1 Timooti 6:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ A mehe ꞌdooninti chilim weyti laꞌdoono iche suujoon tuumman dessa. ꞌDooꞌd gaasoo chilim rirrihaayi ichoowka wori Kiriisto miinsane goorat icho kakhuufaan kabaabeene toro la oytinti buure laka isikeeneen.

1 Timooti 6:10 Referans Kwoze

1 Timooti 6:9

ꞌDooꞌdi kamurrowin ꞌdoono, kajmeti uskeel kaluguꞌddo ichoow angey ichoow wahanyeyyohi ꞌdalame liimoono ichoow suujoone kadihaan. Waha la icho a jiitaane ichoowka suujaachaane bar tiraan.

Tiito 1:11

Tabe ꞌdooꞌda aficho hid. Iꞌdi tahe wahanyeyyoha kootte ikamaline icho enenyet abchaan ka, goobassi kulman wori rummaat a buucheen. Waha la jeenteti icho chilim iꞌdoonaan on iyeelaan.

Yuuda 1:11

Sinati icho sugto eenna a buure. A mehe icho jiti suujenye goorat Kaayin tabe tabeen! Toro la jeenteti icho chilim iꞌdoonaan u, uskeeli goorat Baalam gele icho laka ioryeen. Icho laka yeeddaagiwwaayyo katuumaan iꞌdi ꞌdooꞌdi goorat Koorah woyo Kamur daagiwwaayuu.

2 Timooti 4:10

Iꞌdi tahe Deema jeenteti us wahanyeyyohi harrata ikalooꞌduu adah a ikakhabte, ilkerengeetti ꞌDessaloonika irte. Kireeske la boroofenhi Galaatiya irte, Tiito la boroofenhi Dalmaatiya irte.

1 Timooti 3:3

Toro la eti meleefee mee, eti enenyet jaho menye, iꞌdaasenyi a eti samacchaare. Eti jaakh leh mee, eti chilim ꞌdoono mee.

Mattaayo 23:13

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin aritti dakhi goobi Waakhe ꞌdooꞌd kahiddaane, atin rubeytiin la goobi Waakh ma gessaane, toro la ꞌdooꞌdi gelin ꞌdoono kajeyissaan.

Yaakoobo 5:19

ꞌDooꞌd Kiriistokaaw, chiꞌ etoo goytiin ka jiti rummaat kabaabe, etoo addan la soohosse,

1 Timooti 6:21

ꞌDooꞌd gaasoo garantaase cheeka, jeentetaas u wori Kiriisto miinsane icho kakhuufaan a kabaabeen. Waakh ba kimaala!

Bakkaahit 18:13

Toro et geeyohi gololle lakachibo ꞌdee golol haaggicho ichoow miricchinye ichoow subahenyeti hahhaaggane sar lakadowti ichoow uyuuggeti lasaarti kagatti mele. Toro et farsoti sabiib ichoow subakki geeyi oolif ichoow ingangaano ichoow ꞌdargaayye ichoow looyyo ichoow iiy ichoow faráꞌd ichoow garrunyeti faraꞌde jiitto ichoow ꞌdooꞌdi loororicho kagatti mele.

Mattaayo 6:19

“Kamurroonkiin harrata ka meel iisigelinna. A mehe inta ka gubaal ichoow kuuttu a suujaachaane ꞌdooꞌdi walah hato la min a jebcha hata.

Mattaayo 13:22

ꞌDooꞌd gaasoo a iꞌdi inti geeyohi rurrucchule kudah khabto. Ilmohi harrata kadiho a iꞌdi eti Yeedi Waakh daago, raaho, iꞌdaasenyi waꞌdwaaꞌdi harrata ichoow ꞌdamaanki kamurroon ba afchaane, gurnaan icho delaan mele.

Marko 4:19

iꞌdaasenyi dowwa on waꞌdwaaꞌdi harrata ichoow ꞌdamaanki kamurroon ichoow wahanyeyyohi addane liimoono ba Yeeda afchaane, gurnaan icho delaan mele.

Kolossaay 3:5

Maantaka sartiinti harratane uskeel ꞌdoonto wahanyeyyohi iꞌdee ka agiisa. ꞌDooꞌdi isidisanne isleeurꞌdo ichoow wihi biꞌdire ichoow ꞌdooꞌdi eti icho argaan ichohi leeurꞌdo ꞌdoono ichoow uskeeli liimoono ichoow ꞌdamaam ꞌdiicha. ꞌDamaam la a iꞌdi iyookkoyyohi waakkhakh lakayeessi.

2 Timooti 3:2

Ebba awtiissa on ꞌdoona, chilim ꞌdoona, serey isgeecha, eylaja, enenyet meꞌdeꞌddeela, ꞌdooꞌdi dele ma daago, kalaꞌd mele, Waakh ma inkaanyito.