatteene, atin mujjum katolossaan a atin kasooꞌhelcho.

Rooma 15:27

Icho hamaad on ka baaysihaas diibeen. Icho rumanka moge khabeen. Iꞌdi tahe ꞌdooꞌdi Yaꞌhuud buuhaas Rubeyti Munyee kayamiit a ꞌhele, toro la ꞌdooꞌdi yaafohi Yaꞌhuud ieheynan a leegismaan. Jeentetaas u a imasse chiꞌ ꞌdooꞌdi yaafohi Yaꞌhuud ieheynan buuhi wahanyeyyohi harratane icho khabaan ꞌdooꞌdi Yaꞌhuud leegismaan.

Hilassi Ergaano 13:41

‘Yeya, atinha wihi Waakh yidah suujoon kacheektaan. A girmeysattaane tuuntaan. A mehe wihi an ibeenneta atin jirtaan yeelo, chirri etoo atin isoocheeke laka ma rummeysattaan!’  ”

Hilassi Ergaano 13:32

“Nah Wori Haaggane atin icheekna. Wora la a ki Waakh aacchinyeteen iayyiche,

Hilassi Ergaano 2:42

Icho kol tuumman wihi ergaano abisse raaheene toro kulankoo kalday isleekhabeen. Icho ichoow ꞌdooꞌdi Kiriisto rummeeste ba isleegolossateene, toro Waakh isleewahteen.

Yoohana 17:25

“Aabbaheeyki fissan, chirri ꞌdooꞌdi harrata kigaran laka, an a kigarda, ꞌdooꞌda la saggi at ani isooeregte a garta.

Yoohana 17:11

An kola harra ma kasoojiro, iꞌdaasenyi icho uliba harra kajiraan. Aabbaheeyki munyee, miigti magahaahki at isiisse ka, magahaas ka bariiso, ꞌdee iꞌdi ani ichoow ati ba wohoo kalday inahuu, icho tuumman wohoo kalday a yitaaheen.

Yoohana 19:35

Eti waha arge, ayti rummaate cheeke, ꞌdee atin laka Yeesso rummeysattaan. Wihi us cheeke la beene ma kijirto, ulla saggi us rumanka wihi rummaat icheeko, a garta.

2 Beetero 1:16

A mehe maanti nah miig Yeesso Kiriistohi Kamureene ichoow saggi us isoonokhti nah atin icheekne, wahaas hawweesseti beenaate nah kharateenyo ka soouunne nah raahne menye, nah indoheenyo ka weynaantiis a agarre.