Biblia Todo Logo
Bib sou entènèt

- Piblisite -




1 Timooti 4:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

16 Kol dakkhan jirotaah ichoow wihi at ꞌdooꞌd abisso yaakhiche, weyti la goya yey. Chaꞌat waha yeesso, a isribta ꞌdooꞌdi kidagansati laka ribta.

Gade chapit la Kopi




1 Timooti 4:16
38 Referans Kwoze  

Toro la a eti wori rummaate lakakhuufo laabche mujjum khuccho, ꞌdee eti wora ka ꞌdooꞌdi addan uur miigoon yabuuꞌde toro ꞌdooꞌdi wora tirrimo uskeelicho icheekin yabuuꞌd.


Ati rubeytaah la wihi tuummane at yeesso ka, iyookkoti haaggane icho raahaan iateeh. Saggi at enenyet walah iabisso ka, eloo rucchul laka atusine, wohoo ꞌdabakhe iikhaatine,


Tab giꞌde tannabo Yeedi Waakh kolal dakkhan ꞌdooꞌd icheek. ꞌDooꞌd saggi us uskeel iyeele icheeke, leejaakh, toro uur miigooy. Geeddi at waha yeesso la weyti samacchaare, mujjum la enenyet walah abi.


ꞌDeerka inno iꞌdi nyaakhuti dowwa leekkeesti menye, iꞌdi koobanhoo rucchule chirri hafar urgiyo kolba ankoo liikhaato mee. Toro la inno ꞌdooꞌdi worassi beenaate icho enenyet abchaan ka enenyet ekkeesti mee.


Maantaka yeedi tuummane runti Waakh tabardowsane enenyet laabcho, uus jiti mujjume atin bujin. A mehe wihi indigir atin ikhabo gololi soorriyoyyoote layaham menye, a haaggi Waakhe buurenye uurassiin miigoocho.


Taba aw isikhaba, uus ꞌdee etiinkoo kalday laka haaggi Waakhe buurenye us atin tuste waayine. Uus etiinkoo kalday laka iꞌdi hiiyyi hadaado khabo soobaho sina keeno, toro enenyet suujaacho itaahan.


Iꞌdaasenyi at orey on isoho, wihi goorat lakaabche at rummeysatti mujjum jurkhi. A mehe ꞌdooꞌdi at runta kaabatte a garatta,


“Weyti isyuubsada uus meleefu ichoow wahanyeyyohi sussuujenye ꞌdooꞌdi meleefee yeelo ichoow waꞌdwaaꞌdi jirota uurassiin miigoonne ꞌdee ibeenkaas iꞌdi angey u doglaan atin geline.


Chirri at ꞌdooꞌdi Kiriisto rummeeste waha kawaanisso, at ilbooy Yeesso Kiriistoki haaggane tateeh. Toro la kol dakkhan wori rummaate Kiriisto miinsan ichoow haaggi lakaasooweynaache at raahto rubeytaah ka miige kisiichaan.


Maanti an boroofenhi Makedooniya isohdi a kihawwaasde, ilkerengeetti Efeesso fiddiye kiidah. Efeesso fiddiita ꞌdee ꞌdooꞌdi worassi beenaate Waakh miinsan ꞌdooꞌd abcho amur ibihissa wahaas a toollicheen.


ꞌDooꞌd Kiriistokaaw, a atin hawwaasdee taba, ꞌdooꞌdi seley atin fido ichoow ꞌdooꞌdi halgo atin gelo, wihi icho atin idowaan wihi atin laabche buusanyahiin yuubsada. ꞌDooꞌda dakkhan kaseeha.


Maantaka jeenteti ꞌdooꞌdi Waakh soobahsatuu an walah tuumman a igarrahsada, ꞌdee icho laka ribnaan ichoow weynaanti jirtuu imassanne Yeesso Kiriisto lakaꞌhelo ꞌhelaan.


Iꞌdaasenyi an sarteey a jaha, toro la tuum jeycha uus ꞌdee inkoo an ꞌdooꞌdi ittaawe Wori Haaggan icheeke, ani rubeyteey oriisi goyaka liibihinne.


Nah la ꞌdee awteenyuu, weysi ichoow hili Waakhe Yeedi Waakh lacheeko a gello.”


“Atin rubeytiin laka yuubsada. Jaldaabohi Yaꞌhuude atin liidiiba, minassi weysiite Yaꞌhuud ka atin lajaha. Jeenteteey u, gaafanayyo ichoow karnatte atin liigeecha atin liicheekta, atin la garti Wori Haaggan tateehiin.


waha kasooꞌhela, eti etoo addane uskeel yeelo uskeeliis kasoolaabe, rubeyti etaas omootti armaanjireene kasoohossa, Waakh la uskeeli buurenye eti kootteet yeelo a ikakuta.


Wahanyeyyoha ꞌdooꞌd abiche uuricho miigooche, toro la antohi tuum lakisiiche ka leejaakh. Uus etoo kalday laka kiꞌdarraawin.


Arkiiba la wihi atin itadeehiin, “Tabe hili Kamur dahantaah soogesse, rumanka massi.”


ꞌDooꞌdi ꞌdabakhe ka la, an a isꞌdabakhnoocha, ꞌdee icho Kiriisto ikeena. An ꞌdooꞌda tuumman iꞌdichooda iskayeele, ꞌdee sagag tuumman ka ꞌdooꞌd gaasoo Kiriisto ikeena.


An iꞌdane yeela a mehe anihi ꞌdooꞌdeey inaaf gesso khajjeela, ꞌdee saggoo an gaasichokoo iribo ꞌhola.


Waakh eti tuummane garrahsati haag on yeelo, jita ka la Waakkhi usu koolicho, inkaanyit tuso toro la jiroti ituumin siicho yowti, jiroti jirtuu imassanne siicha.


Iꞌdaasenyi ichoowka maalinka Waakh a igargaare. Jeenteti toolla an inta itoollo an ꞌdooꞌdi weynaan laa ichoow ꞌdooꞌdi wewween ba ileeyyeedo a jeentetaas. Wihi an eldi a wihi goorat ꞌdooꞌdi Waákh íyeyyeedo ichoow Muusa ba ꞌdee berri a yateehiin cheekeen on.


Ani Baawulo, yeeda dahantaaya kachiira. Mogtiis ani kisooguta. Iꞌdaasenyi jiroti ati ichoow Kiriisto wohoo kalday tahiin ka saggi at ani mog ikakhabto laka an ma kaayyeedo.


Icho nahi Wori Haaggane yaafohi Yaꞌhuud ieheynan icheekno ꞌdee Waakh icho ribo laka jeyine ꞌdoonaan. Iꞌda ka la, kol dakkhan uskeelichooda on weyti isibuuraachaan. Kola holi Waakh icho a sooeleele.


Iꞌdi tahe Waakh kharatiis ka wihi us gooche, ꞌdooꞌdi harrata kharaticho on ka Waakh ma abti. Wihi Waakh kahamaadicho a chirri jiti ꞌdalammoon liikhaato Wori Haaggane lacheeko ka, us ꞌdooꞌdi woraas rummeeste ribo.


Geeddi at tabuuꞌd wahanyeyyoha an kiidah raahe, tuum isisoobihiche, ꞌdee ꞌdooꞌd tuumman saggi at orey ikasohatti a argo.


Swiv nou:

Piblisite


Piblisite