1 Timooti 3:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Iꞌdi tahe ꞌdooꞌdi hili urur Kiriisto lagargaaro mujjum kajiro kalaꞌddi laguto a inkaanyite, toro la wori Yeesso Kiriisto lakakhuufo miinsan roorro laan cheekin a yabuuꞌdiin.

1 Timooti 3:13 Referans Kwoze

Mattaayo 25:21

“Kamuriis wihi us ilaabe, ‘At weyti haaggisse! At rumanka a ilbooyi haaggane toro lakakhuufo! At wihi rucchule dahan lakisoogesse ka laka a lakaakhuufa gone, wihi ittaawenye kiweynaacha. Kaale kamuraah hamaadiis leegisam!’

Ibiraaniya 6:10

Waakh wihi imale on yeela. Usu wihi atin yeessaan ma kadabo, ommos ꞌdooninti atin usu tusatteen ma kadabo. ꞌDooninta la mehe lakaarga ya, gargaari atin ꞌdooꞌdi Waakh gargaarteene, uliba laka atin gargaartaan.

2 Timooti 2:1

Maantaka weelaaw, haaggi Waakhe buurenye Yeesso Kiriisto lakaꞌhelo ka miig khab.

1 'Dessaloonika 2:2

Geeddi goorat nah atin ikiimaatan, saggi ilkerengeetti Fiiliffi ka sina nah liikawaariche ichoow saggi ꞌdooꞌdi wewween nah ileeabaarrame a garattaan. Iꞌdaasenyi jeenteti Waakh uur nah imiigooche u, Wori Haaggane Waakh a atin icheekne chirri ꞌdooꞌdi nah ꞌdiiꞌddan jire laka.

Fiiliffi 1:14

Toro la jeenteti an jeela ikajiruu, ꞌdooꞌdi Kiriisto rummeeste buurtiis Kamur ka uur a lamiigooche, ꞌdee roorro laan Yeedi Waakh cheekaan.

1 Koriinto 16:15

Woriiyye goob Isteefana miinsan a garattaan. Icho a ꞌdooꞌdi kolooraate boroofenhi Akhaaya ka Kiriisto rummeeste, hili ꞌdooꞌdi Waakh liihilo ka issoobahche. ꞌDooꞌd Kiriistokaaw, a atin hawwaasde,

Hilassi Ergaano 21:35

Chirri Baawulo faaneyyohi min lakakoro sooeleele ka, iskare jeenteti urur weyti iuskulaatuu, usu siꞌdde.

Hilassi Ergaano 6:15

ꞌDooꞌdi kootte jaldaab goya fiddiye tuumman Isiteefano weyti yeye, usuhi fooliis iꞌdi fooli herti Waakh u ababo arge.

Hilassi Ergaano 6:8

Isiteefano weyti haaggi Waakhe buure ichoow miige buuhicheen. Ulla girmohi buure ichoow wahanyeyyohi miigti Waakh tuso ꞌdooꞌdi Yaꞌhuud goyaka haaggiche.

Hilassi Ergaano 6:5

Urur tuumman wihi ergaano tidah jilhaate. Etoo Isiteefano layadeehe, Rubeyti Munyee buuhisse toro Waakh weyti kakhuufo soobahsateen. Fiilif ichoow Burookoras ichoow Nikaanor ichoow Tiimon ichoow Barmena ichoow eti ilkerengeetti Antiyookhiya Nikolaawus layadeehe wihi ꞌdooꞌdi Yaꞌhuud wahti iurgiye laka soobahsateen.

Luuka 19:17

“Kamuriis la wihi us ilaabe, ‘At weyti haaggisse! At rumanka a bowꞌdati haaggan! At wihi rucchule dahan lakigesse ka laka a lakakhuufa gone, ilkerengeet tomone anatta.’

Mattaayo 20:28

Saggaas on u, Ínam Aadam ma imaatane ꞌdee enenyet usu ma ifalo, iꞌdaasenyi a yimiyye ꞌdee us ꞌdooꞌd ifala, rubeytiis diiba, ꞌdee enenyeti ittaawe mogti uskeelicho iguta.”

1 Timooti 3:14

Chaꞌan dowwanoha ka kisooꞌdaarin khajjeelo laka, wahanyeyyohane kisoochiira.