1 Timooti 3:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Toro la eti inkoo dow Yeesso rummeeste mee. Jeenteti dowwa on liisoobahchuu a geeddi us weyti serey isgeecho, iꞌdi Seytaan u lahukkumo.

1 Timooti 3:6 Referans Kwoze

1 Timooti 6:4

weyti serey isgeechaane, walah icho gartaan la mele. Malassi suujenye khabaane, wihi ilmarhaatteet on wowworsataane, walah rumenye icho laabaan la mele. Icho la yeedassi jaakh keeno on kahawwoochaan. Waha la kalꞌdarri ichoow hol ichoow meꞌdeꞌddeel ichoow imurchoti suuje

1 Beetero 5:5

Saggaasu la atinhi nunnugul taba ayti ewween atin idowo akutina. Atin tuumman la tuum isnuglaacha a mehe, “Waakh eti eylajo a ꞌdiiꞌddanyahe, iꞌdaasenyi eti isnuglaacho haaggiiski buurenye siicha.”

1 Beetero 2:2

Iꞌdi nyaakhuti rurrucchule dessuu, taba atin laka Wori Haaggan iꞌdi haanuut u iamuuma, ꞌdee ribnaankiin ka weynaada.

2 Koriinto 12:7

Jeenteti wahanyeyyohaas hahhaaggane Waakh itusuu la, sarteey goya kudakkoo lagesse us ꞌdee an weyti serey isgeenne. Kudakka la a ergattiti Seytaane ijahto.

1 Koriinto 8:1

An toolla wori gololi iyookkoyyohi waakkhakh lakayeessi liisoorriyooche miinsane kaayyeeda. Inno tuumman wihi wahaas miinsan a garanna. Kharateen rannyaate inno buuhissa, iꞌdaasenyi ꞌdooninti inno isꞌdoonno ꞌdooꞌdi addan a miigoossa.

1 Koriinto 3:1

ꞌDooꞌd Kiriistokaaw an saggi ꞌdooꞌdi Rubeyti Munyee woyto ma atin ileeyyeedine, iꞌdaasenyi iꞌdoo atin ꞌdabakkhi weeli enenyete harrata ikhabtaane atin ileeyyeede. Toro la kakhuufnaanki atin Kiriisto kakhuuftaan ka atin a iꞌdi nyaakhuti nahas nuugo.

Yuuda 1:6

Wihi addane an atin kasooꞌhelcho, a herti Waakhe goorat antohi Waakh siiche ka hili lasiiche ibuuhinne, iꞌdaasenyi meessiche katabte. Waakh icho biingoyyohi armaanjireene mugꞌdi goyaka kahide, ichoowka Ibeenki weene Waakh ꞌdooꞌd hukkumo yateeh.

2 Beetero 2:4

A mehe Waakh herti Waakhe goorat uskeel yeesse sina a omhiche, ankhari af laa goya kalugꞌde kaahhide. Intaase fiddiyaane ichoowka ibeenki Waakh enenyet hukkumo yateeh.

2 Timooti 3:4

Toro la aalassiis ꞌdub goocha, walah tuumman ka walah ma ibaalaane, weyti serey isgeechaane, wihi harrata Waakh ꞌdirihiis ꞌdoonaan.

Luuka 10:18

Yeesso wihi us ilaabe, “Aa, a rum! Ani Seytaanki iꞌdi bakkaal u serey kasoodihe a arge.

1 Timooti 3:7

Toro la a eti ꞌdooꞌdi kharaate Yeesso irummeysan ka laka magahi haaggan khabo. Uus ꞌdee lakhaanyo keenine, angeyi Seytaan geline.