1 Timooti 1:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Toro la amurre a ti ꞌdooꞌdi isidisanne isleeurꞌdo ichoow mejeli isleeurꞌdo ichoow ꞌdooꞌdi enenyet ororsati ichoow ꞌdooꞌdi been leh ichoow ki garti beenaat cheeko ichoow wihi tuummane wori mujjumenye Waakh buusan.

1 Timooti 1:10 Referans Kwoze

2 Timooti 4:3

A mehe ibeen a yamiit ki enenyet wori Waakhe laabcho nabah isudiwwaayo. Wihi icho imoonaan on yeelaan. Jeentetuu la, ꞌdooꞌdi buurenye wihi beenaat enenyet abcho wihi dogticho ꞌdoonto idowo, iche urursataan.

Rooma 1:26

Jeentetane Waakh iꞌdiiche, ildeerroti sareete lakhaanyeyyo keento icho ꞌdoonaan ikaassohtaan. Deyyeho laka mejeli laleeurꞌdo a kasoonokhatte, iche on isinokhatta.

Bakkaahit 21:27

Walah biꞌdirenye jirtuu ilkerengeet goya gelo mele. Toro la eti wihi lakhaanyee yeelo ommos eti been goocho goya ma gelo. ꞌDooꞌdi gelo, a ki magahenyeticho buuggi Heleeme ꞌdooꞌdi jiroti jirtuu imassan khabo lakachiire kaldach on.

1 Timooti 6:3

Chirri ꞌdooꞌdoo wihi us enenyet abcho wihi beenaat yahiine, toro wor Yeesso Kiriistohi Kamureene buusanyahiine, toro la saggi kootte ꞌdooꞌd Kiriisto Waakh ikajiro tirrimo,

Yuuda 1:7

Iꞌdaas on u ꞌdooꞌdi ilkerengeetti Soodom ichoow ki ilkerengeetti Goomorah ichoow ilkerengeetohi addane isoodow ba jiroti iꞌdi ti hertaasenye jireen. Icho laka sohoꞌddarri ichoow jiti mejel ichoow deyyeho ba isleeurꞌdaan a kheeroocheen. ꞌDooꞌdaas la iyookkoti ꞌdooꞌdi berri ꞌdabi jirtuu ijitin ka sina latuso yitaaheen.

Tiito 1:9

Toro la a eti wori rummaate lakakhuufo laabche mujjum khuccho, ꞌdee eti wora ka ꞌdooꞌdi addan uur miigoon yabuuꞌde toro ꞌdooꞌdi wora tirrimo uskeelicho icheekin yabuuꞌd.

Bakkaahit 21:8

Iꞌdaasenyi ꞌdooꞌdi burꞌdeyyee ichoow ki Kiriisto irummeysan ichoow ki wihi biꞌdire tuumman yeelo ichoow ki enenyet dubunuunu yagiis ichoow ki sohoꞌddarri kaassohti ichoow ki tibaato khabo ichoow ki iyookkoyyohi waakkhakh lakayeessi wahti ichoow ki beeno leh tuumman, meessicho a beyti ꞌdabe iꞌdi lahawti kibiriiꞌd ibolokhto. Waha a omootti lammaatteet.”

Ibiraaniya 13:4

Enenyet tuumman mindischo a inkaanyito. Makhaabal ichoow makhaabál ba la uus icho etoo addan leeurꞌdin. Iꞌdi tahe Waakh ꞌdooꞌdi iꞌdaase ichoow ki sohoꞌddarri kaassohti rumanka a hukkuma.

Bakkaahit 22:15

Iꞌdaasenyi ꞌdooꞌdi ilkerengeetta khariche kijiro, a ki isbiꞌdirroocho, ꞌdooꞌdi tibaato khabo ichoow ki sohoꞌddarri kaassohti ichoow ki enenyet dubunuunu yagiis ichoow ki iyookkoyyohi waakkhakh lakayeessi wahti ichoow ki been ꞌdoono toro kol dakkhan been goocho.

2 Timooti 1:13

Kakhuufnaanki at Kiriisto kakhuufto ichoow ꞌdooninti at ꞌdooꞌdi addan ꞌdoonto ka, wor Yeesso ki rummaate at ikadaagte mujjum jurkhi, a mehe ati ichoow Yeesso Kiriisto ba a wohoo kalday.

Yoohana 8:44

Atin a nyaakhuti Seytaanki ooyohiine. Wihi us imoono tuumman atin laka yeeline ꞌdoontaan. Uus uumaccho ka us eti ꞌdooꞌd bakkicho on eheet. Ulla toro rum a ꞌdiiꞌda, iꞌdi tahe us injire wihi rummaat ma cheekin. Chirra us yeedi beenaat cheeko la, wahaas eti rumanka us yahe tusaan. Us a eti been lehe, toro la a ooyohi ꞌdooꞌdi been goocho.

Tiito 1:13

Ayta eta cheeke a rum. Maantaka tabe ꞌdooꞌda weyti leejaakhe, ꞌdee wihi rummaat mujjum a kakhuufeene,

Bakkaahit 18:13

Toro et geeyohi gololle lakachibo ꞌdee golol haaggicho ichoow miricchinye ichoow subahenyeti hahhaaggane sar lakadowti ichoow uyuuggeti lasaarti kagatti mele. Toro et farsoti sabiib ichoow subakki geeyi oolif ichoow ingangaano ichoow ꞌdargaayye ichoow looyyo ichoow iiy ichoow faráꞌd ichoow garrunyeti faraꞌde jiitto ichoow ꞌdooꞌdi loororicho kagatti mele.

1 Timooti 4:6

Chirri at ꞌdooꞌdi Kiriisto rummeeste waha kawaanisso, at ilbooy Yeesso Kiriistoki haaggane tateeh. Toro la kol dakkhan wori rummaate Kiriisto miinsan ichoow haaggi lakaasooweynaache at raahto rubeytaah ka miige kisiichaan.