1 Timooti 6:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ ꞌDooꞌdi kamurrowin ꞌdoono, kajmeti uskeel kaluguꞌddo ichoow angey ichoow wahanyeyyohi ꞌdalame liimoono ichoow suujoone kadihaan. Waha la icho a jiitaane ichoowka suujaachaane bar tiraan.

1 Timooti 6:9 Referans Kwoze

1 Timooti 3:7

Toro la a eti ꞌdooꞌdi kharaate Yeesso irummeysan ka laka magahi haaggan khabo. Uus ꞌdee lakhaanyo keenine, angeyi Seytaan geline.

Hilassi Ergaano 8:20

Beetero wihi us ilaabe, “Chilimmetaah a kileebaabaato. Wihi tahe at wihi Waakh kisiicho, kol at chilimme kagatatti, iche koogtahe.

Mattaayo 13:22

ꞌDooꞌd gaasoo a iꞌdi inti geeyohi rurrucchule kudah khabto. Ilmohi harrata kadiho a iꞌdi eti Yeedi Waakh daago, raaho, iꞌdaasenyi waꞌdwaaꞌdi harrata ichoow ꞌdamaanki kamurroon ba afchaane, gurnaan icho delaan mele.

Yuuda 1:11

Sinati icho sugto eenna a buure. A mehe icho jiti suujenye goorat Kaayin tabe tabeen! Toro la jeenteti icho chilim iꞌdoonaan u, uskeeli goorat Baalam gele icho laka ioryeen. Icho laka yeeddaagiwwaayyo katuumaan iꞌdi ꞌdooꞌdi goorat Koorah woyo Kamur daagiwwaayuu.

2 Beetero 2:3

ꞌDamaankicho ka, yeedassi beenaate atin abchaane atin kakharaawaan. Waakh goorat archiiy on icho hukkume baabakki us icho baabiicho gooche. Waakh ma urꞌdo gone, wihi us igooche a soodowwaateen.

Efeesso 4:22

Wihi atin laabche, jiroti atin ꞌhor jirteene, fiddihiinki uskeel liimoono atin ekkeeste toro atin kheerooche ꞌdiicha.

Marko 4:19

iꞌdaasenyi dowwa on waꞌdwaaꞌdi harrata ichoow ꞌdamaanki kamurroon ichoow wahanyeyyohi addane liimoono ba Yeeda afchaane, gurnaan icho delaan mele.

Mattaayo 26:15

wihi us worsate, “Chirri an Yeesso dahantiin soogesse, mehe isiissaan?” Iche la chilimmeti lahaageete tomon seyyahe iekkaasse.

Mattaayo 19:22

Etaas nugul chuꞌus waha daage ka, usuhi fool ribowe nokhte, a mehe hoolahi buurenye khabe.

2 Timooti 2:26

Toro la matah bakkaaha, angeyi Seytaanki icho hide wihi us ꞌdoono yeelaan kasoobahaan.

1 Timooti 1:9

Inno saggi amurretaas ꞌdooꞌdi liiyeele ki fiffissan ieheynan laka a garanna. Iꞌdaasenyi amurre a ti ꞌdooꞌdi amurreti Waakh iraahin ichoow ki weynaan iinkaanyitin ichoow ki Waakh igaran ichoow ki uskeel yeelo ichoow ki Waakh ikahamaadin ichoow ki Waakh iinkaanyitin ichoow ki ꞌdooꞌdi dele bakkicho ichoow ki diig gelo.

Luuka 21:35

Iꞌdi tahe ibeenkaas ꞌdooꞌdi harra tuumman maalinkoo kalday on isleearga.

Mattaayo 6:19

“Kamurroonkiin harrata ka meel iisigelinna. A mehe inta ka gubaal ichoow kuuttu a suujaachaane ꞌdooꞌdi walah hato la min a jebcha hata.

Luuka 12:21

“Waha a wihi eti tuummane wihi harrata ka kamurenye, iꞌdaasenyi wihi Waakh ꞌdoono ka miskiine iyateeh.”

1 Timooti 6:10

A mehe ꞌdooninti chilim weyti laꞌdoono iche suujoon tuumman dessa. ꞌDooꞌd gaasoo chilim rirrihaayi ichoowka wori Kiriisto miinsane goorat icho kakhuufaan kabaabeene toro la oytinti buure laka isikeeneen.

1 Timooti 6:17

ꞌDooꞌdi weyꞌdane kamurree amurreta ibihi. Rannyaat akhabina ommos hoolahi harratane dowwa on kuto khajjeel akakhabina, iꞌdaasenyi Waakkhi wihi inno ꞌdoonno tuumman inno siicho ꞌdee inno jiroti hamaad khabto jirro kakhuufa.

Tiito 2:12

Haagga la saggi jiroti Waakh ikamalin liijirin ichoow saggi wahanyeyyohi harratane sussuujenye liimoono liiꞌdiiꞌdo iche inno abcha. Toro la harrata ka, ꞌdooꞌdi isjeycho, fiffissane, jiroti Waakh ꞌdoono jiro, inno abcha.