1 Timooti 6:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ weyti serey isgeechaane, walah icho gartaan la mele. Malassi suujenye khabaane, wihi ilmarhaatteet on wowworsataane, walah rumenye icho laabaan la mele. Icho la yeedassi jaakh keeno on kahawwoochaan. Waha la kalꞌdarri ichoow hol ichoow meꞌdeꞌddeel ichoow imurchoti suuje

1 Timooti 6:4 Referans Kwoze

2 Timooti 2:23

Iriirti ꞌdalame khara laa goya agelin. A mehe saggi at igarattuu, wahaas jaakh on delaan.

2 Timooti 3:4

Toro la aalassiis ꞌdub goocha, walah tuumman ka walah ma ibaalaane, weyti serey isgeechaane, wihi harrata Waakh ꞌdirihiis ꞌdoonaan.

1 Timooti 3:6

Toro la eti inkoo dow Yeesso rummeeste mee. Jeenteti dowwa on liisoobahchuu a geeddi us weyti serey isgeecho, iꞌdi Seytaan u lahukkumo.

Yuuda 1:10

Iꞌdaasenyi ꞌdooꞌda wihi icho foolicho ikhabine leeabaarramaan. Icho laka iꞌdi binahi yibaate mal ikhabin u wihi uuricho kasoobaho on gartaan. Wahanyeyyoha on icho bakkichá.

2 Beetero 2:12

Iꞌdaasenyi ꞌdooꞌda saggi binahi yibaate mal ikhabine ladelo one ꞌdee lakhabti laabbakkicho iche ijira. Wahanyeyyohi icho foolicho ikhabine saggi suuje ileeabaarramaan. Saggi bina bar liitiro iche icho laka bar liitira.

2 Timooti 2:14

Enenyet wahaas tuumman kasooꞌheꞌhheli. Waakh ortiis ka ꞌdooꞌda tootooche iicho yeedad ka isleeiriirin. Iriirti iꞌdee gargaar iche khabto mele, ꞌdooꞌdi dagansati la a baabiissa.

Yuuda 1:16

ꞌDooꞌda kol dakkhan nyunnyuuto ma ꞌdiicho, iriir on kajiraane, suujoonki uurassicho imoonaan on yeelaan. Icho a iskhukkhummanaachaane, ꞌdooꞌdi addan koolichaane ꞌdee wihi icho ꞌdoonaan ꞌhelaan.

2 Beetero 2:18

A mehe icho yeedi ilmarhaatteete kaayyeedaane isatahnoochaan. ꞌDooꞌdi yeed Yeesso ka jarakhenye, dowwanoha ka suujoonki us yeele kabahsati wihi uurassicho goya kijiro uskeel imoono ka sohoꞌddarri isoojiitaane angey gessaan.

1 Timooti 1:7

Icho ichohi tagaammeti amurre Muusa yateehiine ꞌdee liinkaanyito ꞌdoonaane, iꞌdaasenyi wihi icho kaayyeedaan ma gartaane ommos waha icho roorro laan ꞌdooꞌd abchaan wihichekoo rucchul laka ma gartaan.

1 Timooti 1:4

Toro la ꞌdooꞌdi hawweesseti beenaat ichoow magahenyeti ittaawenye hiiyyassichooda icho immarah wawwahaan ꞌdiicha itadeeh. Waha la jaakh on keenaane, toro la gargaar icho hili Waakh ikhabaan mele. Wihi hili Waakh indigir ikhabo, a chirri Waakh lakakhuufo.

Yaakoobo 1:19

ꞌDooꞌd Kiriistokaaw, taba waha tissiba, atin tuumman dowwa nabah suda, dowwa ayeedina, dowwa ahollowina.

Tiito 3:9

Iꞌdaasenyi iriirti ꞌdalam ichoow magahenyeti aacchinye ichoow jaakh ichoow amurre Muusati islaleeiriiro kaseeh. Iꞌdi tahe waha a wihi ilmarhaatteete indigir laa.

Hilassi Ergaano 15:2

Baawulo ichoow Barnaba jeenteti yeedaas u ꞌdooꞌdaas leejaakheen. ꞌDeerka jeentetaas u Baawulo ichoow Barnaba ichoow ꞌdooꞌdoo addane Kiriisto rummeeste lasoobahche, ꞌdee ilkerengeetti weene Yeerusaleem irtaane wihi ayta miinsan ka ergaano ichoow ewweenki urur Kiriisto woyo argaan.

Bakkaahit 3:17

Atin, ‘Nah a kamurre, hoolahi buurenye khabna, walah nah kaankhan mele!’ elattaan. Iꞌdaasenyi atin waha ma kasin, atin rumanka a marahtahiine, a ꞌdooꞌdi liisonaho, a miskiine, a ꞌdooꞌdi indo laa, a murukh.

2 'Dessaloonika 2:4

Eta wihi tuummane Waakh layadeeh ommos wihi lawahti tuummane tirrima toro la ꞌdirihicho isweynaacha, ꞌdee minki Waakhe buure goya orronta, nane Waakh iskayeela.

Kolossaay 2:18

Uus etoo kalday laka herti Waakhe lawahti icho ꞌdoonaan ka ichoow isnuglaanti beenaat ka atin hukkumine kalaꞌddiin atin tirin. Eti iꞌdaase wihi us weyti kaayyeedo a fooltabchoti us kolossoo arge. Jeenteti mali us khabo ki ꞌdabakkhi weeli enenyet iyahuu, us wihi ilmarhaatteete keeylaja.

Fiiliffi 2:14

Taba wihi atin yeessaan tuumman ka, ꞌdooꞌdi iriir leh ommos ꞌdooꞌdi nyunnyuwo iitaahana.

Fiiliffi 2:3

ꞌDooꞌdi wihi awtiissa on yowti ommos immarah serey isgeecho iitaahana, iꞌdaasenyi ꞌdooꞌdi isnuglaacho ateeha, ꞌdooꞌdi addan saggi us atin ikakhummanyahe iekkaacha.

Fiiliffi 1:15

Rumanka gaasichokoo jeenteti kalꞌdarri ichoow jaakhe wor Kiriisto enenyet icheekaane, iꞌdaasenyi gaasoo jeenteti uuri haaggane wor Kiriisto icheekaan.

Galaatiya 6:3

A mehe chiꞌ etoo wohoo iskoogyahe, ꞌdeerka us etoo addan igargaarin, iꞌdaas ka a isekkeesta, jeenteti us wohoo ieheynan u.

Galaatiya 5:26

Uus inno eylaji beenaate ilmarhaatteet khabine ommos iskaahholloonne ommos isinaafin.

Galaatiya 5:15

Iꞌdaasenyi chaꞌatin kol dakkhan iꞌdi binaat u istamhiin, yuubsada a ismassissaanee.

2 Koriinto 11:20

Iꞌdi tahe chiꞌ etoo bowꞌda atin kayeesse ommos wihiin tuumman ꞌdabbaacho ommos ekkeysi ka wihiin atin kakhaato ommos atin ꞌdarraawo ommos fodoorre laka atin jaho a garrahsattaan on.

1 Koriinto 11:18

Wihi kolooraat, chirri atin iꞌdi urur Kiriistuu kulantaan, wihi an daage a mehe ya, atin seleye goggootaane an la yeedaas geeddoo ka a rummeesda.

1 Koriinto 11:16

Chirri etoo ayta iriir gelin ꞌdoono la, wihi an iadeeh a mehe ya, inno eheetteey ommos ururi Waakh eheetteey ka ba, et hugunkoo addane yeere weysiit khabo mele.

1 Koriinto 3:18

Iisekkeysanna giꞌde! Chirri etiinkoo saggi ꞌdooꞌdi harrata iekkaacho ka kol us khara yahe iskoogyahe, iꞌdi eti ꞌdooꞌdi harrata ꞌdalam iekkaacho a yitaahe, ꞌdee eti rumanka kharee a yitaahe.

1 Koriinto 3:3

Iꞌdi tahe atin uliba a ꞌdooꞌdi ꞌdabakkhi weeli enenyete harrata khabo. A mehe chirri maanta atin isinaaftaane toro la isleejaakhtaan wahaas saggi atin ꞌdabakkhi weeli enenyet ikhabtaan ma tusaan a? Waha la saggi atin uliba jiroti ꞌdooꞌdi harrata ijirtaan ma tusaan a?

Rooma 14:1

Taba, eti kakhuufnaanki us Waakh kakhuufo ꞌdabakhyahe soodowwaacha, toro la mali us khabo wahanyeyyohoor mammarah miinsan, aleeiriirina.

Rooma 13:13

Jirotiin tuumman wihi mujjumenye saggi fiddihi ꞌdooꞌdi banay goya fiddiyo a eheetti. Taba giꞌde, daawohi biꞌdire ommos meleefu uus goytiin kijirine, ommos uus ꞌdooꞌdi isidisanne isleeurꞌdo ommos sohoꞌddarri goytiin kijirine, ommos uus jihit ommos inaaf laka goytiin kijirin.

Rooma 12:16

Maloo kalday khaba. Eeylajina, ꞌdooꞌdi miskiine fiddihi haaggan ikhaba. Weyti serey iisgeenna.

Rooma 2:8

Iꞌdaasenyi eti tuummane wihi awtiis kalday on yowti, toro la wihi rummaat ꞌdiiꞌdo, khollookh on raaho, Waakh a kabolkha, hol tusta.

Hilassi Ergaano 18:15

Iꞌdaasenyi waha a iriir ichoow magahenye ichoow yeedassi amurretiinna one, atin on haaggicha. An wahanyeyyohi iꞌdaase ka enenyet hukkumin ma ꞌdoono.”

Hilassi Ergaano 8:9

Etoo Siimon layadeehe ilkerengeettaas ka moreenye, ꞌdooꞌdi ili Saamariya tuumman weyti girmaache a jira. Ulla a isatahnooche etoo khumman iskayeele.