1 Timooti 1:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ orey isohatta, Kiriisto kakhuufta, kol dakkhan la rubeyti suujoon ikaacheekan jurkhissa. A mehe ꞌdooꞌd gaasoo wahanyeyyohaas a ꞌdiiꞌde. Jeentetaas u la kakhuufnaanki icho Waakh kakhuufaan a suujaacheen.

1 Timooti 1:19 Referans Kwoze

1 Timooti 3:9

Rubeyti suujoon inno ikacheekan ka, a ꞌdooꞌdi wori dagsane rummaate Kiriisto miinsane Waakh enenyet isoobabbakkaahiche kakhuufo.

Bakkaahit 3:10

Atin amureey a raahteene garrahsatteen gone, maanti sinayyohi khar kayamiit ꞌdooꞌdi harra yaal tuumman isoobahaane ꞌdee kajaan, an a atin toorriba.

1 Timooti 6:9

ꞌDooꞌdi kamurrowin ꞌdoono, kajmeti uskeel kaluguꞌddo ichoow angey ichoow wahanyeyyohi ꞌdalame liimoono ichoow suujoone kadihaan. Waha la icho a jiitaane ichoowka suujaachaane bar tiraan.

Tiito 1:9

Toro la a eti wori rummaate lakakhuufo laabche mujjum khuccho, ꞌdee eti wora ka ꞌdooꞌdi addan uur miigoon yabuuꞌde toro ꞌdooꞌdi wora tirrimo uskeelicho icheekin yabuuꞌd.

Bakkaahit 3:8

Wihi atin haaggisaan tuumman a garda. Yeya ani ortiin ka afaf a atin ifure, etoo kalday laka ma hido. Saggi atin miigtoo rucchul on ikhabtaan a garda, iꞌdaasenyi atin yeedeey a raahteene, toro la magaheey ma ꞌdiiꞌdin.

Ibiraaniya 3:14

Iꞌdi tahe chirri inno geeddi inno jiro khabno inno mujjum tolossanne, inno khajjeeli maanti inno kolooraat Yeesso rummeysanne on khabno, inno tuumman Kiriisto a walhinne.

2 Timooti 4:4

Icho la yeedi rummaat adah a kakhabtaane, hawweesseti beenaat nabah isudaan.

1 Yoohana 2:19

ꞌDooꞌda goyteenna kabahe iꞌdaasenyi rumanka keen ma eheynan. A mehe chiꞌ rumanka goorat icho keen yahiin, a inno leefiddiyaan. Iꞌdaasenyi katabinti icho inno katabeen, saggi koo kalday laka keen ieheynane tusa.

1 Timooti 6:21

ꞌDooꞌd gaasoo garantaase cheeka, jeentetaas u wori Kiriisto miinsane icho kakhuufaan a kabaabeen. Waakh ba kimaala!

1 Timooti 1:5

Jeenteti an waha yeel ikaadeeh la, a iꞌdoo ꞌdee ꞌdooꞌd Kiriisto ꞌdoonin isikhabo. ꞌDooninta la inti iche katamiit a uuri eloo rucchul laka ikhabin ichoow rubeyti suujoon inno ikacheekan ichoow kakhuufnaanki rummaate Kiriisto lakakhuufo.

Galaatiya 5:4

Atinhi amurre raahin ꞌdoontaane ꞌdee Waakh ꞌdooꞌdi fiffissan atin iekkaacho, Kiriisto a atin lakagooche, toro la haaggi Waakhe buure a rogteen.

1 Koriinto 11:19

A mehe koobbinohaas goytiinna kijiraane, ꞌdee goytiin ka ꞌdooꞌdi rumanka koo Kiriistee laarga.

Bakkaahit 3:3

Maantaka wihi goorat atin laabche toro atin daagteen kasooꞌhela raaha, uskeeliin la kasoonokhda. Iꞌdaasenyi chaꞌatin ineybaan, iꞌdi eti hatto leh u, doglaan on atin soogela, sahaꞌddi an amiit la ma garattaan.

Mattaayo 6:27

Etiinkoo maanta waꞌdwaaꞌdi us waꞌdwaaꞌdo ka jirotiis sahaꞌddoo kalday kakhayaayi?

1 Timooti 6:12

Jiroti inno Kiriisto kakhuufne ka dihoti haaggan gel. Jiroti jirtuu imassanne maanti lakiwahe at wihi haaggan ꞌdooꞌdi ittaawe ortiis ka cheekatte icho la gartiche laabaan jurkhi.

2 Timooti 2:18

Icho rum a katabeene, ꞌdooꞌdi tuume orey on omoot kasookahe essaan. Icho la ꞌdooꞌd Kiriisto gaasoo kakhuufnaanki icho Kiriisto kakhuufaan a kheeroocheen.