1 Timooti 1:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² An Yeesso Kiriistohi Kamureene weyti kalaꞌd ilaaba. Us a imiigooche toro eti lakakhuufo iekkaache, hiliis ikorche.

1 Timooti 1:12 Referans Kwoze

Fiiliffi 4:13

Kiriistohi miig isiicho ka, a geeddi an walah tuumman yeelo.

2 Timooti 4:17

Iꞌdaasenyi Kamur a ileejire, miig isiiche, ꞌdee anna farniin tuum cheeka, ꞌdee yaafohi Waakh igaran tuumman daagaan. Ulla kootiinki Rooma ka omoot a ikaribe.

Kolossaay 1:25

Hili Waakh indigirtiin u dahanteey soogesse ichoow urura an ifalo a israahaan. Hila la a ki an tuum Yeedi Waakh cheeko.

Fiiliffi 2:11

toro la icho tuumman saggi Yeesso Kiriisto Kamur iyahe ꞌdow ka a cheekaane, ꞌdee Waakkhi Aabbaheene lasaaꞌda.

2 Koriinto 4:1

Maantaka jeenteti Waakh uurnugleeliis on u hila usu liihilo nah ikorchuu, rubeye ma nah jebto.

1 Koriinto 7:25

Toolla amur Kamur isiiche galtaam miinsan mele. Iꞌdaasenyi jeenteti uurnugleeli Kamure an eti lakakhuufo iahuu, maleey a atin siicha.

Hilassi Ergaano 9:22

Iꞌdaasenyi Saawulo jiti miige ka wori Waakh cheeke. Ulla wahanyeyyohi ittaawe ka saggi Yeesso rumanka Ki Lasubhe iyahe tuse, ichoowka ꞌdooꞌdi Yaꞌhuude Damaasko yaal malaliche.

Hilassi Ergaano 9:15

Iꞌdaasenyi Kamur wihi us Anaaniya iyidah, “Nyaam iiro, iꞌdi tahe an usu a soobahsade, ꞌdee ulla yaafohi Yaꞌhuud ieheynan ichoow karnatteticho ichoow ꞌdooꞌdi Issiraayele woreey igeechaa.

Hilassi Ergaano 16:15

Chirra iche ichoow ꞌdooꞌdi minkiche kajire tuumman labaattissiye ka, goobiche nah iwahte, “Chirri atin ani eti Kamur rummeeste ikhaattaan, kaaleya minkeey fiddiya,” nah itidah. Iche la nah hawwaassatte.

1 Timooti 1:11

Woraas mujjume ichoow Wori Haaggane weynaanti Waakkhi lasaaꞌdo tusso us ikorche a israahaan.

1 Koriinto 15:10

Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.

Yoohana 5:23

ꞌDee enenyet tuumman saggi us Aabbahiis iinkaanyito, Weeliis laka iinkaanyita. Eti tuummane Weeli Waakh iinkaanyitin la, Aabbahiiski usu sooerge laka ma inkaanyito.

1 Koriinto 3:5

Kamalda bal, Aboollo a mehe, ommos Baawulo laka a mehe? Nah a ilbooyyeti Waakhe atin gargaarte atin la wori Kiriisto miinsan rummeysatteen on. Eteenyoba hili Kamur dahan gesse on haaggiche.

Galaatiya 3:26

Kakhuufnaankaas atin Yeesso Kiriisto kakhuufteen ka, atin tuumman a nyaakhuti Waakh.

Galaatiya 3:28

Kola enenyet seley ma gaan. Iꞌdi maanta Yaꞌhuud ichoow yaafohi Yaꞌhuud ieheynan, ommos bowꞌda ichoow ꞌdooꞌdi bowꞌda ieheynan, ommos mejel ichoow deyyeho seley ma gaan, a mehe atin tuumman Yeesso Kiriisto ka a wohoo kalday.

1 Timooti 1:1

Eti khadaaba kisoochiiro a ani Baawulohi ergaano Yeesso Kiriistee. Ani la Waakkheenki ꞌDoorribeheene ichoow Yeesso Kiriistohi inno khajjeello iche amuricho ka ergaano ikayeele.

1 Timooti 1:2

Eti an isoochiiro la, a ati Timooti. Ati jiroti inno Kiriisto kakhuufno ka a weelaaya. Waakkhi Aabbaheene ichoow Yeesso Kiriistohi Kamureene ba kimaalaane, uur kisoonugleestaane toro la nebey kaakaalaan.

1 Timooti 6:13

Waakkhi walah dakkhan jiro siicho ortiis ka ichoow Yeesso Kiriistohi goorat Boontiyo Bilaato ortiis ka runtiis cheeke, orcho ka amurane kibahcha.

2 Timooti 2:2

Wahanyeyyohi at ikadaagte an ꞌdooꞌdi ittaawenye garteey laabo ortiis ka idah la, ꞌdooꞌdi lakakhuufo ꞌdee ꞌdooꞌdi addan abin yabuuꞌd kori.

Tiito 1:4

Eti an khadaab ichiiro la a ati Tiitohi kakhuufnaanki inno Kiriisto kakhuufno ka iꞌdi weeleeye. Waakkhi Aabbaheene ichoow Yeesso Kiriistohi ꞌDoorribeheene ba kimaalaane nebey kaakaalaan.

Fiilemon 1:9

Iꞌdaasenyi ꞌdoonin Kiriisto ka, samacchaar on kihawwaasda. Ani a Baawulo kola a araarrowe, toro la jeente Yeesso Kiriisto jeela ikajira,

Mattaayo 20:4

Wihi us reera iyidah, ‘Atin laka nyaama goseeyki sabiib hil kahaaggicha amba wihi mujjume atin gutaa.’