1 Timooti 1:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Iꞌdaasenyi jeentetane Waakh ani uur isoonugleeste, ꞌdee anihi uskeel ka enenyet tuumman kuto, Yeesso Kiriisto walahbaaw an yeele ka samacchaari imassan ituse. Ulla ani a isamacchaare ꞌdooꞌdi addane usu soorummeesti jiroti jirtuu imassan ꞌhelo iyookko ikayeele.

1 Timooti 1:16 Referans Kwoze

1 Timooti 1:13

An goorat ꞌhor usu a igafe, ꞌdooꞌdiis sina omhiche, ꞌdooꞌdiis leeabaarrame. Eheetteey laka Waakh uliba uur a isoonugleeste. Ulla jeenteti an Kiriisto ikakhuufine, wihi an yeele igaran, iche iꞌda iyeele.

Efeesso 2:7

Waakh iꞌdane yeele ꞌdee Yeesso Kiriisto ka haaggiiski buurenye inno imunneynane wohoo weyti buure laka liikookkaanne uuriiski ꞌdabakhenye us inno ikhabo lakaargo, inno tusa.

Luuka 7:47

Maantaka wihi an kiadeeh, makhaabassa uskeelicheki ittaawe a liikakute. A mehe ꞌdooninti buurenye itusatte. Iꞌdaasenyi eti uskeeloo rucchul liikakute ꞌdoonintoo rucchul on Waákh tusta.”

2 Beetero 3:15

Waha la abda, samacchaari Kamureen ribnaanki us enenyet ribo ikhaata. Walaaleenki inno ꞌdoonno Baawulo layadeeh laka kharati Waakh siiche ka waha a atin isoochiire.

2 Beetero 3:9

Kamur wihi us ayyiche ka ma soomalmalo iꞌdi ꞌdooꞌd gaasoo malmalli ikhaatuu. Us a atin igarrahsata a mehe usuhi etoo kalday laka iumaatane, iꞌdaasenyi enenyet tuumman uskeel kasoonokhti iche ꞌdoona.

1 Beetero 3:20

Waha a rubeyohi ꞌdooꞌdi goorat ayti Waakh raahiwwaaye maanti goorat Noowa koobanhi buure dise. Waakh la ꞌdooꞌdaas a isamacchaare. Iꞌdaasenyi et siyyeet kooban goya kijirte kaldaye bicche ikhaatin.

Yoohana 20:31

Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.

Yoohana 3:36

Eti tuummane Weeli Waakh rummeeste, jiroti jirtuu imassan a khaba. Iꞌdaasenyi eti tuummane Weeli Waakh ꞌdiiꞌdo jiro ma khabo. A mehe holi Waakh usu a fuula.”

Rooma 6:23

Iꞌdi tahe gunnaanki eti uskeel yeelo laguto, a omoot. Iꞌdaasenyi siinti Waakh iꞌdaanu enenyet siicho, a jiroti jirtuu imassan. Waha la a chirri inno ichoow Yeesso Kiriistohi Kamureene ba wohoo kalday nahe.

Hilassi Ergaano 13:39

Usu ka eti tuummane usu rummeeste, Waakh eti fissane iekkaacha. Iꞌdaasenyi amurre Muusati laraaho ka, Waakh etoo kalday laka eti fissan ma iekkaacho.

Yoohana 6:54

Eti tuummane sarteey yahame diiggeey la damo, etaas jiroti jirtuu imassan a khaba. Anna eta ibeenki ꞌdaꞌddaboot omoot a kasookahcha.

Yoohana 6:40

Iꞌdi tahe wihi Aabbaheey ꞌdoono a mehe ya, a usuhi eti ani iarge toro irummeeste tuumman jiroti jirtuu imassan ꞌhelo. Anna ibeenki ꞌdaꞌddaboot icho tuumman omoot a kasookahcha.”

Ibiraaniya 7:25

Maantaka usu ꞌdooꞌdi usu leeyamiite Waakh iirti tuum ribin a yabuuꞌd. Iꞌdi tahe usu kol tuummamba a jira, ꞌdee ꞌdooꞌda Waakh a ihawwaasta.

2 'Dessaloonika 1:10

Waha la maanti icho yateehiin, a maanti us soonokhti, ꞌdooꞌdiiski munyeenye usu rummeeste tuumman usu saaꞌdo, toro la kagirmeesti. Waha atin laka goya a kijirtaan jeenteti atin wihi Waakh yeele nah agarre nah atin isoocheekne irummeysatteen u.

Efeesso 1:12

ꞌdee weynaanti Waakh nahi Yaꞌhuudenye kolooraat Kiriisto kakhuufne koolo nah kaꞌhessa.

Efeesso 1:6

Maantaka Waakh koolinno jeenteti haaggiiski buurenye us inno siiche u. Weeliiski us weyti ꞌdoono ka haagga iꞌdaanu a inno siiche.

2 Koriinto 4:1

Maantaka jeenteti Waakh uurnugleeliis on u hila usu liihilo nah ikorchuu, rubeye ma nah jebto.

Rooma 15:4

Wihi dakkhane goorat Chiirnaanneti Waakh goya lakachiire walahe inno abchaane, ꞌdee Chiirnaannetaas ka garrahsi ꞌhella, uur inno miigowa, toro la khajjeel khabna.

Yoohana 6:37

“Eti tuummane Aabbaheey dahanteey soogesso ani iyamiit. Anna eti tuummane ani iyimiy jirtuu ma riho.

Yoohana 5:24

“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.

Luuka 23:43

Yeesso wihi us ilaabe, “Rume kicheeka, at maalinka goobi Waakh ka a ileejirta.”

Luuka 15:10

Wihi an atin icheeko, saggaase herti Waakh ihamaadda chirri etoo kalday uskeeliis kasoonokhte.”

1 Koriinto 7:25

Toolla amur Kamur isiiche galtaam miinsan mele. Iꞌdaasenyi jeenteti uurnugleeli Kamure an eti lakakhuufo iahuu, maleey a atin siicha.