1 Timooti 2:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Yeessoha la iꞌdaanu rubeytiis diibe, ribnaanki weeli enenyet tuumman gute. Omoot Yeesso Kiriisto ka, ibeenki mujjume ka Waakh saggi us weeli enenyet iribo a tuse.

1 Timooti 2:6 Referans Kwoze

Mattaayo 20:28

Saggaas on u, Ínam Aadam ma imaatane ꞌdee enenyet usu ma ifalo, iꞌdaasenyi a yimiyye ꞌdee us ꞌdooꞌd ifala, rubeytiis diiba, ꞌdee enenyeti ittaawe mogti uskeelicho iguta.”

1 Beetero 3:18

A mehe Kiriisto maantoo kalday on uskeeleen iyumuyye, maantoo addan la uskeeleen ma iyamuut. Eti fissan jeenteti ki khollokkhane iyumuyye ꞌdee inno Waakh inno ikeena. Usuhi weeli enenyetenye layigisye, iꞌdaasenyi Rubeyti Munyee ka omoot lakasookahche.

Galaatiya 4:4

Iꞌdaasenyi maanti ibeenki Waakh gooche yitah ka, Waakh Weeliis sooerge. Iꞌdi weeli enenyet u arantoo desse, dakhi amurre Muusa goya kadesse,

Bakkaahit 1:5

Toro la Yeesso Kiriistohi runti Waakh ka garti lakakhuufo laabo, eti kolooraate omoot kasookaheenye, toro weynaanti harrata dakkhan anti ba atin imaala, nebey atin kakaala. Yeesso Kiriisto a inno ꞌdoona toro la diiggiis ka uskeel a inno kasoofure.

1 Yoohana 4:10

ꞌDoonine talla, inno mee Waakh ꞌdoonne, iꞌdaasenyi usu inno ꞌdoone toro Weeliis sooerge, soorriyotiis ka, holi Waakhe uskeeleen keeno bahcha.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

1 Koriinto 1:6

Waha la saggi Wori Kiriisto miinsane nah atin icheekne uurassiin goyaka irummaateene tusaan.

1 Timooti 6:15

Waakh ibeenki goorat us gooche Kiriisto enenyet a tusa. Waha a Waakkhi weeli enenyet tuumman saaꞌdo, enenyet tuumman dakhti, a Karnati karnato kussan, a Kamuri kamurre kussan.

Efeesso 5:2

Wihi atin haaggissaan tuumman ka, ꞌdooninti atin enenyet ꞌdoontaan a laargo, saggi Kiriisto inno iꞌdoone ichoowka us iroonoteen u jirotiis isoobahchuu. Ulla sadakha ichoow soorriyoti uyuugenye Waakh liibahche yitah.

1 Beetero 2:24

Usu rubeytiis la massalaaba ka uskeeleen a siꞌde. Iꞌdane yeele ꞌdee uus kola uskeel inno dakhanne, jiroti fissan jirra. Sinati loomhiche ka, atin a samaatteen.

Tiito 1:3

Ulla ibeenki usu rubeytiis gooche ka woriis inno tuse. Wora Haaggan la a ki Waakkhi ꞌDoorribeheene amuriis ka dahanteey soogesse, cheek iyidah.

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

Rooma 5:6

A mehe geeddi inno uliba miigtoo rucchule inno iskaribno awteen u ikhabin laka, Kiriisto innohi Waakh ꞌdiiꞌdne a inno iyumuy. Waha la a maanti Waakh on gooche.

Yoohana 10:15

Saggi Aabbaheey ani igarti, iche ani laka Aabbaheey igarda. Anna jeenteti iiyteey u jiroteey a bahcha.

Yoohana 6:51

Ani a gololi rummaate jiro lakeelo goobi Waakh kayamiit. Eti tuummane golola yuhum, jirtuu tuumman a jira. Gololi an eta siicho a sarteeyti an soobahcho, ꞌdee ꞌdooꞌdi harrata jiro kaꞌhelo.”

Marko 10:45

A mehe Ínam Aadam laka, ma imaatane ꞌdee enenyet usu ma ifalo, iꞌdaasenyi a yimiyye ꞌdee us ꞌdooꞌd ifala, rubeytiis diiba, ꞌdee enenyeti ittaawe mogti uskeelicho iguta.”

Bakkaahit 5:9

Icho la geeyoo husub doween, “Ati muꞌdane khadaabaas khaatta, hanjayyohaas bukkhissa. Iꞌdi tahe goorat a lakisoorriyooche, diiggaah ka la weeli enenyete yaafo tuummane ichoow afaf tuummane ichoow filal tuummane ichoow ilal tuummamba Waakh a igatte.

Ibiraaniya 9:12

Yeesso Kiriisto la koloo kalday on Meessi Weyti Lagan ikute. Ulla maanti us meessaas gele, diiggi waharoot ommos diiggi maaroot ma khaatine, Waakh ma ibihin. Iꞌdaasenyi us diiggiissa bahche, jirtuu tuumman inno ribe.

2 Timooti 1:8

Maantaka wihi atin garattaane Kamureen miinsan cheekin akuuryaawina. Ommos wihi anihi jeentetiis u jeela kajiro imiinsan cheekin akuuryaawina. Iꞌdaasenyi miigti Waakh ka sinati jeenteti inno Wori Haaggan icheeknuu inno taham ileegisma.

2 'Dessaloonika 1:10

Waha la maanti icho yateehiin, a maanti us soonokhti, ꞌdooꞌdiiski munyeenye usu rummeeste tuumman usu saaꞌdo, toro la kagirmeesti. Waha atin laka goya a kijirtaan jeenteti atin wihi Waakh yeele nah agarre nah atin isoocheekne irummeysatteen u.

Rooma 16:26

Iꞌdaasenyi runta dagsan toolla weyti lasoobabbakkaahiche. Runtaas la Chiirnaanneti Waakhe ꞌdooꞌdi Waákh íyeyyeedo ka a lacheeke. Waha la saggi Waakkhi jirtuu tuumman jiro iꞌdoono inno isoocheeke, iche liiyeele. Amuri us inno ibahche la a mehe ya, nyaama runtaas yaafohi harra tuumman abcha, ꞌdee Kiriisto a kakhuufeene, toro la a raaheen.

Efeesso 1:17

An a inonnokhda Aabbaheenki weynaan tuumman tiis tahe, Yeesso Kiriistohi Kamureene Waakkhiise daaha, ꞌdee Rubeyti Munyeenye atin kharaasso, eti Waakh yahe atin isoobabbakkaahisso a atin siicho, ꞌdee Waakh mujjum abattaan.

Efeesso 1:7

Inno ichoow Kiriisto a wohoo kaldaye, diiggiis ka a inno gatte inno soofure, toro la Waakh uskeeleen a inno ikakute. Wahaas ichoow haaggaas Waakhe buurenye inno imunneynane us inno tuste a israahaan.

Efeesso 3:5

Waakh kholoyyohi oraat waha dagsan ma tusine, toolla la Rubeyti Munyee ka ergaanotiisti munyee ichoow ꞌdooꞌdi Waákh íyeyyeedo munyee waha a isoobabbakkaahiche.

Marko 1:15

Wihi us yidah, “Il kola a yitah! Dakhi Waakh kola a soodowwaate! Uskeeliin kasoonokhda, Wora Haaggane ani atin idowo rummeesda!”

Galaatiya 1:4

Yeesso Kiriisto ichoow wihi Waakkheenki Aabbaheene ꞌdoono a israahaan. Iꞌda ka jeenteti uskeeleen u a issoobahche yumuyye ꞌdee ꞌdarriti uskeele weyꞌda inno kariba.