1 Timooti 1:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Eti khadaaba kisoochiiro a ani Baawulohi ergaano Yeesso Kiriistee. Ani la Waakkheenki ꞌDoorribeheene ichoow Yeesso Kiriistohi inno khajjeello iche amuricho ka ergaano ikayeele.

1 Timooti 1:1 Referans Kwoze

Tiito 1:3

Ulla ibeenki usu rubeytiis gooche ka woriis inno tuse. Wora Haaggan la a ki Waakkhi ꞌDoorribeheene amuriis ka dahanteey soogesse, cheek iyidah.

Kolossaay 1:27

Wihi Waakh ꞌdooꞌdiiskaas igooche, a waha goorat haaggane dagsane yaafohi Yaꞌhuud ieheynan liisoobabbakkaahicho ꞌdooꞌdiis abti. Waha la a Kiriistohi atin ichoow usu ba wohoo kalday tahiine, ꞌdee weynaanti Kamure inno khajjeello isleegisanno.

Hilassi Ergaano 9:15

Iꞌdaasenyi Kamur wihi us Anaaniya iyidah, “Nyaam iiro, iꞌdi tahe an usu a soobahsade, ꞌdee ulla yaafohi Yaꞌhuud ieheynan ichoow karnatteticho ichoow ꞌdooꞌdi Issiraayele woreey igeechaa.

Yuuda 1:25

Toro la Yeesso Kiriistohi Kamureene ka, Waakkheenki kaldaye ꞌDoorribeheene koolo ichoow kussi ichoow miig ichoow anto ba wihiissa on a yitaaheen geeddi harra liisoouumin ichoow toolla ichoow jirtuu tuummamba. Aamiin.

1 Beetero 1:3

Waakkhi Aabba Yeesso Kiriistohi Kamureene koolinno. Us uurnugleeliiski buure on ka, jirotoo husube inno khajjeello a inno siiche. Jiti us waha kayeele la, a Yeesso Kiriistohi us omoot kasookahche.

1 Timooti 1:12

An Yeesso Kiriistohi Kamureene weyti kalaꞌd ilaaba. Us a imiigooche toro eti lakakhuufo iekkaache, hiliis ikorche.

Galaatiya 1:1

Khadaaba eti atin isoochiiro, a ani Baawulohi ergaanee. Weel enenyete hila ergaano ikorche mele, ommos weel enenyete isooergate mele. Iꞌdaasenyi Yeesso Kiriisto ichoow Waakkhi Aabbaheenenye, Yeessó omoot kasookahche ka a liisooergate.

2 Koriinto 1:1

Khadaaba ꞌdooꞌdi atin isoochiiro a ani, Baawulohi jeenteti Waakh isoobahsatuu ergaano Yeesso Kiriistee ichoow eteenki ullaka koo Kiriisteenye Timooti layadeeh. ꞌDooꞌdi nah khadaaba ichiirro la, a ururi Waakhe ilkerengeetti weene Koriinto kijiro, ichoow ꞌdooꞌdi Waakhe boroofenhi Akhaaya kajiro tuumman.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

1 Timooti 2:7

Jeentetane Waakh ani eti Yeedi Waakh cheeko ichoow ergaano ikayeele. Toolla la wihi an cheeko been menye, a yeedi rummaat on. Toro la ani eti wori rummaate Kiriisto miinsan yaafohi Yaꞌhuud ieheynan abcho ikayeele.

2 'Dessaloonika 2:16

Yeesso Kiriistohi Kamureene rubeytiis ichoow Waakkhi Aabbaheenenye inno ꞌdoone, haaggiiski buurenye inno imunneynan ka armaanjireen tuumman uur inno miigooche toro la khajjeeli haaggan inno siiche ba,

1 Koriinto 1:1

Khadaaba eti atin isoochiiro, a ani Baawulo ichoow eteenki koo Kiriisteenye Soosteena layadeeh. Anna Waakhe jeenteti us iꞌdoono on u, iwahe ergaano Yeesso Kiriisto ikayeele.

1 Yoohana 4:14

Inno saggi Waakkhi Aabbaheene Weeliis isooerge, ꞌdee us ꞌDoorribehi ꞌdooꞌdi harrata iyateeh a agarre, toro la a cheekna.

1 Beetero 1:21

Usu ka atin Waakkhi usu omoot kasookahche toro la weynaache a rummeysatteene, ꞌdee Waakh on kakhuuftaane, toro la usu on khajjeel kakhabtaan.

Tiito 3:6

Waakh la Yeesso Kiriistohi ꞌDoorribeheene ka, a inno ibuuhiche Rubeyti Munyee tuum inno isookhube.

Tiito 3:4

Iꞌdaasenyi maanti Waakkhi ꞌDoorribeheene uuri ꞌdabakhe inno tuste weeli enenyet ꞌdoonintiis tuste ka,

Tiito 2:13

Iꞌdane yeella geeddi inno khajjeeli buuhi Waakh keeno sugno. Waha la a maanti Yeesso Kiriistohi Waakhenye ꞌDoorribeheene weynaantiisti ababto inno liisoobabbakkaahicho.

Tiito 2:10

Toro la bowꞌdayyo iicho kamurreticho hatin. Iꞌdaasenyi ꞌdooꞌdi tuum lakakhuufo a eheetti. Iꞌda ka walahbaaw icho yeelaan ka, yeedi wori rummaate Waakkhi ꞌDoorribeheene kayamiit saaꞌdo ikeenaan.

1 Timooti 4:10

Jeentetuu la weyti hol downa, tirriinsanna, jeenteti inno Waakkhi jiro khajjeel ikakhabnuu. Waakkha la a ꞌDoorribehi enenyet tuummane, kach ka la ꞌdooꞌdi usu rummeeste.

1 Timooti 2:3

Waha a haagganyahiine toro la Waakkhi ꞌDoorribeheene a kahamaadichaan.

Galaatiya 1:11

ꞌDooꞌd Kiriistokaaw, Wora Haaggane an maantaas atin abche ki weeli enenyet kasoouummame mee.

1 Koriinto 9:17

Chirri ani jeenteti an iꞌdoono on u an Wora Haaggan icheeko, ꞌdeerka kalaꞌd a suga gon. Iꞌdaasenyi, Waakh a isoobahsate hila ikorche sag an ikabahsadi la mele.

Rooma 1:1

Khadaaba eti atin isoochiiro a ani, Baawulohi ilbooy Yeesso Kiriisteenye, toro la ergaanoti Waakh soobahsate, ꞌdee Woriiski Haaggan cheekto.

Luuka 1:47

Rubeyteey la weyti Waakkheeyki ꞌDoorribee kahamaadda.

Luuka 2:11

Ibeenka goya, ilkerengeet Dawuud ka ꞌDoorribe a atin liidele, ulla a Ki Lasubhe Kamure!