1 Timooti 4:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Jeentetuu la weyti hol downa, tirriinsanna, jeenteti inno Waakkhi jiro khajjeel ikakhabnuu. Waakkha la a ꞌDoorribehi enenyet tuummane, kach ka la ꞌdooꞌdi usu rummeeste.

1 Timooti 4:10 Referans Kwoze

1 Timooti 2:4

A mehe Waakh weeli enenyet tuumman usuhi laribo toro la rum abti ꞌdoona.

1 Yoohana 2:2

Usu goorat lasoorriyooche, ꞌdee holi Waakhe uskeeleen keeno bahcha. Jeenteti soorriyotiis u la, Waakh uskeeleen kalday ma bahcho, iꞌdaasenyi uskeeli weeli enenyet tuummane bahcha.

1 Timooti 2:6

Yeessoha la iꞌdaanu rubeytiis diibe, ribnaanki weeli enenyet tuumman gute. Omoot Yeesso Kiriisto ka, ibeenki mujjume ka Waakh saggi us weeli enenyet iribo a tuse.

Yoohana 1:29

Ibeenki kaas sooraaho ka, Yoohanahi Enenyet Baattissiyo Yeessohi soosohti arge. Yoohana la wihi us yidah, “Yeya, Heleenki Waakhe uskeeli ꞌdooꞌdi harrata bahcho kalla.

1 Yoohana 4:14

Inno saggi Waakkhi Aabbaheene Weeliis isooerge, ꞌdee us ꞌDoorribehi ꞌdooꞌdi harrata iyateeh a agarre, toro la a cheekna.

Yoohana 4:42

Wihi icho makhaabál iyidaaheen, “Toolla yeedaah kalday on ma rummeysanni, iꞌdi tahe nah laka awteenyuu usu a daagne, toolla la saggi rumanka eta ꞌDoorribehi enenyeti harra tuumman iyahe a garanna.”

Yoohana 5:24

“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.

Ibiraaniya 13:13

Maantaka inno laka Yeesso uram khariche ka iiranni, lakhaanyoti usu lakadowe, inno laka a inno lakadowo.

1 Beetero 1:21

Usu ka atin Waakkhi usu omoot kasookahche toro la weynaache a rummeysatteene, ꞌdee Waakh on kakhuuftaane, toro la usu on khajjeel kakhabtaan.

Ibiraaniya 11:26

Usu ka la lakhaanyoti us jeente Kiriisto iꞌhelo leedeefta, kamurroonki us ili Miissiri kaꞌhelo ka. Iꞌdi tahe usu kalaꞌddi buurenye berri Waakh guto, iche rerreege.

1 Timooti 6:17

ꞌDooꞌdi weyꞌdane kamurree amurreta ibihi. Rannyaat akhabina ommos hoolahi harratane dowwa on kuto khajjeel akakhabina, iꞌdaasenyi Waakkhi wihi inno ꞌdoonno tuumman inno siicho ꞌdee inno jiroti hamaad khabto jirro kakhuufa.

1 Timooti 3:15

Iꞌdaasenyi chiꞌ wohoo imalmalicheen laka, khadaaba a kisoochiira, ꞌdee jiroti innohi ururi Waakhe incheenka jirro abatta. Urura Waakh a ki Waakkhi jirtuu tuumman jiro, a tirrim ichoow daddaabohi ilaate runti Waakh tiiro.

Mattaayo 27:43

“Usu Waakhe kakhuufa, ‘Aní Weeli Waakhe,’ iche essa menya? ꞌDiicha giꞌde Waakh usu a ribo chiꞌ Waakh usu ꞌdoono,” yidaaheen.

Mattaayo 16:16

Siimonhi Beetero layadeeh wihi us ilaabe, “At a Ki Lasubhe, a Weeli Waakkhi jirtuu tuumman jiro.”

1 Koriinto 15:10

Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.

2 Koriinto 1:10

Waakh wahanyeyyohi uskule omoot keeno a nah karibe, toro la a nah riba. Nah usu gon khajjeella, ꞌdee ulla orey isohta nah riba,

1 Timooti 2:3

Waha a haagganyahiine toro la Waakkhi ꞌDoorribeheene a kahamaadichaan.