1 Beetero 4:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Jeentetuu la Wori Haaggan ꞌdooꞌdi tuume laka a liicheeke, ꞌdee sarticho iꞌdi enenyet u lahukkuma, iꞌdaasenyi rubey ka jiraan saggi Waakh ijiruu.

1 Beetero 4:6 Referans Kwoze

Rooma 8:2

Iꞌdi tahe runti gaan Rubeyti Waakh Yeesso Kiriisto ka jiro kikeenta, runtaas gaan la uskeeli omoot keeno a kaasoofurta.

1 Beetero 3:19

Ulla a irte rubeyohi ꞌdooꞌdi goorat tuume hidan wori Waakh icheeke.

Galaatiya 5:25

Jiroti inno jirro toolla Rubeyti Munyeenye kajirra gone, jiroteen ichoow Rubeyti Munyee a israaheen giꞌde.

Mattaayo 24:9

“Maantaas a atin ladiiba, ꞌdee sina atin loomhicha, toro atin layagiis. ꞌDooꞌdi harra tuumman la a atin ꞌdiiꞌda jeenteti atin abattiteey itahiin u.

Galaatiya 2:19

A mehe amurre Muusati an raahe ka, woynaanki amurretaas iwoyte a massate, ꞌdee Waakh ijira.

Bakkaahit 14:18

Toro hertoo Waakhe addane antohi ꞌdab khabto koondihi gaꞌdaar kasoobahte. Hooyi buure ka herti warhanti af lehe gurnaan lakagoocho wihi iche itidah, “Warhantaahti af lehe gurnaan lakagoocho khaate, gurnaanki sabiibe harra kijiro soogur. Iꞌdi tahe gurnaanki sabiib a bissaate.”

1 Beetero 1:12

Wihi liisoobabbakkaahiche a mehe ya icho ma isihiline, iꞌdaasenyi atine atin ihileen maanti icho wahanyeyyohi geeddi icho noolyahiin iitaahane guꞌhassi ittaawenye yombo sooraaho sooyateeh kaayyeedeen. Toolla la ꞌdooꞌdi Wori Haaggane miigti Rubeyti Munyeenye goobi Waakh lakasooergo cheeko ka, wahanyeyyoha a atin liisoocheeke. Herti Waakh laka ichehi wahanyeyyohaas agarto imoonta.

1 Beetero 3:18

A mehe Kiriisto maantoo kalday on uskeeleen iyumuyye, maantoo addan la uskeeleen ma iyamuut. Eti fissan jeenteti ki khollokkhane iyumuyye ꞌdee inno Waakh inno ikeena. Usuhi weeli enenyetenye layigisye, iꞌdaasenyi Rubeyti Munyee ka omoot lakasookahche.