1 Timooti 4:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Hawweesseti Yeedi Waakh buusan ichoow ti ꞌdalam ba kaseeh. Isjeyiche ꞌdee jiroti Waakh kahamaado jir.

1 Timooti 4:7 Referans Kwoze

1 Timooti 1:4

Toro la ꞌdooꞌdi hawweesseti beenaat ichoow magahenyeti ittaawenye hiiyyassichooda icho immarah wawwahaan ꞌdiicha itadeeh. Waha la jaakh on keenaane, toro la gargaar icho hili Waakh ikhabaan mele. Wihi hili Waakh indigir ikhabo, a chirri Waakh lakakhuufo.

2 Timooti 2:16

Hawweesseti ꞌdalame Waakh ikahamaadin buj. A mehe hawweesseti iꞌdee enenyet on Waakh kaseehichaan.

Tiito 2:12

Haagga la saggi jiroti Waakh ikamalin liijirin ichoow saggi wahanyeyyohi harratane sussuujenye liimoono liiꞌdiiꞌdo iche inno abcha. Toro la harrata ka, ꞌdooꞌdi isjeycho, fiffissane, jiroti Waakh ꞌdoono jiro, inno abcha.

Tiito 3:9

Iꞌdaasenyi iriirti ꞌdalam ichoow magahenyeti aacchinye ichoow jaakh ichoow amurre Muusati islaleeiriiro kaseeh. Iꞌdi tahe waha a wihi ilmarhaatteete indigir laa.

Ibiraaniya 5:14

Iꞌdaasenyi gololi miige a ki ꞌdooꞌdi iiꞌdowe, kol tuumman Yeedi Waakh raaho, wihi haaggan ichoow wihi suuje seley saahnaan isabche.

2 Timooti 2:23

Iriirti ꞌdalame khara laa goya agelin. A mehe saggi at igarattuu, wahaas jaakh on delaan.

2 Timooti 4:4

Icho la yeedi rummaat adah a kakhabtaane, hawweesseti beenaat nabah isudaan.

1 Timooti 6:11

Iꞌdaasenyi at a eti hili Waakh haaggicho. Maantaka uskeelaas tuumman kafirid. Hol dowe jiroti fissan yowo, jiroti Waakh kahamaado jire, Waakh kakhuufe, ꞌdooꞌdi addan ꞌdoone, garrahso toro samacchaar ateeh.

Hilassi Ergaano 24:16

Anna jeentetaase kol tuumman Waakh ortiis ichoow weeli enenyet ortiis ka hol idowa, rubeyti suujoon ikacheekan ikhaba.

1 Timooti 6:20

Timooti, wihi Waakh dahantaah soogesse mujjum yaakhi. ꞌDooꞌdi yeedi ꞌdalame inkaanyitoo rucchul laka Waakh ikakhabin ichoow iriirti ilmarhaatteete icho been ka a garanti rummaat essaan nabah iisudin.

Tiito 1:14

hawweesseti Yaꞌhuude indigir ikhabin la iicho nabah isudine, amurreti ꞌdooꞌdi yeedi rummaat ꞌdiiꞌdo la iicho raahin.

2 Timooti 3:12

Rumanka la eti tuummane jeenteti usu ichoow Yeesso Kiriisto ba wohoo kalday yahiin u jiroti Waakh ꞌdoono jirin ꞌdoono sina a loomhicha.

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.

1 Timooti 2:10

Iꞌdaasenyi deyyehoti ꞌdooꞌdi Waakh istadeeh, wihi lakasooraaho a haaggi iche yeesso.

1 Timooti 1:9

Inno saggi amurretaas ꞌdooꞌdi liiyeele ki fiffissan ieheynan laka a garanna. Iꞌdaasenyi amurre a ti ꞌdooꞌdi amurreti Waakh iraahin ichoow ki weynaan iinkaanyitin ichoow ki Waakh igaran ichoow ki uskeel yeelo ichoow ki Waakh ikahamaadin ichoow ki Waakh iinkaanyitin ichoow ki ꞌdooꞌdi dele bakkicho ichoow ki diig gelo.

1 Timooti 4:8

A mehe sarti lajeycho indigirtoo rucchul on khabta. Iꞌdaasenyi jiroti Waakh kahamaado lajiro, walah tuumman indigire ikhabta. Jiroti toolla ichoow ti soosohatti ka, jiroti Waakh kiayyiche jirta.

1 Timooti 6:3

Chirri ꞌdooꞌdoo wihi us enenyet abcho wihi beenaat yahiine, toro wor Yeesso Kiriistohi Kamureene buusanyahiine, toro la saggi kootte ꞌdooꞌd Kiriisto Waakh ikajiro tirrimo,

1 Timooti 6:5

ichoow iriirti kol dakkhan islaleeiriiro keenaan. Malassicho a lakheerooche, rum tuumman a lasare. Icho jiroti Waakh liijiro jitoo lakakamurrowo koogyahiin.

2 Timooti 3:5

ꞌDooꞌdi Waakh tuum raaho iskaayyeela, iꞌdaasenyi miigti Wori Haaggan jiroticho ka a ꞌdiiꞌdaan. ꞌDooꞌdi iꞌdee buj.