1 Beetero 5:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Waakkhi haaggi buure leh, Yeesso Kiriisto ka weynaantiisti armaanjireen a atin iwahe. Inkoo geeddoor sina atin tuhum, usu rubeytiis a atin okkhicha, kakhuufnaanki atin usu kakhuuftaan miigoocha, atin toollicha toro inti wohoo atin ikaasseehin atin gessa.

1 Beetero 5:10 Referans Kwoze

2 Koriinto 4:17

Iꞌdi tahe sinayyohaar ꞌdabakhe a wihi geeddoor one, wihi icho keenaan la a ababnaanki weyti khummane jirtuu tuumman imassanne sinayyohaas kussan.

2 'Dessaloonika 3:3

Iꞌdaasenyi Kamureen a lakakhuufa. Us rubeyohiin a miigoocha, toro la Seytaanki uskeel leh atin kahossa.

Yuuda 1:24

Toollaka weynaan tuumman a ti Waakkhi tarraantarran atin kaholin yabuuꞌde, toro la atinhi wohoo rucchul laka atin liikacheekan hamaadi buure khabtaani ortiisti ababto atin keeno.

1 Timooti 6:12

Jiroti inno Kiriisto kakhuufne ka dihoti haaggan gel. Jiroti jirtuu imassanne maanti lakiwahe at wihi haaggan ꞌdooꞌdi ittaawe ortiis ka cheekatte icho la gartiche laabaan jurkhi.

2 'Dessaloonika 2:17

wihi haaggane atin yeessaan ichoow wihi atin tadeehiin tuumman ka atin faajjiya, toro atin miigoocha.

2 Koriinto 13:11

ꞌDooꞌd Kiriistokaaw wihi yomboot, taba weyti hamaada, ꞌdooꞌdi buuho ateeha, uur ismiigoocha, maloo kalday khaba, nebey iskaleefiddiya. Iꞌda ka Waakkhi ꞌdoonin ichoow nebey tuumman leh a atin leejira.

1 Koriinto 1:9

Waakkhi atin wahe, atin ichoow Weeliiski Yeesso Kiriistohi Kamureene ba kulankoo kalday atin kayeele, a lakakhuufa.

1 'Dessaloonika 2:12

Nah uur a atin miigoonne, uur atin khoboonne, atin hawwaassanne, ꞌdee jiroti Waakh kahamaado jirtaan. A mehe Waakh dakhiis ichoow weynaantiisti ababto a atin iwaha.

Rooma 16:25

Waakh saaꞌdno! Us kakhuufnaanki atin Kiriisto kakhuuftaan ka atin miigoon a yabuuꞌd. Ulla Wori Haaggane Yeesso Kiriisto miinsane an cheeko ka waha yeelin a yabuuꞌd. Wora Haaggan la a ki inno awteen u iabanne, Waakh kalday on inno isoofura. Runta la a ti Waakh guꞌhassi ittaawe dagche.

2 Beetero 1:3

Miigti Waakh ka wihi tuummane jiro miinsane ꞌdee inno jiroti Waakh kahamaado jirro a inno siiche. Garanti inno Kiriisto garanni ka wahanyeyyohaas a khabna. Toro la weynaantiis ichoow haaggiiski weyti deefo ka a inno wahe.

1 Beetero 1:15

Iꞌdaasenyi saggi eti atin wahe munya iyahuu, atin laka wihi atin yeessaan tuumman ka munya ateeha.

Fiiliffi 4:13

Kiriistohi miig isiicho ka, a geeddi an walah tuumman yeelo.

2 Timooti 2:10

Maantaka jeenteti ꞌdooꞌdi Waakh soobahsatuu an walah tuumman a igarrahsada, ꞌdee icho laka ribnaan ichoow weynaanti jirtuu imassanne Yeesso Kiriisto lakaꞌhelo ꞌhelaan.

2 'Dessaloonika 2:14

Waakh jirota husub Wori Haaggane nah atin isoocheekne ka a atin wahe, ꞌdee Yeesso Kiriistohi Kamureene weynaantiisti ababto leegisantaan.

Luuka 22:32

Iꞌdaasenyi Siimon, an a kisooweesde ꞌdee mujjum orey isohatta ani ikakhuufta. Chirri at isoonokhatte la ꞌdooꞌdi irummeeste uure miigoossa.”

2 Timooti 1:9

A mehe Waakh rubeytiissa inno ribe toro inno wahe, ꞌdooꞌdiiski munyee inno kayeele. Waha la jeenteti inno haaggoo iyeelle menye, a wihi goorat usu on gooche, toro la a jeenteti haaggiiski buurenye inno imunneynan on. Haagga Waakh la geeddi harra liisoouumin on innohi inno ichoow Yeesso Kiriisto ba wohoo kalday nahe inno lasiiche.

Kolossaay 2:7

ꞌDeerka orey isohda goytiis ka mujjum hiiyyay bahcha, jirotiin la usu kadisa. Saggi atin liiabchuu, kakhuufnaanki atin usu kakhuuftaan ka miigowa, kol dakkhan la weyti usu kalaꞌd ilaaba.

Rooma 15:5

Waakkhi garrahsi lehe enenyet uur miigoocho ba, dabat Yeesso Kiriistoki atin raahtaan ka maloo kalday atin siicha,

1 Yoohana 2:25

Waha la a wihi Kiriisto inno iayyiche, a jiroti jirtuu imassanne inno ꞌhello.

Ibiraaniya 9:15

Jeentetuu Kiriisto ayyinti husube Waakh gooche ka dahgele yitah. Omoottiis ka enenyet uskeeli maanti us ayyinti oraat raahe gele a kasoogate kasoofure. Eti tuummane Waakh wahe, ayyinti armaanjireene usu muꞌdane Waakh igooche ꞌhela.

Rooma 15:13

Waakkhi khajjeel leh ba, kakhuufnaanki atin usu kakhuuftaan ka, hamaad tuumman ichoow nebey ba atin kahida, ꞌdee miigti Rubeyti Munyee atin siisso ka, khajjeeliin weyti buuraata.

Rooma 9:11

Iꞌdaasenyi Waakh geeddi manꞌdaanoha idelanne icho wohoo haaggan ommos suujoonkoo laka iyeelin, iche saggi us ꞌdooꞌd iwaho ꞌdee wihi us gooche isooꞌhadaan tuse.

1 Beetero 4:11

Eti siintiis ti Yeedi Waakh lacheeko tahe, yeedaas a cheeko giꞌde. Eti siintiis ti us ꞌdooꞌdi addan gargaaro tahe, miigti Waakh siiche tuumman ka ꞌdooꞌdi addan a gargaaro. Iꞌda ka walah tuumman ka Yeesso Kiriisto ka Waakh a laweynaacha. Us ba jirtuu tuummamba inkaanyit ichoow miig ꞌhela. Aamiin.

Rooma 9:24

Inno laka ꞌdooꞌdi Waakh wahe goya a kijirra, ki Yaꞌhuude kalday on menye, iꞌdaasenyi ꞌdooꞌdi yaafohi Yaꞌhuud ieheynan laka.

1 Koriinto 1:10

Maantaka ꞌdooꞌd Kiriistokaaw, anto Yeesso Kiriistohi Kamureene ka a atin hawwaasde, taba atin tuumman isdaaga ꞌdee seley agoggowina. Toro la wihi atin goossaan ka maloo kalday khaba.

1 Beetero 4:10

Ebba siimbaaw us ꞌhele ka ꞌdooꞌdi addan a ihilo. Iꞌda ka ebba haaggi Waakhe buurenye fil ittaawe mujjume dakhta.