1 Timooti 1:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Jeenteti an waha yeel ikaadeeh la, a iꞌdoo ꞌdee ꞌdooꞌd Kiriisto ꞌdoonin isikhabo. ꞌDooninta la inti iche katamiit a uuri eloo rucchul laka ikhabin ichoow rubeyti suujoon inno ikacheekan ichoow kakhuufnaanki rummaate Kiriisto lakakhuufo.

1 Timooti 1:5 Referans Kwoze

1 Timooti 1:19

orey isohatta, Kiriisto kakhuufta, kol dakkhan la rubeyti suujoon ikaacheekan jurkhissa. A mehe ꞌdooꞌd gaasoo wahanyeyyohaas a ꞌdiiꞌde. Jeentetaas u la kakhuufnaanki icho Waakh kakhuufaan a suujaacheen.

Galaatiya 5:22

Iꞌdaasenyi Rubeyti Munyee jiroteen goyaka gurnaanki iche desso a wahanyeyyoha, ꞌdoonin, hamaad, nebey, garrahsi, uuri ꞌdabakhe, haag, kakhuufnaanki enenyet lakakhuufo,

2 Timooti 2:22

Tabe suujoonki tuummane eti nugul imoono kafirid. Hol dowe, jiroti fissan yowo, Waakh kakhuufe, ꞌdooꞌdi addan ꞌdoone, eti nebey dowo ateehe, ururi ꞌdooꞌdi uuri haaggan ka magahi Kamur waho goya kijir.

2 Timooti 1:5

An saggi at kakhuufnaanki rummaate Kiriisto lakakhuufo ikhabto a kasooꞌhela, iꞌdi goorat inkookotaahti Looyis layadeeh ichoow abartaahti Yuunis layadeeh ijireen u. Anna a tissiba at laka a iꞌdichooda.

2 Timooti 1:3

An Waakkhi an iꞌdi aacchinyeteey u rubeyti suujoon ikacheekan ka an ifalo kalaꞌd a ilaaba. Maalim ichoow ibeen ba la weysiheey ka ma kaadabo.

1 Beetero 3:21

Biccheha la mehe itoollaan ya, baattissiyoti toolla atin laka atin ribto. Baattissiyota la wohoo sartiin chaafo kabahcho menye, a rubeyti wahanyeyyohi Waakh ka suujoon inno ikacheekan. Baattissiyota la Yeesso Kiriistohi omoot kasookahe ka a atin ribta.

1 Beetero 3:16

Toro rubeyti suujoon atin ikacheekan khaba, ꞌdee jirotiinti haaggane jeenteti atin Kiriisto ikakhuuftaan jirtaan ka atin hayhayo hankichokaas ka lakhaanyo a khaatatti.

1 Beetero 1:22

Toolla runti atin raahtaan ka a isdikhteene ꞌdee ꞌdooꞌdi Kiriisto rummeeste ꞌdooninti rummaat ikhabtaan gone, taba giꞌde uurassiin ka weyti isꞌdoona.

2 Beetero 1:7

Jiroti Waakh kahamaado la uuri ꞌdabakhe kakhaya, uuri ꞌdabakhe la ꞌdoonin kakhaya.

Rooma 10:4

Kiriisto jiti amurre Muusa laraaho ꞌdee enenyet ꞌdooꞌdi fiffissan lakayeelo a massiche, ꞌdee eti tuummane Kiriisto rummeeste, Waakh eti fissan iekkaacha.

Tiito 1:15

ꞌDooꞌdi rubeyohicho ka eloo rucchul laka ikhabin, wahanyeyyohi jirota tuumman a leemunya. Iꞌdaasenyi ꞌdooꞌdi biꞌdirenye Kiriisto irummeysan ka, walah tuumman a biꞌdir. A mehe malassicho ichoow rubeyohichoki haag ichoow suujoon seley saaho a lakheerooche.

1 Timooti 3:9

Rubeyti suujoon inno ikacheekan ka, a ꞌdooꞌdi wori dagsane rummaate Kiriisto miinsane Waakh enenyet isoobabbakkaahiche kakhuufo.

2 Koriinto 1:12

Maantaka wihi nah keeylajno a waha, wihi rubeyoheenyoki haag ichoow suujoon seley saaho rumanka cheekaan, a saggi nah munyati Waakh ka jiroti fissan harrata ka ijirre, kach ka la a saggi nah ortiin ka ijirre. Waha la kharati weeli enenyete harrata ka menye, haaggi Waakhe buure on kayeelle.

1 Beetero 4:8

Walah tuumman ꞌdirihicho la, weyti isꞌdoona. Iꞌdi tahe ꞌdoonine uskeeli buurenye kakutta.

Yaakoobo 4:8

Waakh isoodowwaada giꞌde ulla a atin isoodowwaataa. Atinha uskeel leh, dahanohiin uskeeli atin yeesseen ka dikha. Atinha uurlammaal khabattaan, uurassiin dikha.

Hilassi Ergaano 23:1

Baawulo la Jaldaabti Weene Yaꞌhuud indo katoolliche, yeye, “Yaaftaay, an ichoowka maalinka rubeyteeyti suujoon ikacheekan ka, hileey a buuhiche Waakh ortiis ka,” iyidah.

1 Yoohana 3:3

Eti tuummane khajjeela khabo miꞌdabe iskayeela, saggi Kiriisto rubeytiis miꞌdab iyahuu.

Ibiraaniya 10:22

mali fissan ichoow kakhuufnaanki inno Waakh kakhuufno uurlammaal ikhabin ka, Waakh idowwaanni giꞌde. A mehe rubeyoheenki suujoon inno kacheekti diig Kiriisto ka a ladikhe, sarteen la a iꞌdoo bicchehi warraakhe lakadikhe.

1 Koriinto 13:1

Chirri an afassi weeli enenyet ommos afassi herti Waakh kaayyeedo, iꞌdaasenyi an enenyet iꞌdoonin, an a iꞌdi gaꞌdaari ballaaddane hafane weyti riiro, ꞌdollo lajaho on. Ommos an a iꞌdi ꞌdaanki buurenye immarah yeedo on.

Rooma 14:15

A mehe chirri at gololi at taham ka etaahki Kiriisto rummeeste bolokh ikeento, wihi kiwoyo ꞌdoonin mee gon. Tab giꞌde, gololi at taham uus etaahki Kiriisto rummeeste Kiriisto jeentetiis iyumuy uskulaan!

Rooma 9:1

Ani ichoow Kiriisto ba rum on cheekna, ani been ma goocho. Toro la rubeyteeyti haag ichoow suujoon seley saahto ichoow Rubeyti Munyee a israahaan.

Hilassi Ergaano 24:16

Anna jeentetaase kol tuumman Waakh ortiis ichoow weeli enenyet ortiis ka hol idowa, rubeyti suujoon ikacheekan ikhaba.

Hilassi Ergaano 15:9

Inno ichoow icho la walah inno yeerarroocho mele, wihi tahe kakhuufnaanki icho Waakh kakhuufeen ka, Waakh uurassicho a dikhe.

Mattaayo 12:35

Eti haaggan uuriis laka a haagganyahe gone, haaggaas on dela. Eti suuje la uuriis a suuj gone suujoonkaas on dela.”

Mattaayo 5:8

ꞌDooꞌdi Waakh imaalo, a ki uurassicho ka eloo rucchul laka ikhabin, icho Waakh a argaanee.

1 Yoohana 3:23

Amuri Waakh inno siiche kalla, Yeesso Kiriistohi Weeliise rummeesda, toro la saggi us amur inno isiichuu, isꞌdoona.

Ibiraaniya 13:18

Waakh nah isoowaha. Wihi nah tissibno, rubeyohi suujoon nah ikacheekanne khabna, toro walah tuumman ka, nahi haag yeello ꞌdoonna.

Ibiraaniya 9:14

Iꞌdaasenyi Kiriisto miigti Rubeyti Waakhe jirtuu tuumman jirto ka soorriyoti miꞌdabenye Waakh isibahcho yitah. Geeddoo meheenye ꞌdeerka diig Kiriisto rubeyoheenki haag ichoow suujoon seley saaho uskeeli inno yeello omoot inno iwoyo kadikha, ꞌdee Waakkhi jiro ihilla.

Galaatiya 5:6

A mehe jeenteti wihi Yeesso Kiriisto inno iyeeluu, khandi ommos khandiwaayyo indigir icho khabaan mele. Wohoo kaldaye khummane jira, a kakhuufnaanki inno Kiriisto kakhuufno, ꞌdooninti inno Waakh ichoow ꞌdooꞌdi addan ꞌdoonno lakaargo.

Rooma 12:9

ꞌDooninti atin enenyet ikhabtaan ti rummaat a eheetti. Wihi suuje tuumman ꞌdiiꞌda, haag on jurkhicha.

1 Timooti 1:18

Timooti, weelaaw, amura an kisiicho ichoow wori kimiinsane goorat ꞌdooꞌdi Waákh íyeyyeedo cheeke kisoobaho, a israahaan. Amurane kisiicha ꞌdee woraas at raahto ka, dihoti haaggan gessa,

1 Yoohana 3:10

Saggane nyaakhuti Waakh ichoow nyaakhuti Seytaan seley ibihinna. Eti tuummane wihi fissan iyeelin, ki Waakh mee. Eti tuummane etiiski Kiriisto rummeeste iꞌdoonin laka ki Waakh mee.