1 Timooti 1:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ An goorat ꞌhor usu a igafe, ꞌdooꞌdiis sina omhiche, ꞌdooꞌdiis leeabaarrame. Eheetteey laka Waakh uliba uur a isoonugleeste. Ulla jeenteti an Kiriisto ikakhuufine, wihi an yeele igaran, iche iꞌda iyeele.

1 Timooti 1:13 Referans Kwoze

Hilassi Ergaano 8:3

Iꞌdaasenyi Saawulo urur Kiriisto massin ꞌdoona, kolba minkoo gela mejel ichoow deyyeho sookhabta sookhaata jeela gessa, hida.

1 Beetero 2:10

Atin goorat ꞌhor ꞌdooꞌdi Waakh ma eheynane, iꞌdaasenyi toolla a ꞌdooꞌdi Waakh. Goorat ꞌhor uurnugleeli Waakh ma ꞌheline, iꞌdaasenyi toolla uurnugleeli Waakh a ꞌhesseen.

Hilassi Ergaano 9:13

Anaaniya wihi us ilaabe, “Kamur, ꞌdooꞌdi ittaawe wori eta a isiiche, suujoonki noole us ꞌdooꞌdi Waakhe ilkerengeetti weene Yeerusaleem kijiro yeele a daage.

Ibiraaniya 4:16

Maantaka Waakkheenki haaggiiski buure inno tusti roorro laan kombortiisti antoot ortiis iranni giꞌde. Intaas ka maambaaw inno gargaar ꞌdoonno, us uure inno isoonugleesta toro haaggiiski buure inno siicha.

Hilassi Ergaano 3:17

“Toollaka yaafeey saggi atin ichoow weynaantiin garawwaayyo ka wahaas iyeesseen a garda.

Luuka 23:34

Yeesso wihi us yidah, “Aabba, ꞌdooꞌda uskeelicho ikakut! Iꞌdi tahe wihi icho haaggichaan ma gartaanee.” Kura guꞌddateene gaaddiis gisante.

1 Timooti 1:16

Iꞌdaasenyi jeentetane Waakh ani uur isoonugleeste, ꞌdee anihi uskeel ka enenyet tuumman kuto, Yeesso Kiriisto walahbaaw an yeele ka samacchaari imassan ituse. Ulla ani a isamacchaare ꞌdooꞌdi addane usu soorummeesti jiroti jirtuu imassan ꞌhelo iyookko ikayeele.

Fiiliffi 3:6

Toro jeenteti an weyti Waakh ikafalin iꞌdoone, urur Kiriisto sina omhiche. Chirri amurreti laraaho enenyet eti Waakh ortiis ka fissan kayeesso ani wohoo rucchul laka ma liikacheekti.

Galaatiya 1:13

Maanti an hugummeti Yaꞌhuud raahe, saggi an ijire a daagteen. An ururi Waakh sina omhiche toro baabiin ꞌdoone.

1 Koriinto 15:9

Ergaano tuumman goyaka ani ꞌdaran. Jeenteti an ururi Waakh weyti sina iomhichuu, anihi kootte ergaano liiyadeeh laka ma imalin.

1 Koriinto 7:25

Toolla amur Kamur isiiche galtaam miinsan mele. Iꞌdaasenyi jeenteti uurnugleeli Kamure an eti lakakhuufo iahuu, maleey a atin siicha.

Hilassi Ergaano 22:4

Jeentetaas u ꞌdooꞌdi goorat jita Yeesso enenyet abche raaho sina omhiche, ogoos laka ꞌdoone. Mejel ichoow deyyeho a sookhabde jeela gesse.

Hilassi Ergaano 9:5

Saawulo la wihi us worsate, “Kamur, at a ayyo?” Kamur wihi us ilaabe, “An a Yeessohi at sina omhisso.

Hilassi Ergaano 9:1

Geeddaas tuumman la Saawulo abattiti Kamur uliba ogoose ꞌdoona. Kuhaanihi weyti ween iirte,

Luuka 12:47

“Ilbooyi wihi kamuriis usuhi yeelo ꞌdoono garti toro la iyeelin, kolassi ittaawenye lajaha.