1 Timooti 5:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Iꞌdaasenyi muunkhoyyohi nunnugul achiirin. A mehe ꞌdee yomboka kolossoo ildeerroti sarticho a geeddi iche anatti icho hil Kiriistoki goorat icho isisoobahcheen ꞌdiichaane, mindischo gelin ꞌdoonaan.

1 Timooti 5:11 Referans Kwoze

1 Timooti 5:14

Maantaka wihi an ꞌdoono muunkhoyyohi nunnugul toro a ladiso nyaakhut a deleene, goobassicho a woywoyeen. Iꞌda ka chiiytankeen jit us inno kahanti mele.

Yaakoobo 5:5

Jiroti atin harrata ka jirteen a ti atin wihi atin ꞌdoonteen tuumman khabteene, toro la hamadiinna on yowatteen. Atin wihi uurassiin ꞌdoonaan tuumman a dargisseen, iꞌdaasenyi ibeenki Waakh enenyet hukkumo ma kasin.

Bakkaahit 18:7

Geeddi iche iskoolisse, iche kamurroonki sohoꞌddarri kijirte, iche geeddaas sina ichoow bolokh tusa. A mehe uuriche ka a eylajja, mehe elatta ya, ‘An saggi makhaabassi karnatenye ijira. An muunkho menye, jirtuu la ma ooyo.’

2 Beetero 2:18

A mehe icho yeedi ilmarhaatteete kaayyeedaane isatahnoochaan. ꞌDooꞌdi yeed Yeesso ka jarakhenye, dowwanoha ka suujoonki us yeele kabahsati wihi uurassicho goya kijiro uskeel imoono ka sohoꞌddarri isoojiitaane angey gessaan.

1 Timooti 5:9

Muunkhoti magahiche ꞌdooꞌdi lagargaaro goya lakachiiro a ti guꞌh tomon lih ꞌdirihiche khabto, goorat makhaabaloo kalday on khabte,

1 Timooti 4:3

ꞌDooꞌda mindischo enenyet tirta. Toro la gololleti Waakh on sooumhe ꞌdooꞌdi Kiriisto rummeeste rum abte kootte Waakh kalaꞌd ilaabo isleeyaham enenyet uumhana idowa.

1 Timooti 5:12

Iꞌda ka la jeenteti icho ayyinti icho ꞌhor Waakh iayyicheen ijebcheen u sina isigoochaan.

Bakkaahit 18:3

Iꞌdi tahe yaafo tuumman, farsoticheti sabiibe sohoꞌddarriti holi Waakh keento iche dameen. Karnatohi harra tuumman la makhaabassaas sohoꞌddarri kaleessohteen. ꞌDooꞌdi bacchaara harra tuumman la jeenteti sohoꞌddarriticheeda ikamurrowe.”

Bakkaahit 18:9

“Karnatohi harra goorat iche sohoꞌddarri kaleessohte, kamurronkiche leegisme maanti icho uunki ꞌdabi ilkerengeettaas yaham argaan a uuwwichaane iche ooyaan.