1 Beetero 5:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ ꞌDooꞌdi dahantiin lagesse iꞌdi kamuri suuje u akaarriirina, iꞌdaasenyi ꞌdooꞌdi woyha iyookkoti haaggan iateeha.

1 Beetero 5:3 Referans Kwoze

2 'Dessaloonika 3:9

Waha jeenteti icho munnaanteenyo ieheynan mee iyeeliwwaayne. Iꞌdaasenyi iꞌdoo ꞌdee atin laka dabateenyo isooraahtaane yeella.

Fiiliffi 3:17

ꞌDooꞌd Kiriistokaaw taba dabateey raaha. ꞌDooꞌdi jiroti icho jiraan ka dabateey raaho fiiricha.

2 Koriinto 1:24

Anki wihi atin kakhuuftaan ka ma atin dakhanni. Iꞌdaasenyi nah hile atin leehaagginna, ꞌdee atin laka hamaaddaan. A mehe kakhuufnaanki atin Waakh kakhuuftaan ka a chuukhantahiin.

Tiito 2:7

Ati rubeytaah la wihi tuummane at yeesso ka, iyookkoti haaggane icho raahaan iateeh. Saggi at enenyet walah iabisso ka, eloo rucchul laka atusine, wohoo ꞌdabakhe iikhaatine,

1 Timooti 4:12

Uus etoo kalday laka jeenteti at inugussahuu kiꞌdarraawin. Iꞌdaasenyi yeedi afaah kasoobaho ka ichoow jiroti at jirto ka ichoow ꞌdooninti at enenyet ꞌdoonto ka ichoow kakhuufnaanki at Kiriisto kakhuufto ka ichoow jiroti el ikhabine at jirto ka, ꞌdooꞌdi Kiriisto rummeeste iyookko iateeh.

Hilassi Ergaano 20:28

Rubeyti Munyee iꞌdi ersimohi hoolaate atin kayeesse. Hoolaha la a ꞌdooꞌdi Waakh. Maantaka isyaakhicha toro la hoolahi Rubeyti Munyee dahantiin gelisse tuumman yaakhicha. Ururi Waakhe goorat Yeesso diiggiis ka Waakh igate, yaakhicha toro toorriba giꞌde.

Fiiliffi 4:9

Taba wihi an atin abche, atin la ikakhaatatteen ichoow wihi an atin icheeke ichoow wihi an yeele atin agarteen mujjum raaha. Waakkhi nebey leh la a atin leejira.

2 Koriinto 4:5

Iꞌdi tahe nah kooloheenyo enenyet ma icheekno, Yeesso Kiriistohi Kamurenye cheekna. Toro la jeente Yeessuu, saggi nah ilbooyyetiin inahe cheekna.

1 Koriinto 11:11

Iꞌdaasenyi innohi ꞌdooꞌdi Kamure ka la, deyyeho mejel laan walah iche yeesso mele, mejel la deyyeho laan walah us yeelo mele.

1 Beetero 2:9

Iꞌdaasenyi atin a ꞌdooꞌdi Waakh soobahsate, a kuhaaniyyohi karnat, a yaafti munyee, a ꞌdooꞌdi Waakhe Waakkhi mugꞌdi goya kasoobahche banayhiiski haaggan goya soogesse wihi weyti haaggane us yeele cheeko.

1 Koriinto 3:9

Iꞌdi tahe nah a ꞌdooꞌdi Waakhe hil isleehaaggicho, atin la a iꞌdi gosi Waakh ichoow minki Waakh.

1 Koriinto 3:5

Kamalda bal, Aboollo a mehe, ommos Baawulo laka a mehe? Nah a ilbooyyeti Waakhe atin gargaarte atin la wori Kiriisto miinsan rummeysatteen on. Eteenyoba hili Kamur dahan gesse on haaggiche.

Yoohana 13:15

An jit a atin tuse, ꞌdee atin laka wihi an atin iyeele ꞌdooꞌdi addan iyeessaan.

1 'Dessaloonika 1:7

Jeentetaas u ꞌdooꞌdi Kiriisto rummeeste boroofenhi Makedooniya kijiro ichoow ki boroofenhi Akhaaya kijiro ba iyookko a ititaaheen.