1 Beetero 5:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Urur Kiriistoki ilkerengeetti Baabiloon kajiro atin laleesoobahsate a atin soobariitiche. Markohi iꞌdi weeleeye laka a atin soobariitiche.

1 Beetero 5:13 Referans Kwoze

Hilassi Ergaano 12:12

Chirri us iskase ka min Maariya irte. Maariya la a abar Yoohanahi toro magahiiskoo Marko layadeeh. Minkaas la ꞌdooꞌdi ittaawenye Waakh wahti iche kajira.

Hilassi Ergaano 12:25

Chirri Barnaba ichoow Saawulo hilicho buuhicheen ka, ilkerengeetti weene Yeerusaleem kasoonokhteene, Yoohanahi magahoo Marko layadeeh khaatteene ilkerengeetti Antiyookhiya irteen.

Bakkaahit 18:2

Herta Waakh hooyi buure ka riirte, wihi iche tidah, “A massatte! Ilkerengeetti Weene Baabiloon bar a waayte! Furi ginnayyoot ichoow furi meleykayyoote titahye, chimbirohi biꞌdirreenye toro weyti laꞌdiiꞌdo kola intaas igela.

Bakkaahit 17:5

Miintiche la magaha wohoo dagsan itoollo iche kachiiran, Ilkerengeetti Weene Baabiloon, a Abarti Malaayayyoot ichoow Lakhaanyoyyohi Harra.

2 Yoohana 1:13

Nyaakhut walaassaahti Waakh soobahsate weyti a atin soobariitiche.

Hilassi Ergaano 15:37

Barnaba ichohi Yoohanahi magahiiskoo Marko layadeeh khaatti, iche ꞌdoona.

Hilassi Ergaano 15:39

Lammache ba weyti isleeiriirte seley bahte. Barnaba Yoohanahi Marko layadeeh khaatte, anki kurti bicche dahcho kajirto Kuuburo layadeeh kooban igele.

Kolossaay 4:10

Aristaarkohi jeela ikaleejiro laka a atin soobariitiche. Markohi Barnaba abaayyahiis yahe laka a atin soobariitiche. Amuri usu miinsan a ꞌhesseene, chiꞌ Marko atin iyimiy, mujjum martiisda.

Fiilemon 1:24

Toro la Marko ichoow Aristaarko ichoow Deema ichoow Luuka laka a kisoobariiticheen. Icho a ꞌdooꞌdi hil Kiriisto ikaleejiro.

2 Yoohana 1:1

Khadaaba eti soochiiro a anihi ewweenenye urur Kiriisto woyo. Eti ani isoochiiro a ati, makhaabassi lasoobahsate ichoow nyaakhutaahha. An rumanka weyti atin ꞌdoona. Ani kalday la menye, eti tuummane runti Waakh garti a atin ꞌdoona.