1 Timooti 3:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Chiꞌ etoo weyti urur Kiriisto yaakhin ꞌdoono, eta hili khummane ꞌdoona. Yeeda iꞌda yadeeh a lakakhuufa.

1 Timooti 3:1 Referans Kwoze

Tiito 1:7

Toro la eti urur Kiriisto yaakhicho, hili Waakhe dahanohiis lagesse gone, a eti wohoo rucchul laka liikacheekan. A eti rannyaat ikhabine, holholo ieheynane, meleefu ieheynane, enenyet ijahine, jiti baabule ka chilim iyowan.

Hilassi Ergaano 20:28

Rubeyti Munyee iꞌdi ersimohi hoolaate atin kayeesse. Hoolaha la a ꞌdooꞌdi Waakh. Maantaka isyaakhicha toro la hoolahi Rubeyti Munyee dahantiin gelisse tuumman yaakhicha. Ururi Waakhe goorat Yeesso diiggiis ka Waakh igate, yaakhicha toro toorriba giꞌde.

1 Beetero 5:2

Ururi Waakhe iꞌdi woyhi Waakhenye dahantiin lagesse ersinkicho ateeha, yaakhicha. Uus wohoo atin liihosso eheynane, iꞌdaasenyi wihi atin kasoouummame a eheetti. Jeenteti ꞌdamaanki lakhaanyee la menye, jeenteti atin weyti Waakh ikafalin ꞌdoontaan a eheetti giꞌde.

1 Timooti 1:15

Yeesso Kiriisto harratane yimiyye ꞌdee ꞌdooꞌdi uskeel leh riba. Waha a ayti rummaate kootte incheenka tuum lakakhuufo. Ani rubeytey la ꞌdooꞌdi uskeel leh goyaka, eti kuto eheet.

1 Beetero 2:25

Iꞌdi tahe atin iꞌdi iiyti baabaa kijirto eheet. Iꞌdaasenyi toolla Ersinki rubeyohiin yaakhicho a isoonokhatteen.

Ibiraaniya 12:15

Taba aw isikhaba, uus ꞌdee etiinkoo kalday laka haaggi Waakhe buurenye us atin tuste waayine. Uus etiinkoo kalday laka iꞌdi hiiyyi hadaado khabo soobaho sina keeno, toro enenyet suujaacho itaahan.

2 Timooti 2:11

Yeeda iꞌda yadeeh a lakakhuufa, Chiꞌinno usu leenamuut, usu a leejirra.

1 Timooti 4:9

Mammahtaas an idah a ti lakakhuufo kootte incheenka tuum lakhaatti.

Fiiliffi 1:1

Khadaaba eti atin isoochiiro a ani Baawulo. Timooti laka a iskhabna. Nah la a falfa Yeesso Kiriisto. ꞌDooꞌdi an khadaaba isoochiiro a ꞌdooꞌdi Waakhe ilkerengeetti Fiiliffi yaalle icho ichoow Yeesso Kiriisto ba wohoo kalday yahiin, ichoow ꞌdooꞌdi urur Kiriisto yaakhicho ichoow ꞌdooꞌdi urur Kiriisto gargaaro.

Luuka 15:10

Wihi an atin icheeko, saggaase herti Waakh ihamaadda chirri etoo kalday uskeeliis kasoonokhte.”

Tiito 3:8

Yeedassaas an idah a wihi lakakhuufo. Atihi yeedassaas katirriinsatti ꞌdee ꞌdooꞌdi Waakh rummeeste kol tuumman haag yeelo iche ꞌdoona. Wahanyeyyoha la enenyet a ihaagganyahiine toro la a iroonyahiin.

Efeesso 4:12

Waakh iꞌdane yeele, ꞌdooꞌdi Waakh hili icho Waakh ihilaan itannabicha, ꞌdee urur Kiriistoki sartiise miigowa.

Hilassi Ergaano 1:20

Beetero wihi us yidah, “A mehe buuggi Sabuur ka wihi chiiran, “ ‘Goobiis ba a baabo, uus etoo kalday laka jirin.’ Wihi addane chiiran, “ ‘Etoo addan ba meessiisti weynaaneet gela.’

1 Beetero 4:15

Iꞌdaasenyi uus etiinkoo kalday laka jeenteti us enenyet iyigis ommos us hatto ileeyahe ommos jeenteti us uskeeloo iyeele ommos us wohoo wihiis ieheynan ikaaddiho sina liiomhin.

1 'Dessaloonika 5:14

ꞌDooꞌd Kiriistokaaw, a atin hawwaassanne, ꞌdooꞌdi ollommee tootoocha. Ki roorro khabo uur miigoocha. Ki isuubaaꞌdan gargaara. ꞌDooꞌd tuumman la igarrahsada.

Rooma 11:13

An atinhi yaafohi Yaꞌhuud ieheynane atin leeyyeeda. An a ergaanoti yaafohi Yaꞌhuud ieheynane, toro la hila wohoo weyti khummane iekkaacha.