1 Timooti 5:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Iꞌdaasenyi chirri makhaabassoo Yeesso rummeysatte jirto iche la minkiche ka muunkhoyyohoo khabto, iche muunkhoyyohaas woywoyta uus ꞌdee urur Kiriisto huleesa lakorinne. Iꞌda ka urur Kiriisto muunkhoyyohi eti gargaaro laa kalday on woywoya.

1 Timooti 5:16 Referans Kwoze

1 Timooti 5:8

Eti tuummane goobicho iwoywoyine kach ka la minkicho iwoywoyin, wihi inno kakhuufno a ꞌdiiꞌde. Eta eti Kiriisto irummeysan laka tabar a dowe.

1 Timooti 5:9

Muunkhoti magahiche ꞌdooꞌdi lagargaaro goya lakachiiro a ti guꞌh tomon lih ꞌdirihiche khabto, goorat makhaabaloo kalday on khabte,

1 Timooti 5:10

toro la a ti jeenteti iche haag iyeessuu enenyet tuumman inkaanyito. Haaggiche a ꞌdow on. A ti nyaakhuutiche jiti haaggan kasooweynaasse, a ti goobiche ka ꞌdooꞌd martiisatte, a ti ꞌdooꞌdi Waakh iꞌdi ilbooy u luhlo dikhte, a ti ꞌdooꞌdi sina khabe gargaarte. A ti hili haaggan tuumman isisoobihisse.