Biblia Todo Logo
Bib sou entènèt

- Piblisite -




1 Timooti 4:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

8 A mehe sarti lajeycho indigirtoo rucchul on khabta. Iꞌdaasenyi jiroti Waakh kahamaado lajiro, walah tuumman indigire ikhabta. Jiroti toolla ichoow ti soosohatti ka, jiroti Waakh kiayyiche jirta.

Gade chapit la Kopi




1 Timooti 4:8
52 Referans Kwoze  

Iꞌdaasenyi koloo dakhi Waakh ichoow fissanoonki Waakh ꞌdonꞌdoon, ulla wahanyeyyoha dakkhan a ikaasookhayaa.


Iꞌdaasenyi jiroti Waakh liijiro a indigirti buure chirri at wihi at khabto kadaragto.


Waha la a wihi Kiriisto inno iayyiche, a jiroti jirtuu imassanne inno ꞌhello.


jiroti toolla us jiro ka kol kud, iche wahaas us kasootabe ꞌdirihiis ꞌhela. Goob ichoow walaalinyetiis ichoow albehi leedesse, arbo, nyaakhut, ichoow gosas ꞌhela, toro la geedda tuumman sina laka loomhicha. Jiroti yomboot ka la, jiroti jirtuu imassanne ꞌhela.


Maantaka yeedi tuummane runti Waakh tabardowsane enenyet laabcho, uus jiti mujjume atin bujin. A mehe wihi indigir atin ikhabo gololi soorriyoyyoote layaham menye, a haaggi Waakhe buurenye uurassiin miigoocho.


Eti tuummane sooricho, antohi ullaka komborteeyti antoot ikaleeorronti siicha, saggaas ani laka isooriche komborti antoot Aabbaheey ikaleeorronduu.


Yeedassaas an idah a wihi lakakhuufo. Atihi yeedassaas katirriinsatti ꞌdee ꞌdooꞌdi Waakh rummeeste kol tuumman haag yeelo iche ꞌdoona. Wahanyeyyoha la enenyet a ihaagganyahiine toro la a iroonyahiin.


Eti tuummane sooricho la minki buurenye Waakkheey ka tirrinki dagaheete kayeela, ulla jirtuu tuumman intaas ma kakaho. Ani la magah Waakkheey ichoow magah ilkerengeetti weene Waakkhaaya usu kachiira. Ilkerengeettaas la a ilkerengeetti weene Yeerusaleeme husube Waakkheey goobiis kasooyagcho. Toro la magaheeyki husub laka usu kachiira.


Iꞌdaasenyi golol koloo kalday laka Waakh ma inno idowwaacho. Chirri inno iumhan walah inno waayno mele, chirri inno nuhum laka walah inno ꞌhello ba mele.


Wihi inno garanni a mehe ya, walah tuumman ka Waakh ꞌdooꞌdi usu ꞌdoono wihi haaggan a iyeela. ꞌDooꞌdaas la a ki Waakh saggi us igooche iwahe.


Baawulo ommos Aboollo ommos Keefas ommos harrata ommos jiro ommos omoot ommos wihi toolla jiro ommos wihi yombo soojiro tuumman eheetteey ka ba, a wihiinna.


Eti tuummane minan ommos walaalinyetiis ommos albehi leedesse ommos aabbahiis ommos abartiis ommos nyaakhutiis ommos gosiis jeenteti us abattiteey iyahuu kasootabe la, kol kude wahaas us kasootabe ꞌdirihiis ꞌhela, toro la jiroti jirtuu imassan laka a ꞌhela.


Eti Ínam Aadam igafe a geeddi uskeeliis liikakuto. Iꞌdaasenyi eti Rubeyti Munyee igafe, uskeeliis harrata ka ichoow harrati soosohatti ka ma liikakuto.


Hawweesseti Yeedi Waakh buusan ichoow ti ꞌdalam ba kaseeh. Isjeyiche ꞌdee jiroti Waakh kahamaado jir.


Chirri ꞌdooꞌdoo wihi us enenyet abcho wihi beenaat yahiine, toro wor Yeesso Kiriistohi Kamureene buusanyahiine, toro la saggi kootte ꞌdooꞌd Kiriisto Waakh ikajiro tirrimo,


ichoow iriirti kol dakkhan islaleeiriiro keenaan. Malassicho a lakheerooche, rum tuumman a lasare. Icho jiroti Waakh liijiro jitoo lakakamurrowo koogyahiin.


ꞌDooꞌdi Waakh tuum raaho iskaayyeela, iꞌdaasenyi miigti Wori Haaggan jiroticho ka a ꞌdiiꞌdaan. ꞌDooꞌdi iꞌdee buj.


Farsoti sabiibe husub, urgohi uktoote husub on lakachiba.


Swiv nou:

Piblisite


Piblisite