1 Timooti 1:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Timooti, weelaaw, amura an kisiicho ichoow wori kimiinsane goorat ꞌdooꞌdi Waákh íyeyyeedo cheeke kisoobaho, a israahaan. Amurane kisiicha ꞌdee woraas at raahto ka, dihoti haaggan gessa,

1 Timooti 1:18 Referans Kwoze

1 Timooti 4:14

Siintaahti maanti ewweenki urur Kiriisto woyo dahano kikorche wori Waakhe lakaayyeedo at kaꞌhesse akadabin.

1 Timooti 6:20

Timooti, wihi Waakh dahantaah soogesse mujjum yaakhi. ꞌDooꞌdi yeedi ꞌdalame inkaanyitoo rucchul laka Waakh ikakhabin ichoow iriirti ilmarhaatteete icho been ka a garanti rummaat essaan nabah iisudin.

Fiiliffi 2:22

Iꞌdaasenyi Timooti saggi us rumanka indigir ikhabe us enenyet tuumman ituse a garattaan. Ani ichoow Timooti iꞌdi ooyo ichoow inankiissa Wori Haaggan isileecheekne.

2 Timooti 4:7

Dihoti an kijire mujjume kijire, oriisihi an kijire la a massiche, wori Kiriisto miinsan la mujjume kakhuufe.

1 Timooti 1:2

Eti an isoochiiro la, a ati Timooti. Ati jiroti inno Kiriisto kakhuufno ka a weelaaya. Waakkhi Aabbaheene ichoow Yeesso Kiriistohi Kamureene ba kimaalaane, uur kisoonugleestaane toro la nebey kaakaalaan.

2 Timooti 1:2

Eti an isoochiiro la a ati Timooti. At la a iꞌdi weeleeyki an weyti ꞌdoono. Waakkhi Aabbaheene ichoow Yeesso Kiriistohi Kamureene ba kimaalaane, uur kisoonugleestaane, toro la nebey kaakaalaan.

1 Timooti 4:4

Iꞌdaasenyi wihi Waakh sooumhe tuumman a haagganyahiine, walah tuumman la chirri Waakh on kalaꞌd liilaabe walah laꞌdiiꞌdo mele.

Fiilemon 1:10

a kihawwaasde, bal Oneesmo gargaar. Us kola a iꞌdi weelaaya. Iꞌdi tahe an jeela kajiraayi, usu jit Kiriisto abche kola a iꞌdoo an aabbahiis itah.

Tiito 1:4

Eti an khadaab ichiiro la a ati Tiitohi kakhuufnaanki inno Kiriisto kakhuufno ka iꞌdi weeleeye. Waakkhi Aabbaheene ichoow Yeesso Kiriistohi ꞌDoorribeheene ba kimaalaane nebey kaakaalaan.

Hilassi Ergaano 16:1

Baawulo ichoow Siila koloo ilkerengeetti Deerbe tabeene, saahka ilkerengeetti Luussira irteen. Etoo abatti Kiriisteenye Timooti layadeehe abartiis Kiriisto rummeysatte la intaas a kajire. Abartiis a inanti Yaꞌhuude, iꞌdaasenyi aabbahiis a yaaftoo Yaꞌhuud ieheynan.

1 Koriinto 4:17

Jeentetane an Timootihi weeleeyenye an weyti ꞌdoono atin ikasooerge. Usu a koo Kamure, toro weyti lakakhuufa. Timooti saggi an sohoteey ka Yeesso Kiriisto iraaho a atin kasooꞌhelcha. Wahaas ichoow wihi an urur Kiriisto meelal tuumman ka abcho a wohoo kalday.

1 Koriinto 9:7

Iskartoh maanta hili iche haaggisso ka toro chilimme gutta? Etoh gos khaba toro gurnaanki us gosiis kasoobahche iumhan? Ersinkoh adihiis yaakhicha toro la haanu ikadamin?

1 Timooti 1:5

Jeenteti an waha yeel ikaadeeh la, a iꞌdoo ꞌdee ꞌdooꞌd Kiriisto ꞌdoonin isikhabo. ꞌDooninta la inti iche katamiit a uuri eloo rucchul laka ikhabin ichoow rubeyti suujoon inno ikacheekan ichoow kakhuufnaanki rummaate Kiriisto lakakhuufo.