1 Timooti 6:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Eti tuummane huleesi bowꞌda siꞌdo Yeesso rummeeste, kamuriis rumanka a inkaanyito, uus ꞌdee Waakh ichoow woriiski enenyet laabcho liigafine.

1 Timooti 6:1 Referans Kwoze

Tiito 2:5

Toro la deyyehoti nunnugul saggi iche isijeyisso, iche jiroti miꞌdabe ijirto, iche urmohicho mujjum idakhatti, iche wihi haaggan iyeesso, iche makhaaballeticho aficho ikutin abin a yubaaꞌdeen. Iꞌda ka enenyet Yeedi Waakh ma igafo.

Rooma 2:24

Iꞌdi liichiiruu, “Jeenteti atinhi Yaꞌhuude, iche ꞌdooꞌdi Waakh igaran magahi Waakh ikagafa.”

1 Beetero 3:16

Toro rubeyti suujoon atin ikacheekan khaba, ꞌdee jirotiinti haaggane jeenteti atin Kiriisto ikakhuuftaan jirtaan ka atin hayhayo hankichokaas ka lakhaanyo a khaatatti.

1 Beetero 2:12

ꞌDooꞌdi Waakh igaran goyaka jiroti haaggan jira, ꞌdee koli icho suujoonkoo atin kacheektaan tuumman, jeenteti icho haaggi atin yeessaan ifiirichaan u, Waakh a koolicheen maanti us yamiit.

Galaatiya 5:1

Kiriisto a inno soofure, maantaka uus inno bowꞌda itaahan. Mujjum tolola giꞌde, toro la huleesi bowꞌda uus atin lakorin.

Hilassi Ergaano 15:10

Toollaka a iꞌdoh Waakh kajme igelissaane, huleesi aacchinyeteen ommos inno iubaaꞌdan, abatti adah ikarartaan?

Hilassi Ergaano 10:22

Reer wihi us ilaabe, “Etoo Korneeliyo layadeehe koobbintoo iskareet itoollo kanimiy. Ulla a etoo fissane Waákh karooro, yaafti Yaꞌhuud tuumman la weyti inkaanyitto. Hertoo Waakhe munyeenye usu minkiis a kiwaho ꞌdee wora a daago itidah.”

Hilassi Ergaano 10:7

Chirri herti Waakhe kootte leeyyeedde katabte ka, Korneeliyo falfa lamma minkiis kajirto ichoow etoo iskareet soowahe. Et la a ki ullaka weyti Yeedi Waakh khuccho toro la Korneeliyo rubeytiis yaakhicho.

Luuka 17:1

Yeesso wihi us abattitiis iyidah, “Wahanyeyyohi enenyet uskeel kalugꞌdo a yamiitiine, iꞌdaasenyi eti icho leeyamiitiin sinati sugto eenna a buure!

Mattaayo 11:30

Iꞌdi tahe hili an atin korcho a ꞌdabakhe, huleeseey la a ꞌdabakh.”

1 Timooti 5:14

Maantaka wihi an ꞌdoono muunkhoyyohi nunnugul toro a ladiso nyaakhut a deleene, goobassicho a woywoyeen. Iꞌda ka chiiytankeen jit us inno kahanti mele.

1 Koriinto 10:32

Fiddihi atin fiddiitaan uus etoo kalday laka tarraantarrin, ꞌdooꞌdi Yaꞌhuud ommos ki Yaꞌhuud ieheynan ommos ururi Waakh eheetteey ka ba.

Mattaayo 11:9

ꞌDeerka mehe iratteene agarteen? Eti Waákh íyeyyeedo agarteen? Aa, rumanka eti atin agarteen, eti Waákh íyeyyeedo laka a kussanyahe.