1 Timooti 3:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Toro la eti meleefee mee, eti enenyet jaho menye, iꞌdaasenyi a eti samacchaare. Eti jaakh leh mee, eti chilim ꞌdoono mee.

1 Timooti 3:3 Referans Kwoze

Tiito 1:7

Toro la eti urur Kiriisto yaakhicho, hili Waakhe dahanohiis lagesse gone, a eti wohoo rucchul laka liikacheekan. A eti rannyaat ikhabine, holholo ieheynane, meleefu ieheynane, enenyet ijahine, jiti baabule ka chilim iyowan.

Tiito 3:2

Toro la kasooꞌheliche iicho enenyet hamanne, nebey a kafiddiyeene, ꞌdooꞌdi samacchaare a yitaaheene, enenyet ortiis ka a isnuglaacheen.

Efeesso 5:18

Taba, farsoti sabiib ka meleefu iitaahana, a mehe jiroti uskeeli buurenye iꞌdaanu layeelo keenaan. Iꞌdaasenyi Rubeyti Munyee a atin buuhisso.

1 Timooti 3:8

Iꞌdaas on u toro wihi Waakh gooche, ꞌdooꞌdi urur Kiriisto gargaaro laka a ꞌdooꞌdi liinkaanyito, ki iskaayyeelo mee, ki farsoti sabiib khaatto mee, ki anki chilim ka ꞌdamaame mee.

Yaakoobo 4:1

Waha kamalda bal, mehe jihit ichoow jaakh goytiin keena? Wihi suujenye uurassiin goyaka isdiho menya kayamiitiin?

1 Beetero 5:2

Ururi Waakhe iꞌdi woyhi Waakhenye dahantiin lagesse ersinkicho ateeha, yaakhicha. Uus wohoo atin liihosso eheynane, iꞌdaasenyi wihi atin kasoouummame a eheetti. Jeenteti ꞌdamaanki lakhaanyee la menye, jeenteti atin weyti Waakh ikafalin ꞌdoontaan a eheetti giꞌde.

Ibiraaniya 13:5

ꞌDooꞌdi chílim iꞌdamaammowo iitaahana, wihi atin khabtaan on kadarga. Iꞌdi tahe Waakh wihi us yidah, “An koloo kalday laka ma kaaseeho, an koloo kalday laka ma kiꞌdiiꞌdo.”

Tiito 2:3

Iꞌdaasu la, deyyehoti araarrinyee laka wihi at itadeeh, jiroticho ka, saggi deyyehoti munyee ijira. Iiche enenyet meꞌdeꞌddeeline, farsoti sabiib barin. Iꞌdaasenyi wihi haaggan enenyet a abisso,

Bakkaahit 1:9

Ani a Yoohanahi iꞌdiin u ani ichoow Kiriisto wohoo kalday nahe. Sina inno loomhicha. Inno a garrahsanna. Inno tuumman la dakhi Waakh a iskaleejirra. Wahaas dakkhan a isleegisanna. ꞌDeerka jeenteti an Yeedi Waakh ichoow runti Yeesso miinsan icheeko, iche kurti bey goya kijirto Baatimos layadeeh liigeeche.

Yuuda 1:11

Sinati icho sugto eenna a buure. A mehe icho jiti suujenye goorat Kaayin tabe tabeen! Toro la jeenteti icho chilim iꞌdoonaan u, uskeeli goorat Baalam gele icho laka ioryeen. Icho laka yeeddaagiwwaayyo katuumaan iꞌdi ꞌdooꞌdi goorat Koorah woyo Kamur daagiwwaayuu.

2 Beetero 2:3

ꞌDamaankicho ka, yeedassi beenaate atin abchaane atin kakharaawaan. Waakh goorat archiiy on icho hukkume baabakki us icho baabiicho gooche. Waakh ma urꞌdo gone, wihi us igooche a soodowwaateen.

Tiito 1:11

Tabe ꞌdooꞌda aficho hid. Iꞌdi tahe wahanyeyyoha kootte ikamaline icho enenyet abchaan ka, goobassi kulman wori rummaat a buucheen. Waha la jeenteti icho chilim iꞌdoonaan on iyeelaan.

1 'Dessaloonika 5:14

ꞌDooꞌd Kiriistokaaw, a atin hawwaassanne, ꞌdooꞌdi ollommee tootoocha. Ki roorro khabo uur miigoocha. Ki isuubaaꞌdan gargaara. ꞌDooꞌd tuumman la igarrahsada.

Rooma 16:18

A mehe ꞌdooꞌdaas Kiriistohi Kamureene ma ifalaane, awtichooda on ifalaan. ꞌDooꞌdaas afe chinniyahe, enenyet af on kakoolichaan. Jita ka la malassi ꞌdooꞌdi dowwa luhlo lakakhaato ekkeestaan.

Hilassi Ergaano 20:33

An chilimme ichoow ꞌdahab ichoow gaaddi etoo addan ma maanjeeran.

Mattaayo 21:13

wihi us iyidah, “Wihi chiiran, ‘Minkeey minki weysiite layadeeh,’ iꞌdaasenyi, ‘inti ꞌdooꞌdi hatto leh kadagti,’ iche kayeesseen.”

2 Timooti 3:2

Ebba awtiissa on ꞌdoona, chilim ꞌdoona, serey isgeecha, eylaja, enenyet meꞌdeꞌddeela, ꞌdooꞌdi dele ma daago, kalaꞌd mele, Waakh ma inkaanyito.