1 Timooti 5:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Muunkhoyyohi walah ikhabin mujjum inkaanyite wihi icho laayahin sii.

1 Timooti 5:3 Referans Kwoze

Hilassi Ergaano 6:1

Saahka maanti tiri abatti Kiriisto kasookhayme ka, ꞌdooꞌdi Yaꞌhuude afi Giriig daago yaafohi Yaꞌhuude afi Ibiraaniya daago leeiriire. Wihi tahe muunkhoyyohicho gololi maan dakkhan enenyet lagiso ma ꞌhelaan.

1 Beetero 2:17

Taba enenyet tuumman inkaanyita, ꞌdooꞌdi addane Kiriisto rummeeste ꞌdoona, Waakh karoora, karnat la inkaanyita.

1 Beetero 3:7

Saggaas on u, atinhi arammee taba deyyehotiin jiti samacchaare ka leefiddiya saggi icho wahalhi atin kaaꞌddaran iyahiin kasa. Toro la inkaanyita iꞌdi tahe atin tuumman jiroti Waakh enenyet iꞌdaanu siicho a isleeꞌhessaan. Chaꞌatin iꞌda yeessaan la, walah weysihiin jeycho mele.

Yaakoobo 1:27

Jitaas inno Waakkhi Aabbaheene mujjum karaahno us khaatti uruftoo rucchul laka ikhabine toro wohoo ikaankhaneynan, a ki nyaakhuti abar ichoow ooyo laa ichoow muunkhoyyo sinayyohicho ka mujjum lawoywoyo. Toro la wahanyeyyohi harratane sussuujenye enenyet biꞌdirroocho islakalaabo.

1 'Dessaloonika 2:6

Nah weeli enenyet, atin eheetteey ommos ꞌdooꞌdoo addan eheetteey ka ba, koolo ma kayowan. Nah a ergaano Kiriisto gone, a geeddi kootte nah walah atin leemaranno.

Hilassi Ergaano 9:39

Beetero la icho raahe. Chirri us sooeleele ka, lakhaate goonankaas saraat lageeche. Deyyehoti ittaawenye muunkheyyee la intaase tolossa ooyta. Ubbaarreti derdeer ichoow kabuuꞌddeti iche geeddi iche jirte tosse, Beetero tuseen.

Luuka 7:12

Chirri us aritti ilkerengeeteet sooeleele ka, inanki kaldaye makhaabassoo muunkhee leetehe usuhi buje hawwaal liisiꞌdo kasooyegeen. Ururi buurenye ilkerengeet kayimiy la iche a leejire.

Luuka 2:37

makhaabaliche buje. ꞌDeerka muunkho eheete ichoowka guꞌh tomon siyyeet ichoow guꞌh affar eleesse. Iche la injire minki Waakhe buure ma kabahine, iꞌdaasenyi ibeen ichoow maalim ba Waakh on wahatta, af hidatta toro weysatta.

Mattaayo 23:13

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin aritti dakhi goobi Waakhe ꞌdooꞌd kahiddaane, atin rubeytiin la goobi Waakh ma gessaane, toro la ꞌdooꞌdi gelin ꞌdoono kajeyissaan.

Mattaayo 15:6

us gargaaraas ka aabbahiis iinkaanyitin. Iꞌdaas ka jeenteti hugunkiin u, antohi Yeedi Waakh a ꞌdiiꞌddaan.

1 Timooti 5:2

Deyyehoti kaawewween iꞌdi abartaah iwoywoye, deyyehoti nunnugul la iꞌdi albehi kileeddesse iwoywoy. Waha la mali haaggane eloo rucchul laka ikhabin kayeel.

Yoohana 1:47

Chirri Yeesso Naꞌdaanayelhi isoosohti arge ka, wihi usu miinsane us yidah, “Eti rumanka Issiraayelenye wihi beenaat liikaꞌhelin kalla.”

Hilassi Ergaano 9:41

Ulla dahan sookhabte toolliche. ꞌDeerka muunkheyyo ichoow ꞌdooꞌdi Kiriisto rummeeste soowahe, ichehi nool dahanticho gesse.