1 Timooti 3:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Toro la a eti ꞌdooꞌdi kharaate Yeesso irummeysan ka laka magahi haaggan khabo. Uus ꞌdee lakhaanyo keenine, angeyi Seytaan geline.

1 Timooti 3:7 Referans Kwoze

2 Koriinto 8:21

A mehe nah Kamur ortiis ka kalday menye, weeli enenyet ortiis ka laka samacchaare wihi haaggan yeella.

2 Timooti 2:26

Toro la matah bakkaaha, angeyi Seytaanki icho hide wihi us ꞌdoono yeelaan kasoobahaan.

Kolossaay 4:5

Taba ꞌdooꞌdi urur Kiriisto goya ikajirin jiti khara kaleefiddiya. Ibeenki Waakh atin siicho dakkhan mujjum khaadda, ꞌdooꞌdaas gargaara ꞌdee Kiriisto a kakhuufeen.

1 Timooti 6:9

ꞌDooꞌdi kamurrowin ꞌdoono, kajmeti uskeel kaluguꞌddo ichoow angey ichoow wahanyeyyohi ꞌdalame liimoono ichoow suujoone kadihaan. Waha la icho a jiitaane ichoowka suujaachaane bar tiraan.

1 'Dessaloonika 4:12

Iꞌdaakka ꞌdooꞌdi Kiriisto irummeysan a atin inkaanyita, toro la et atin kanoossahiin mele.

2 Koriinto 6:3

Uus ꞌdee hili Waakhe nah haagginno wohoo suuje lakaargine, wohoo rucchule enenyet tarraantarricho nah yeello laka ma jiraan.

1 Koriinto 10:32

Fiddihi atin fiddiitaan uus etoo kalday laka tarraantarrin, ꞌdooꞌdi Yaꞌhuud ommos ki Yaꞌhuud ieheynan ommos ururi Waakh eheetteey ka ba.

Hilassi Ergaano 6:3

Walaalinyeey, et teeba goytiin ka magah khabto, Rubeyti Munyee laka rubeyohicho buuhto toro la kharee soobahcha, hila a gelinno.

Tiito 2:8

toro la worassi fiffissane wohoo suuje lakacheekin liiubaaꞌdan cheek. Iꞌda ka ꞌdooꞌdi kitirrimo lakhaanyo khaatatta a mehe walah suujenye icho inno kacheektaan mele.

Tiito 2:5

Toro la deyyehoti nunnugul saggi iche isijeyisso, iche jiroti miꞌdabe ijirto, iche urmohicho mujjum idakhatti, iche wihi haaggan iyeesso, iche makhaaballeticho aficho ikutin abin a yubaaꞌdeen. Iꞌda ka enenyet Yeedi Waakh ma igafo.

1 'Dessaloonika 5:22

Suujoonki fil tuummane la kasoonokhda.

1 Timooti 5:14

Maantaka wihi an ꞌdoono muunkhoyyohi nunnugul toro a ladiso nyaakhut a deleene, goobassicho a woywoyeen. Iꞌda ka chiiytankeen jit us inno kahanti mele.

1 Koriinto 5:12

Rumanka, hili ꞌdooꞌdi urur Kiriisto ieheynan lahukkumo keey mee. Iꞌdaasenyi hili ꞌdooꞌdi urur Kiriisteenye uskeeli iꞌdee kijiro lahukkumo atine atin fuula.

Hilassi Ergaano 22:12

“Etoo Anaaniya layadeeh ani iargin yimiy. Us weyti Waákh karoora toro amurre Muusa mujjum raaha, ꞌdooꞌdi Yaꞌhuude Damaasko kajiro tuumman la weyti usu inkaanyita.

Hilassi Ergaano 10:22

Reer wihi us ilaabe, “Etoo Korneeliyo layadeehe koobbintoo iskareet itoollo kanimiy. Ulla a etoo fissane Waákh karooro, yaafti Yaꞌhuud tuumman la weyti inkaanyitto. Hertoo Waakhe munyeenye usu minkiis a kiwaho ꞌdee wora a daago itidah.”

Marko 4:11

“Waakh atine wihi dagsane dakhi Waakh miinsan atin siiche. Iꞌdaasenyi ꞌdooꞌdi kharaat walah tuumman ka a liimammahta,

3 Yoohana 1:12

Enenyet tuumman haag Demmediroos a cheeka. Us runti Waakhe raaha, waha la saggi us eti haaggan iyahe iche tusaan. Nah laka saggi us eti haaggan iyahe a atin isoocheekna. Atin la saggi wihi nah cheekno tuumman rum iyahiin a garattaan.

1 Timooti 3:6

Toro la eti inkoo dow Yeesso rummeeste mee. Jeenteti dowwa on liisoobahchuu a geeddi us weyti serey isgeecho, iꞌdi Seytaan u lahukkumo.