1 Timooti 6:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ ichoow iriirti kol dakkhan islaleeiriiro keenaan. Malassicho a lakheerooche, rum tuumman a lasare. Icho jiroti Waakh liijiro jitoo lakakamurrowo koogyahiin.

1 Timooti 6:5 Referans Kwoze

2 Timooti 3:5

ꞌDooꞌdi Waakh tuum raaho iskaayyeela, iꞌdaasenyi miigti Wori Haaggan jiroticho ka a ꞌdiiꞌdaan. ꞌDooꞌdi iꞌdee buj.

2 Beetero 2:3

ꞌDamaankicho ka, yeedassi beenaate atin abchaane atin kakharaawaan. Waakh goorat archiiy on icho hukkume baabakki us icho baabiicho gooche. Waakh ma urꞌdo gone, wihi us igooche a soodowwaateen.

Tiito 1:11

Tabe ꞌdooꞌda aficho hid. Iꞌdi tahe wahanyeyyoha kootte ikamaline icho enenyet abchaan ka, goobassi kulman wori rummaat a buucheen. Waha la jeenteti icho chilim iꞌdoonaan on iyeelaan.

2 Timooti 3:8

ꞌDooꞌda iꞌdi goorat Yaanes ichoow Yaameres ba Muusa tirrimeen u runti Waakhe tirrima. Mali kheerenye khabaane, kakhuufnaanki icho Kiriisto kakhuufaan ka la a sookufeen.

1 Timooti 6:6

Iꞌdaasenyi jiroti Waakh liijiro a indigirti buure chirri at wihi at khabto kadaragto.

1 Timooti 3:3

Toro la eti meleefee mee, eti enenyet jaho menye, iꞌdaasenyi a eti samacchaare. Eti jaakh leh mee, eti chilim ꞌdoono mee.

Mattaayo 23:13

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin aritti dakhi goobi Waakhe ꞌdooꞌd kahiddaane, atin rubeytiin la goobi Waakh ma gessaane, toro la ꞌdooꞌdi gelin ꞌdoono kajeyissaan.

Mattaayo 12:33

“Geey haaggiche ulla gurnaanki haaggane delaa, ommos geey suujaache ꞌdee gurnaanki suuje a delo. A mehe geey ba gurnaanki us delo lakaabta.

1 Timooti 1:6

ꞌDooꞌdaas wori beenaat enenyet abcho waha dakkhan a buje, hawweesi indigir laa inokhteen.

Bakkaahit 18:3

Iꞌdi tahe yaafo tuumman, farsoticheti sabiibe sohoꞌddarriti holi Waakh keento iche dameen. Karnatohi harra tuumman la makhaabassaas sohoꞌddarri kaleessohteen. ꞌDooꞌdi bacchaara harra tuumman la jeenteti sohoꞌddarriticheeda ikamurrowe.”

Yuuda 1:11

Sinati icho sugto eenna a buure. A mehe icho jiti suujenye goorat Kaayin tabe tabeen! Toro la jeenteti icho chilim iꞌdoonaan u, uskeeli goorat Baalam gele icho laka ioryeen. Icho laka yeeddaagiwwaayyo katuumaan iꞌdi ꞌdooꞌdi goorat Koorah woyo Kamur daagiwwaayuu.

2 Beetero 2:15

Jiti fissan a bujeene jiti suujenye goorat inam Beeyorki Baalam layadeeh tabe tabeen. Baalam la suujoonki us yeele, chilimmeti us kaꞌhele a ꞌdoone.

1 Timooti 3:8

Iꞌdaas on u toro wihi Waakh gooche, ꞌdooꞌdi urur Kiriisto gargaaro laka a ꞌdooꞌdi liinkaanyito, ki iskaayyeelo mee, ki farsoti sabiib khaatto mee, ki anki chilim ka ꞌdamaame mee.

2 'Dessaloonika 3:6

ꞌDooꞌd Kiriistokaaw, anto Yeesso Kiriistohi Kamure ka amurane atin ibihinna, taba eti tuummane Kiriisto rummeeste ollomenye, jiroti wihi nah atin abinne miinsan ijirin kaseeha.

Mattaayo 21:13

wihi us iyidah, “Wihi chiiran, ‘Minkeey minki weysiite layadeeh,’ iꞌdaasenyi, ‘inti ꞌdooꞌdi hatto leh kadagti,’ iche kayeesseen.”

Bakkaahit 18:13

Toro et geeyohi gololle lakachibo ꞌdee golol haaggicho ichoow miricchinye ichoow subahenyeti hahhaaggane sar lakadowti ichoow uyuuggeti lasaarti kagatti mele. Toro et farsoti sabiib ichoow subakki geeyi oolif ichoow ingangaano ichoow ꞌdargaayye ichoow looyyo ichoow iiy ichoow faráꞌd ichoow garrunyeti faraꞌde jiitto ichoow ꞌdooꞌdi loororicho kagatti mele.

1 Koriinto 11:16

Chirri etoo ayta iriir gelin ꞌdoono la, wihi an iadeeh a mehe ya, inno eheetteey ommos ururi Waakh eheetteey ka ba, et hugunkoo addane yeere weysiit khabo mele.

1 Timooti 4:7

Hawweesseti Yeedi Waakh buusan ichoow ti ꞌdalam ba kaseeh. Isjeyiche ꞌdee jiroti Waakh kahamaado jir.

1 Timooti 4:8

A mehe sarti lajeycho indigirtoo rucchul on khabta. Iꞌdaasenyi jiroti Waakh kahamaado lajiro, walah tuumman indigire ikhabta. Jiroti toolla ichoow ti soosohatti ka, jiroti Waakh kiayyiche jirta.