1 Timooti 1:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Maanti an boroofenhi Makedooniya isohdi a kihawwaasde, ilkerengeetti Efeesso fiddiye kiidah. Efeesso fiddiita ꞌdee ꞌdooꞌdi worassi beenaate Waakh miinsan ꞌdooꞌd abcho amur ibihissa wahaas a toollicheen.

1 Timooti 1:3 Referans Kwoze

1 Timooti 6:3

Chirri ꞌdooꞌdoo wihi us enenyet abcho wihi beenaat yahiine, toro wor Yeesso Kiriistohi Kamureene buusanyahiine, toro la saggi kootte ꞌdooꞌd Kiriisto Waakh ikajiro tirrimo,

2 Yoohana 1:7

ꞌDooꞌdi ittaawenye enenyet ekkeesti, saggi Yeesso Kiriisto harrata uummanki weeli enenyet ikayimiy icheekin harra a kataaꞌhe. Eti iꞌdee tuumman a ki enenyet ekkeesti, toro la a eti Kiriisto igafo.

1 Timooti 4:11

Wahanyeyyoha la ꞌdooꞌd abiche toro amurre a raaheen.

1 Timooti 4:6

Chirri at ꞌdooꞌdi Kiriisto rummeeste waha kawaanisso, at ilbooy Yeesso Kiriistoki haaggane tateeh. Toro la kol dakkhan wori rummaate Kiriisto miinsan ichoow haaggi lakaasooweynaache at raahto rubeytaah ka miige kisiichaan.

Bakkaahit 2:20

Iꞌdaasenyi wihi an atin kakhabo kallaayo, atin aranta Yeesebel layadeehe eti Waákh íyeyyeedo istadeeh a isisooꞌdiissaan. Wihi iche abisso ka falfayyoheey jite bujissa, ꞌdee ꞌdooꞌdi isidisan isleeurꞌda toro gololi iyookkoyyohi waakkhakh lakayeessi liisoorriyooche yamhiin.

Bakkaahit 2:14

Iꞌdaasenyi wahanyeyyohoo rucchul a atin kakhaba. Atin intaas ka ꞌdooꞌdoo wihi Baalam enenyet abche raaho a khabtaan. Baalam usu Baalak saggi ꞌdooꞌdi Issiraayel liitarraantarricho abche, ꞌdee ꞌdooꞌdi Issiraayel gololi iyookkoyyohi waakkhakh lakayeessi liisoorriyooche yahame toro sohoꞌddarri liisoojiita.

1 Timooti 6:17

ꞌDooꞌdi weyꞌdane kamurree amurreta ibihi. Rannyaat akhabina ommos hoolahi harratane dowwa on kuto khajjeel akakhabina, iꞌdaasenyi Waakkhi wihi inno ꞌdoonno tuumman inno siicho ꞌdee inno jiroti hamaad khabto jirro kakhuufa.

1 Timooti 6:10

A mehe ꞌdooninti chilim weyti laꞌdoono iche suujoon tuumman dessa. ꞌDooꞌd gaasoo chilim rirrihaayi ichoowka wori Kiriisto miinsane goorat icho kakhuufaan kabaabeene toro la oytinti buure laka isikeeneen.

1 Timooti 5:7

ꞌDooꞌd amurreta ibihi uus ꞌdee etoo kalday laka eloo rucchul lakacheekanne.

Fiiliffi 2:24

An Kamur a kakhuufaa, dowwanoha ka a atin sooꞌdaara.

Efeesso 4:14

ꞌDeerka inno iꞌdi nyaakhuti dowwa leekkeesti menye, iꞌdi koobanhoo rucchule chirri hafar urgiyo kolba ankoo liikhaato mee. Toro la inno ꞌdooꞌdi worassi beenaate icho enenyet abchaan ka enenyet ekkeesti mee.

Hilassi Ergaano 18:19

Chirri icho ilkerengeetti Efeesso yimaateen ka, Baawulo Birisiila ichoow Akiila intaas katabe. Baawulo minki weysiite Yaꞌhuud irte, ꞌdooꞌdi Yaꞌhuud leehawwooche.

Hilassi Ergaano 18:21

Iꞌdaasenyi chirra us kaho ka, “Chirri Waakh ꞌdoono a atin isoonokhda,” iyidahye, kooban kore ilkerengeetti Efeesso kabahe.

Rooma 15:26

Iꞌdi tahe urur Kiriistoki boroofenhi Makedooniya ichoow ki Akhaaya ba, baaysihi icho ꞌdooꞌdi Waakhe miskiinenye ilkerengeetti weene Yeerusaleem kagargaaraan a soobaayicheen.

Rooma 16:17

ꞌDooꞌd Kiriistokaaw, a atin hawwaasdee taba, ꞌdooꞌdi seley atin fido ichoow ꞌdooꞌdi halgo atin gelo, wihi icho atin idowaan wihi atin laabche buusanyahiin yuubsada. ꞌDooꞌda dakkhan kaseeha.

2 Koriinto 11:4

A mehe chiꞌ etoo yamiite Yeessohoo addan cheeko, ommos chaꞌatin rubeytoo addane Rubeyti Munyeenye atin ꞌhesseen kayeere ꞌhessaane, ommos woroo Wori Haaggane atin khaatatteen kayeere khaatattaan, atin iꞌdaanu wahaas khaatattaan.

2 Timooti 1:18

Kamur ba usu gargaara, ibeenki ꞌdaꞌddaboot Kamur usu uur isoonugleesta. Geeddi us ilkerengeetti Efeesso ka igargaare rumanka a garatta.