1 Timooti 2:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ A mehe Waakh weeli enenyet tuumman usuhi laribo toro la rum abti ꞌdoona.

1 Timooti 2:4 Referans Kwoze

2 Beetero 3:9

Kamur wihi us ayyiche ka ma soomalmalo iꞌdi ꞌdooꞌd gaasoo malmalli ikhaatuu. Us a atin igarrahsata a mehe usuhi etoo kalday laka iumaatane, iꞌdaasenyi enenyet tuumman uskeel kasoonokhti iche ꞌdoona.

Tiito 2:11

A mehe haaggi Waakhe buurenye inno imunneynane ribnaan keeno, weeli enenyet tuumman a liisoobabbakkaahiche.

2 Timooti 2:25

ꞌDooꞌdi usu tirrimo laka samacchaar on walah abcha, kolossoo Waakh ꞌdooꞌdaas rubeyohi uskeel kasoonokhti a siicha, runtaas rummeestaane ulla icho woya.

1 Timooti 4:10

Jeentetuu la weyti hol downa, tirriinsanna, jeenteti inno Waakkhi jiro khajjeel ikakhabnuu. Waakkha la a ꞌDoorribehi enenyet tuummane, kach ka la ꞌdooꞌdi usu rummeeste.

Luuka 24:47

Ilkerengeetti weene Yeerusaleeme lakasookhabta, antohiis ka wori uskeeli lakasoonokhti ichoow uskeeli Waakh enenyet ikakuto miinsan ꞌdooꞌdi harra tuumman liicheeka.

Bakkaahit 14:6

ꞌDeerka hertoo Waakhe addane serey katariꞌd arge. Iche la Wori Haaggane jirtuu imassanne khabte, ꞌdee weeli enenyete harra kijiro, ilal tuumman ichoow yaafo tuumman ichoow afaf tuumman ichoow fil tuummane icheekta.

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

Mattaayo 28:19

Maantaka nyaama ꞌdooꞌdi harra tuumman abattiteey kayeela. Magah Aabba ka ichoow ki Weel ka ichoow ki Rubeyti Munyee ka baattissiya.

Tiito 1:1

Eti khadaaba kisoochiiro a ani Baawulohi ilbooyi Waakhenye, toro la ergaano Yeesso Kiriistee. Anna a liisoobahche, ꞌdee ꞌdooꞌdi Waakh soobahsate gargaara Waakh mujjum kakhuufa, toro la wori rummaate Kiriisto miinsane jiroti Waakh ꞌdoono lajiro icho woya.

2 Timooti 3:7

Icho kol dakkhan wori Waakh a laabcha, iꞌdaasenyi jirtuu rum aban ma yabuuꞌdiin.

Luuka 14:23

“Eti kamure wihi us ilbooyiis iyidah, ‘Nyaam jitassi babballaaddan ichoow jitassi juukhe iro, ꞌdooꞌd hawwaasso ꞌdee minkeey a buuhsamo.

Luuka 1:77

uskeelichoki liikakuto ka, ꞌdooꞌdiis saggi Waakh iribo abissa.

Yoohana 17:17

“Runtaah ka icho munya kayeel. Yeedaah a ki rummaat.

Yoohana 6:37

“Eti tuummane Aabbaheey dahanteey soogesso ani iyamiit. Anna eti tuummane ani iyimiy jirtuu ma riho.

Marko 16:15

Wihi us icho iyidah, “Nyaama harra tuumman taba, Wori Haaggan la ꞌdooꞌdi Waakh soouume tuumman icheeka.

Ibiraaniya 10:26

Chirri inno inkoo inno rum abanne dib on u toro uskeel yeello, soorriyotoo addane uskeel inno kabihisso ma jirto.

Rooma 11:14

An iꞌdane yeela a mehe anihi ꞌdooꞌdeey inaaf gesso khajjeela, ꞌdee saggoo an gaasichokoo iribo ꞌhola.

Yaakoobo 3:14

Iꞌdaasenyi chirri uuraah inaaf ichoow bolokh buuhicheene toro la wihi awtaahha on yowatti, tab serey iisgeenne ommos yeedi rummaat aꞌdiiꞌdin.

2 Yoohana 1:1

Khadaaba eti soochiiro a anihi ewweenenye urur Kiriisto woyo. Eti ani isoochiiro a ati, makhaabassi lasoobahsate ichoow nyaakhutaahha. An rumanka weyti atin ꞌdoona. Ani kalday la menye, eti tuummane runti Waakh garti a atin ꞌdoona.