1 Beetero 4:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Harra ꞌdubiche kola a yitah. Maantaka mujjum malda toro la isjeycha uus ꞌdee wohoo weysihiin targeyine.

1 Beetero 4:7 Referans Kwoze

1 Beetero 1:13

Maantaka maliin hil itannabicha, isjeycha, haaggi Waakhe buurenye maanti Yeesso Kiriisto atin liisoobabbakkaahicho atin lasiicho tuum khajjeel kakhaba.

1 Beetero 5:8

Taba isjeycha toro la mujjum toorribda! Seytaanki chiiytankiine iꞌdi bahassihi yeeduu a ismara, eti us bar tiro yowtaa.

2 Timooti 4:5

Iꞌdaasenyi at tabe walah tuumman ka isjeyiche, sinabaaw kisoobahte ka la garrahso. Hili eti Wori Haaggan taaꞌhicho haaggiche, hili Waakh kikorche tuumman buuhi.

Luuka 21:34

“Weyti isyuubsada uus meleefu ichoow wahanyeyyohi sussuujenye ꞌdooꞌdi meleefee yeelo ichoow waꞌdwaaꞌdi jirota uurassiin miigoonne ꞌdee ibeenkaas iꞌdi angey u doglaan atin geline.

Ibiraaniya 10:25

Uus inno kulanki inno kulanno ꞌdiin, iꞌdi ꞌdooꞌdoo yeeluu. Iꞌdaasenyi tabno uur a ismiigoonno, toro Ibeenki Kamur soonokhti a soodowwaatee gone, weyti iꞌdaas yeello giꞌde.

Kolossaay 4:2

Taba, weysi ka orey isohda, geeddaas tuumman isyaakhicha, Waakh la kalaꞌd ilaaba.

Tiito 2:12

Haagga la saggi jiroti Waakh ikamalin liijirin ichoow saggi wahanyeyyohi harratane sussuujenye liimoono liiꞌdiiꞌdo iche inno abcha. Toro la harrata ka, ꞌdooꞌdi isjeycho, fiffissane, jiroti Waakh ꞌdoono jiro, inno abcha.

Rooma 12:12

Jeenteti atin khajjeel ikhabtaan u, hamaada. Sinati atin loomhicho ka garrahsada, kol dakkhan la Waakh wahda.

Fiiliffi 4:5

Enenyet tuumman saggi atin ꞌdooꞌdi samacchaare itahiin a abti. Kamur la dowwanoha ka a yamiite oganaawa.

Luuka 22:46

Wihi us icho worsate, “A iꞌdoh iuꞌdurtaan? Kaha Waakh wahda ꞌdee kajmeti uskeel atin kaluguꞌddo akidihina.”

Bakkaahit 16:15

Yeessohi Kamure wihi us essi kallaayo, “Nabah suda! An saggi eti walah hato iamiit. Eti iurꞌdine, gaaddiis marte, ꞌdee murukh isohanne, lakhaanyotiis ꞌdow liikasoobihin a liimaala.”

1 Beetero 3:7

Saggaas on u, atinhi arammee taba deyyehotiin jiti samacchaare ka leefiddiya saggi icho wahalhi atin kaaꞌddaran iyahiin kasa. Toro la inkaanyita iꞌdi tahe atin tuumman jiroti Waakh enenyet iꞌdaanu siicho a isleeꞌhessaan. Chaꞌatin iꞌda yeessaan la, walah weysihiin jeycho mele.

Efeesso 6:18

Taba kol tuumman saggi Rubeyti Munyee atin iwoytuu weysi ichoow daahti fil tuummane ka Waakh wahda. Iꞌda yeessaani toorribda, toro kol dakkhan garrahsada ꞌdooꞌdi Waakh tuumman Waakh iwaha.

1 Koriinto 15:24

Maanti waha kuteen ꞌdeerka harra ꞌdubiche yateeh. Inkoo Kiriisto karnatohi ginnayyoot tuumman ichoow wihi anto khabo tuumman ichoow wihi miig khabo tuumman baabiiche ka, dakh tuumman dahanti Waakkhi Aabbahiise gessa.

1 Koriinto 7:29

ꞌDooꞌd Kiriistokaaw wihi an atin icheeko kallaayo, ibeenneti ankhan a gaabantahe. Uus toolla kakhabatti eti makhaabál khabo, iꞌdi eti makhaabál ikhabin a ijiro.

Mattaayo 24:42

“Maantaka toorribda, a mehe ibeenki Kamuriin yamiit ma garattaanee.

Luuka 21:36

Kol dakkhan isyaakhicha. Weesda la ꞌdee Waakh waha tuummane dowwanoha ka sooyateeh a atin kakhaduudicho, miigti atin Ínam Aadam ortiis katolossattaan a atin siicho.”

Mattaayo 25:13

“Maantaka toorribda, a mehe maan ichoow sahaꞌd ma garattaanee.

Ibiraaniya 9:26

Chirri kootte us iꞌdaas yeele la, geeddi buurenye sina lakawaaricha, uus goorat harra lasoouume. Iꞌdaasenyi toolla inno jiro ibeenneticheti yomboot kijiro la, usu maantoo kalday on yimiyye, soorriyoti jirtuu liikanokhan yitahye, ꞌdee miigti uskeel jirtuu tuumman labahcha.