1 Timooti 4:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Geeddi at tabuuꞌd wahanyeyyoha an kiidah raahe, tuum isisoobihiche, ꞌdee ꞌdooꞌd tuumman saggi at orey ikasohatti a argo.

1 Timooti 4:15 Referans Kwoze

Mattaayo 5:16

Taba giꞌde atin laka iꞌdaasu, haaggi atin yeessaan weeli enenyet tuumman a argo, ꞌdee enenyet tuumman Aabbahiinki serey jiro a inkaanyito.

Hilassi Ergaano 6:4

Nah la ꞌdee awteenyuu, weysi ichoow hili Waakhe Yeedi Waakh lacheeko a gello.”

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

1 Timooti 4:6

Chirri at ꞌdooꞌdi Kiriisto rummeeste waha kawaanisso, at ilbooy Yeesso Kiriistoki haaggane tateeh. Toro la kol dakkhan wori rummaate Kiriisto miinsan ichoow haaggi lakaasooweynaache at raahto rubeytaah ka miige kisiichaan.

2 Koriinto 8:5

Wihi nah imurre weyti kuteen. Icho kolooraat Kamure isisoobahcheene, toro la saggi Waakh iꞌdoonuu wihi nah yeela inidah laka raaheen.

1 Koriinto 16:15

Woriiyye goob Isteefana miinsan a garattaan. Icho a ꞌdooꞌdi kolooraate boroofenhi Akhaaya ka Kiriisto rummeeste, hili ꞌdooꞌdi Waakh liihilo ka issoobahche. ꞌDooꞌd Kiriistokaaw, a atin hawwaasde,

2 Koriinto 4:14

A mehe wihi nah garanni, Waakkhi Yeessohi Kamureene omoot kasookahche, inno laka Kiriisto a inno leesookahcha ꞌdee inno tuumman Waakh ortiis inno keena.

1 Timooti 4:14

Siintaahti maanti ewweenki urur Kiriisto woyo dahano kikorche wori Waakhe lakaayyeedo at kaꞌhesse akadabin.

1 Timooti 4:16

Kol dakkhan jirotaah ichoow wihi at ꞌdooꞌd abisso yaakhiche, weyti la goya yey. Chaꞌat waha yeesso, a isribta ꞌdooꞌdi kidagansati laka ribta.