1 Timooti 5:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Eti tuummane goobicho iwoywoyine kach ka la minkicho iwoywoyin, wihi inno kakhuufno a ꞌdiiꞌde. Eta eti Kiriisto irummeysan laka tabar a dowe.

1 Timooti 5:8 Referans Kwoze

Galaatiya 6:10

Maantaka, maambaaw inno jitoo ꞌhelle, enenyet tuumman haag iyeello. Kach ka la, ꞌdooꞌdassi Kiriisto rummeeste haag iyeello.

2 Koriinto 12:14

Toolla koli seyyahnaatteet a tannabde goytiinna emeet ꞌdoona. Hulees an atin korcho la mele. A mehe wihiin an ꞌdoono mele, iꞌdaasenyi atine atin ꞌdoona. Iꞌdi tahe nyaakhut mee ꞌdooꞌdi dele walah yahay igesso, iꞌdaasenyi ꞌdooꞌdi nyaakhut dele iche nyaakhut walah yahay igessa.

Tiito 1:16

ꞌDooꞌda Waakh a garanna essa, iꞌdaasenyi jiroti icho jiraan ka Waakh a ꞌdiiꞌddanyahiin. Weyti laꞌdiiꞌddanyahe, yeed ma daagaane, haaggoo rucchul laka yeelin ma yabuuꞌdiin.

Mattaayo 7:11

Chirri atinhi uskeel leh ba nyaakhutiin siinti haaggan siissaan, Aabbahiinki serey jiro la geeddoo meheenye ꞌdooꞌdi usu walah daahe siinti haaggan siicha!

2 Timooti 3:5

ꞌDooꞌdi Waakh tuum raaho iskaayyeela, iꞌdaasenyi miigti Wori Haaggan jiroticho ka a ꞌdiiꞌdaan. ꞌDooꞌdi iꞌdee buj.

Bakkaahit 3:8

Wihi atin haaggisaan tuumman a garda. Yeya ani ortiin ka afaf a atin ifure, etoo kalday laka ma hido. Saggi atin miigtoo rucchul on ikhabtaan a garda, iꞌdaasenyi atin yeedeey a raahteene, toro la magaheey ma ꞌdiiꞌdin.

Bakkaahit 2:13

Inti atin fiddiitaan a garda, a inti Seytaan kombortiisti antoot kakhabo. Iꞌdaasenyi atin uliba rum ka a ikhucchissaan. Maanti eteeyki lakakhuufo Antiiba layadeeh ilkerengeettiinti ween ka inti Seytaan fiddiyo lakayigis laka, atin saggi atin ikakhuuftaan ma ꞌdiiꞌdin. Usu rum ka garteey a laabe.

2 Beetero 2:1

Yaafohi Issiraayel goyaka la, ꞌdooꞌdi beenaate ꞌdooꞌdi Waakh iyeyyeedee a jire. Saggaas on u ꞌdooꞌdi ꞌdooꞌdi Waákh íyeyyeedo iskaayyeelo laka goytiin a soogela dagsi ka yeedassi beenaate jit Kiriisto enenyet buucho enenyet abcha. ꞌDooꞌda la Kamuri gatte laka a ꞌdiiꞌda, baabakki Waakh baabiicho dowwa on isikeenaan.

Yoohana 15:22

“Chirri goorat an iimaatane an icho ileeyyeedin, uskeel lakacheekti mele gon. Iꞌdaasenyi toolla uskeelicho ka walah icho laabaan mele.

Yuuda 1:4

Iꞌdi tahe ꞌdooꞌdoo dagsi ka goytiin soogele a jira. Saggi archiiy Yeedi Waakh liikachiiruu ꞌdooꞌda sina a liigooche. Icho a ꞌdooꞌdi Waakh igaranne, haaggi Waakhe buure baabulo, jitoo icho sohoꞌddarri kaassohtaan kayeelo. Toro la Yeesso Kiriistohi Kamureenki keleyenye anto tuumman leh a ꞌdiiꞌddanyahiin.

2 Koriinto 6:15

Ayyintoh Kiriisto ichoow Seytaan ba isikhabaan? Ommos eti Kiriisto rummeeste ichoow ki Kiriisto irummeysan mehe iskakhabaan?

Mattaayo 18:17

Chirri us ꞌdooꞌdaas sookute, urur Kiriisto icheek. Chirri us urur Kiriisto laka sookute, iꞌdi eti Waakh igaran ommos iꞌdi eti suujenye kooddi goocho iekkaacha.

1 Koriinto 6:6

Iꞌdaasenyi wahaas ma yeessaane, etoo Kiriisto rummeeste iche koo addan kootiin geecha lahukkuma, toro la ꞌdooꞌdi Kiriisto irummeysan igeecha.

2 Timooti 2:12

Chiꞌinno garrahsanni, usu walah a leedakhanna. Chiꞌinno usu ꞌdiiꞌdne, ullaka a inno ꞌdiiꞌda.