1 Timooti 4:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ A mehe Yeedi Waakh ichoow weysi ba wahaas a munyaachaan.

1 Timooti 4:5 Referans Kwoze

1 Timooti 4:3

ꞌDooꞌda mindischo enenyet tirta. Toro la gololleti Waakh on sooumhe ꞌdooꞌdi Kiriisto rummeeste rum abte kootte Waakh kalaꞌd ilaabo isleeyaham enenyet uumhana idowa.

1 Koriinto 7:14

Iꞌdi tahe makhaabalicheki Kiriisto irummeysan jeentetichuu Waakh a munyaache. Makhaabassi Kiriisto irummeysan, jeenteti makhaabali Kiriisto rummeestuu Waakh iche a munyaache. Chirri iche iꞌdaas ieheynan la, nyaakhutiin ki ꞌdooꞌd Kiriisto mee. Iꞌdaasenyi saggi iche ijirtuu, nyaakhutiin Waakh a munyaache.

Luuka 4:4

Yeesso wihi us ilaabe, “Chiirnaanneti Waakh wihi kachiiran, ‘Weeli enenyet golol kalday mee kanoolyahe!’ ”

Tiito 1:15

ꞌDooꞌdi rubeyohicho ka eloo rucchul laka ikhabin, wahanyeyyohi jirota tuumman a leemunya. Iꞌdaasenyi ꞌdooꞌdi biꞌdirenye Kiriisto irummeysan ka, walah tuumman a biꞌdir. A mehe malassicho ichoow rubeyohichoki haag ichoow suujoon seley saaho a lakheerooche.

Luuka 11:41

Iꞌdaasenyi gololi baakhuul goya kijiro miskiin siicha ꞌdee walah tuumman ka biꞌdir a bahtaanee.

Ibiraaniya 11:3

Jeenteti inno Waakh ikakhuufno, iche saggi us yeedi afiis on ka us harra isoouume igaranna. Wihi toolla indo lakaargo la, wihi indo liikaargine lakasoouume.