1 Yoohana 1:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Eti nah woriis atin isoochiirro, a ki goorat geeddi wohoo rucchul laka liisoouumin jire. Nah usu a daagne, indoheenyo ka la a agarre, ꞌdeyꞌdoonne, toro la dahanoheenyo ka laka usu a ꞌdaarre. Eta Yeedi jiree iche woriis cheekna.

1 Yoohana 1:1 Referans Kwoze

Yoohana 20:27

ꞌDeerka wihi us Toomas iyidah, “Farraah gumaara geliche, dahanoheey la agar, dahantaah la keene, waaruheey geli. Iikamalaline saggi an omoot ikasookahe rummeyso.”

Hilassi Ergaano 4:20

Iꞌdi tahe wihi nah agarre ichoow wihi nah daagne leegammadin ma nabuuꞌd.”

1 Yoohana 4:14

Inno saggi Waakkhi Aabbaheene Weeliis isooerge, ꞌdee us ꞌDoorribehi ꞌdooꞌdi harrata iyateeh a agarre, toro la a cheekna.

Yoohana 5:26

Iꞌdi tahe saggi Aabbaheey enenyet jiro isiicho, iche Weeliis laka enenyet jiro isiicha.

Luuka 24:39

Bal dahanoheey ichoow luhloheey yeya, a ani rubeytaaya. Iꞌdaara ꞌdee mujjum eti an ahe kasa. Meleyka jid ichoow lafo ma khabto, saggi atin ani iagarteene an ikhabuu.”

Yoohana 8:58

Yeesso wihi us ilaabe, “Rume atin icheeka, geeddi Aburaaham ijirin laka an a jira on.”

Bakkaahit 1:8

“Ani Uumaccheenye toro ani on ꞌDaꞌddabee. An goorat tuumman a jire, toolla la a jira, toro la a soojira, a Waakkhi Miig Tuumman leh,” iche Kamuri Waakhe essa.

Yoohana 19:35

Eti waha arge, ayti rummaate cheeke, ꞌdee atin laka Yeesso rummeysattaan. Wihi us cheeke la beene ma kijirto, ulla saggi us rumanka wihi rummaat icheeko, a garta.

Hilassi Ergaano 1:3

Inkoo sina lakawaariche us reera a isoobahe, jitassi ittaawe ka saggi us rumanka ijiro tuse. Geeddi ibeen tomon affar icho a isoobahe, wori dakhi Waakh miinsan kaleeyyeede.

Bakkaahit 19:13

Ulla kabuuꞌdi diig lakalugꞌde khaba, magahiis la a Yeedi Waakh.

Bakkaahit 2:8

“Herti Waakhe keleyenye urur Kiriistoki Simiriina itolosso waha ichiir. Waha a farniinki ki Oreyenye toro la Salaahime, ki yumuyye toro omoot kasookahe.

Luuka 1:2

Wihi icho chiireen a wihi ꞌdooꞌdi uuꞌ maanti kolooraate waha yitaaheen arge nah isoocheeke. Icho la hili Waakhe icho haaggicheen, a ki wori Waakh ꞌdooꞌd liicheeko.

Bakkaahit 1:11

Hooyaas la wihi us yidah, “Wihi at sooagarto khadaaboo layuubo kachiire, ururre Kiriistoti ilkerengeetohi teebee kijirto iereg. Ururreta teebee la a ururi Efeesso ichoow ki Simiriina ichoow ki Bergamum ichoow ki ꞌDiyaaꞌdira ichoow ki Sardi ichoow ki Filadeelfiya ichoow ki Lawodeechiya.”

1 Yoohana 5:7

A mehe walah seyyahtane runti saggi Yeesso iyimiyye weeli enenyet iyitah cheeka.

Ibiraaniya 2:3

Saggoh sina ikabahsanneey, chirri inno ribnaanki weyti haaggane Waakh inno ribo aw ikakhabin? Yeessohi Kamure rubeytiissa kolooraat ribnaanka cheeke, ꞌdooꞌdi usu daage la, saggi ribnaankaas rum iyahe inno isoocheeke.