1 Timooti 6:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Iꞌdaasenyi jiroti Waakh liijiro a indigirti buure chirri at wihi at khabto kadaragto.

1 Timooti 6:6 Referans Kwoze

Ibiraaniya 13:5

ꞌDooꞌdi chílim iꞌdamaammowo iitaahana, wihi atin khabtaan on kadarga. Iꞌdi tahe Waakh wihi us yidah, “An koloo kalday laka ma kaaseeho, an koloo kalday laka ma kiꞌdiiꞌdo.”

1 Timooti 6:8

Iꞌdaasenyi chiꞌinno golol ichoow gaad khabno geeddaas a kadaragna.

1 Timooti 4:8

A mehe sarti lajeycho indigirtoo rucchul on khabta. Iꞌdaasenyi jiroti Waakh kahamaado lajiro, walah tuumman indigire ikhabta. Jiroti toolla ichoow ti soosohatti ka, jiroti Waakh kiayyiche jirta.

Fiiliffi 1:21

A mehe ani ka, wihi an ijiro, a Kiriisto. Omootteey la indigirti buurenye ani ikhabta.

Rooma 8:28

Wihi inno garanni a mehe ya, walah tuumman ka Waakh ꞌdooꞌdi usu ꞌdoono wihi haaggan a iyeela. ꞌDooꞌdaas la a ki Waakh saggi us igooche iwahe.

Luuka 3:14

Iskartoo laka wihi iche Yoohana worsatte, “Nah la mehe yeello?” Wihi us ilaabe, “Taba enenyet miig ka chilimme asarina ommos enenyet wihi beenaat akacheekina. Macchaara geeddi atin ꞌhessaan oolloꞌdina.”

2 Koriinto 4:17

Iꞌdi tahe sinayyohaar ꞌdabakhe a wihi geeddoor one, wihi icho keenaan la a ababnaanki weyti khummane jirtuu tuumman imassanne sinayyohaas kussan.

Luuka 12:15

Yeesso la wihi us icho iyidah, “Yuubsada! ꞌDamaanki atin wihi atin ikhabin ꞌdoontaan ka isyaakhicha. Iꞌdi tahe jiroti mujjume hoolahi at khabto mee katamiit.”