1 Timooti 4:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Worassi iꞌdee inti icho kayamiitiin a ꞌdooꞌdi iskaayyeelo beeno leh. Rubeyohichoki haag ichoow suujoon seley saaho a iꞌdoo gaꞌdaari kuleele ka lakobdaaddinooche.

1 Timooti 4:2 Referans Kwoze

Efeesso 4:19

Icho chiꞌicho suujoon yeelaan laka kola leelakhaanyo mee. Wihi sarticho ꞌdoonto iꞌdaanu yeelaan. ꞌDamaam ka biꞌdiri noole kol dakkhan iamuumaan.

Rooma 16:18

A mehe ꞌdooꞌdaas Kiriistohi Kamureene ma ifalaane, awtichooda on ifalaan. ꞌDooꞌdaas afe chinniyahe, enenyet af on kakoolichaan. Jita ka la malassi ꞌdooꞌdi dowwa luhlo lakakhaato ekkeestaan.

Hilassi Ergaano 20:30

Berri goytiin ka laka ꞌdooꞌdoo wihi rummaat urgiyicho ꞌdee abatti ankicho ijiito a soobaha.

Bakkaahit 16:14

Icho a rubeyohi ginnayyohi girmo tuso. Ginnayyoha karnatohi harra tuummane iirtaane, ꞌdee ibeenki weene Waakkhi Miig Tuumman Leh ka diho iururichaan.

2 Timooti 3:5

ꞌDooꞌdi Waakh tuum raaho iskaayyeela, iꞌdaasenyi miigti Wori Haaggan jiroticho ka a ꞌdiiꞌdaan. ꞌDooꞌdi iꞌdee buj.

Rooma 1:28

Toro la jeenteti icho Waakh garan iꞌdiiꞌdeen u, Waakh icho a ꞌdiiche, uskeeli nool kamassaan. Suujoonki nool on kamassaane, jeentetaas u wihi kootte ikamaline yeelaan.

Mattaayo 24:24

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate laka ekkeestaan.

Mattaayo 7:15

“Taba ꞌdooꞌdi ꞌdooꞌdi Waákh íyeyyeedo iskaayyeelo yuubsada, iꞌdi tahe icho uummanki iiyyaate atin ikayamiitiine, ugoka uurassicho ka a yaayti weyti sussuuje.

Efeesso 4:14

ꞌDeerka inno iꞌdi nyaakhuti dowwa leekkeesti menye, iꞌdi koobanhoo rucchule chirri hafar urgiyo kolba ankoo liikhaato mee. Toro la inno ꞌdooꞌdi worassi beenaate icho enenyet abchaan ka enenyet ekkeesti mee.