1 Timooti 2:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Maantaka a atin hawwaasdee kolooraat enenyet tuumman Waakh ihawwaasda, Waakh iwaha, meessicho ka Waakh leeyeyyeeda, Waakh kalaꞌd ilaaba.

1 Timooti 2:1 Referans Kwoze

2 'Dessaloonika 1:3

ꞌDooꞌd Kiriistokaaw, nah kol dakkhan jeentetiin u Waakh kalaꞌde ilaabna. Waha la a wihi mujjumenye kootte nah imale, jeenteti atin weyti ikakhayantaane, Waakh ikakhuuftaane, ꞌdooninti atin isikhabtaan la ikakhayantuu.

Yaakoobo 5:16

Maantaka uskeeli atin isiyeesseen isicheekda, toro la isiweesda, ꞌdee Waakh a atin samaacho. Weysihi eti fissan weyti miig a khabaane toro la wihi buurenye yeelaan.

Efeesso 5:20

Toro la magah Yeesso Kiriistohi Kamureene ka, kol dakkhan Waakkhi Aabbaheene walah tuumman ka kalaꞌd ilaaba.

2 Timooti 2:24

Eti Kamur ifalo ma jaakho, uure ꞌdabakhyahe, enenyet walah abin a yabuuꞌde, toro la garrahsi leeyahe.

1 Timooti 2:4

A mehe Waakh weeli enenyet tuumman usuhi laribo toro la rum abti ꞌdoona.

Fiiliffi 1:3

Kol tuumman chirri an atin kasooꞌhelo, Waakkheey kalaꞌde ilaaba.

Ibiraaniya 6:11

Wihi nah etiimba iꞌdoonno kallaayo, orey isohda, isꞌdoona ichoowka jiro ꞌdubiche a eleesso, ꞌdee wihi atin Kiriisto ka khajjeessaan uba.

Tiito 3:2

Toro la kasooꞌheliche iicho enenyet hamanne, nebey a kafiddiyeene, ꞌdooꞌdi samacchaare a yitaaheene, enenyet ortiis ka a isnuglaacheen.

Tiito 2:11

A mehe haaggi Waakhe buurenye inno imunneynane ribnaan keeno, weeli enenyet tuumman a liisoobabbakkaahiche.

1 Timooti 5:5

Muunkhoti rumanka walah ikhabine, eti yeyo laa, eti iche khajjeel kakhabto a Waakh kaldach on. Iche la ibeen ichoow maalim ba Waakhe wahatta gargaar daahta.

1 Koriinto 15:3

Iꞌdi tahe an wihi weyti khummane an ꞌhele iche atin isookucche. Kiriisto jeenteti uskeeleenna iyumuy saggi Chiirnaanneti Waakh liikachiiruu.

Hilassi Ergaano 17:30

Goorat ꞌhor Waakh enenyeti aytiis igaran walah us iekkaache mele, iꞌdaasenyi toolla amuri us enenyet tuumman meelbaaw us kijiro ka ibahcho, a ki icho uskeelicho kasoonokhtaan.

1 'Dessaloonika 3:12

Kamur ba ꞌdooninti atin isꞌdoontaan ichoow ti atin ꞌdooꞌdi addan tuumman ꞌdoontaan atin ikakhakkhaya, weyti buuraacha saggi nah atin iꞌdoonnuu.

Rooma 6:17

Waakh weyti kalaꞌd ilaabno giꞌde! Chirri atin goorat bowꞌdayyohi uskeel eheneet laka, toolla uurassiin ka runti Waakhe dahantiin lasoogesse tuum a raahteen.

Rooma 1:8

Wihi an kasoodaabdi, Waakkhaaya Yeesso Kiriisto ka kalaꞌd ilaaba jeentetiin u. Wihi tahe, saggi atin Yeesso Kiriisto ikakhuuftaan, ꞌdooꞌdi harra kajiro tuumman a cheeka.

2 Koriinto 8:6

ꞌDeerka Tiitohi hilaas chilimme labaayicho sookhabte hawwaassanne, hili wihi atin diibtaan massi inidah.

Efeesso 3:13

Maantaka a atin hawwaasdee, taba chirri jeentetiin u sina itaham laka, rubey iiche atin jebin. Wahaas inkaanyite atin ikeenaan.

Efeesso 6:18

Taba kol tuumman saggi Rubeyti Munyee atin iwoytuu weysi ichoow daahti fil tuummane ka Waakh wahda. Iꞌda yeessaani toorribda, toro kol dakkhan garrahsada ꞌdooꞌdi Waakh tuumman Waakh iwaha.

Fiiliffi 4:6

Wohoo rucchul ka laka awaꞌdwaaꞌdina. Weysi ka ichoow hawwaassihi atin Waakh hawwaassattaan ichoow kalaꞌddi atin laabtaan ka, Waakh walah dakkhan daaha.