1 Koriinto 1:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Iꞌdi tahe jeenteti atin ichoow Kiriisto wohoo kalday ititaaheen u, Waakh walah tuumman ka a atin kamurrooche. Waha la a iꞌdi maanta, wihi atin cheektaan ichoow wihi atin abatteen.

1 Koriinto 1:5 Referans Kwoze

2 Koriinto 9:11

Waakh walah tuumman ka a atin kamurroocha ꞌdee kol tuumman uuri haaggan ka ꞌdooꞌdi addan gargaartaane, ꞌdee wihi atin soobaayisseene nah diibno ka ꞌdooꞌd Waakh kalaꞌd ilaaba.

2 Koriinto 8:7

Iꞌdaasenyi atin walah tuumman ka weyti orey jirtaan, iꞌdi maanta kakhuufnaanki atin Waakh kakhuuftaan ichoow Wori Haaggane atin cheektaan, ichoow runti Yeedi Waakhe atin garattaan ichoow wihi tuummane atin aw ikhabtaan. Taba hila ꞌdoonineete atin walah diibtaan ka laka orey jira giꞌde.

Kolossaay 2:3

usu on kamurroonki kharati Waakh ichoow garanti Waakh lagarti dagsan lakeela.

Fiiliffi 1:9

An Waakhe atin isoowaha, ꞌdee ꞌdooninti atin isꞌdoontaan ichoow ꞌdooninti atin Waakh ꞌdoontaan buuraatta. Geedda iche buuraatti, mujjume Waakh abattaane, toro la haag ichoow suujoon seley bihin tabuuꞌdiin.

Rooma 15:14

ꞌDooꞌd Kiriistokaaw, ani rubeyteey saggi wihi hahhaaggan atin ibuuhaane, wihi ꞌdooꞌd Kiriisto miinsan tuum igarattaane toro la iswaanin itabuuꞌdiin a tissiba.

Yaakoobo 3:13

Chiꞌ goytiin ka etoo khara yahe toro haag ichoow suujoon garti jiro, jiroti haaggane us jiro ka, samacchaari khara kayamiite wihi haaggan us yeelo ka a tuso giꞌde.

Kolossaay 3:10

Toro la jiroti husube gessatteene, jirotaas ka la kol dakkhan Waakhe atin husubnaacha, ꞌdee usu rumanka abattaane, iyookkoti Waakkhi atin soouume raahtaan.

Efeesso 6:19

Ani laka Waakh isoowaha, ꞌdee chaꞌan yeyyeedo, Waakh wihi an adeeh a isiicho, ꞌdee roorro laan enenyet wihi dagsane Wori Haaggan miinsan a icheeko.

Efeesso 1:17

An a inonnokhda Aabbaheenki weynaan tuumman tiis tahe, Yeesso Kiriistohi Kamureene Waakkhiise daaha, ꞌdee Rubeyti Munyeenye atin kharaasso, eti Waakh yahe atin isoobabbakkaahisso a atin siicho, ꞌdee Waakh mujjum abattaan.

1 Koriinto 12:8

Rubeyti Waakh on ka etoo wori khara lasiicha, Rubeyta Waakh on ka etoo addan wori walah lakagarti lasiicha.

2 Beetero 3:18

Iꞌdaasenyi haaggi Waakhe buure ichoow abanti atin Yeesso Kiriistohi Kamureenenye ꞌDoorribeheene abattaan ka weynaada. Toolla ichoow jirtuu tuummamba us ba koolo ꞌhela! Aamiin.

Efeesso 3:8

ꞌDooꞌdi Waakh soobahsate ꞌdaꞌddaran tuumman goyaka ani weyti ꞌdaran. Eheetteey laka, Waakh haaggiiski buure ka, ani wori buuh Kiriistoki wohoo liikookkaan yaafohi Yaꞌhuud ieheynan liicheeko a siiche.

Efeesso 2:7

Waakh iꞌdane yeele ꞌdee Yeesso Kiriisto ka haaggiiski buurenye inno imunneynane wohoo weyti buure laka liikookkaanne uuriiski ꞌdabakhenye us inno ikhabo lakaargo, inno tusa.

1 Koriinto 13:2

Chirri an siinti Waakh liiyeyyeedo khabo, chirri an wihi dagsan tuumman gardi, chirri an walah tuumman gardi, chirri an kakhuufnaanki Waakh weyti lakakhuufo khabo an halal laka guuricho, iꞌdaasenyi an enenyet iꞌdoonin, walah an ahe mele.

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

1 Koriinto 14:26

ꞌDooꞌd Kiriistokaaw ꞌdeerka mehe incheenka yeessaan? Maambaaw atin kulantaan, etoo geeyoo us Waakh idowo khaba, etoo wohoo us enenyet abcho khaba, koo laka wohoo Waakh ibabbakkaahiche khaba, koo laka afi Rubeyti Munyeenye kaayyeeda, koo laka afaase laaba, ꞌdeerka waha tuumman saggoo icho urur Kiriisto imiigoochaan iyeela.

1 Koriinto 13:8

ꞌDoonine koloo kalday laka ma massatti. Iꞌdaasenyi farniinki ꞌdooꞌdi Waákh íyeyyeedo a massata, afassi Rubeyti Munyee kayamiit a gammadichaane, wihi lagarti tuumman la a kutaan.

1 Koriinto 12:10

Toro Rubeyta Waakhe etoo addan miigti wihi weeli enenyet iubaaꞌdan lakayeelo siissa, etoo addan la siinti Waakh liiyeyyeedo siissa, etoo addan laka siinti Rubeyti Waakh ichoow rubeyohoo addan seley lakaabti siissa. Etoo addan la siinti us afassi Rubeyti Munyee kayamiit kaayyeedo siissa, etoo addan la siinti us wihi afassaas ka leessi kalaabo siissa.

1 Koriinto 8:11

ꞌDeerka eta ꞌdabakhenye Kiriisto rummeeste Kiriisto usu iyumuy wihi at garatti ka a baabiisse gon.

Rooma 15:4

Wihi dakkhane goorat Chiirnaanneti Waakh goya lakachiire walahe inno abchaane, ꞌdee Chiirnaannetaas ka garrahsi ꞌhella, uur inno miigowa, toro la khajjeel khabna.

Rooma 11:12

Iꞌdaasenyi jeenteti ꞌdooꞌdi Issiraayel Waakh idaagiwwaayuu ꞌdooꞌdi harra tuumman buuhi buure a ꞌhele. Toro la jeenteti icho buuhi Waakh iwaayeen u, ꞌdooꞌdi yaafohi Yaꞌhuud ieheynan kamurroonki rubeyeet a ꞌhele. ꞌDeerka maanti tiri ꞌdooꞌdi Issiraayel labuuhiche kamurroonkicho buuhoo geeddohenye keena!

Hilassi Ergaano 2:4

Icho tuumman Rubeyti Munyee buuhisse, saggi Rubeyti Munyee igargaartuu la afi icho idaagin kaayyeedin sookhabteen.

2 Koriinto 6:10

Rubeyoheenyo a bolkhaane iꞌdaasenyi kol dakkhan a hamaana, a miskiino iꞌdaasenyi ꞌdooꞌdi buurenye kamurroonna. Walah weheenyee mele toro la walah tuumman a khabna.