1 Beetero 4:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Iꞌdaasenyi chiꞌ jeenteti at koo Kiriisto itahuu sina kitaham uuryaawine, jeenteti magah Kiriisto liikaawahuu Waakh kooli.

1 Beetero 4:16 Referans Kwoze

Fiiliffi 1:29

Ulla jeente Kiriistuu, rummeysanaanki atin usu rummeysattaan kalday menye, sinati atin taham laka a atin siiche.

1 Beetero 4:19

Maantaka eti tuummane sinati taham ichoow wihi Waakh ꞌdoono ba israahaan, Waakkhi lakakhuufo walah tuumman soouume dahantiis a isgesso. Toro la haaggi us yeelo orey a ileesohti.

2 Timooti 1:12

Jeentetase toolla ani sina ikawaarta. Iꞌdaasenyi ma kalakhaanyeysadi. A mehe eti an rummeesde a garda. Anna waha a tissiba, miigti us wihi an dahantiis gesse us kayaakhicho ichoowka ibeenki ꞌdaꞌddaboot yateeh a khaba.

Hilassi Ergaano 5:41

Ergaano Jaldaabti Weene Yaꞌhuud katabte. Weyti hamaadeen a mehe jeenteti icho koo Yeesso iyahiin u sinati lakawaaricho a muꞌdanyahiin.

Fiiliffi 1:20

Wihi an weyti sugo toro la an khajjeelo intoo rucchul ka laka lakhaanyo ma isikeeno, iꞌdaasenyi toolla ichoow kol tuumman roorro laane sarteey ka Kiriisto weynaacha, jiroteey ommos omootteey eheetteey ka ba.

Hilassi Ergaano 26:28

Agiribba ꞌdeerka wihi us Baawulo iyidah, “Kol at geedda rucchul on ka et Kiriisto ikayeesso koogtahe?”

Hilassi Ergaano 11:26

Chirri us Saawulo ꞌhele ka, sookhaate ilkerengeetti Antiyookhiya keene. Barnaba ichoow Saawulo guꞌhoo tuumman urur Kiriisto isꞌheleene, toro la ꞌdooꞌdi ittaawe wori Waakh mujjum abcheen. Ilkerengeetti Antiyookhiya iche abatti kolooraat ꞌdooꞌd Kiriisto lakiidah.

Hilassi Ergaano 28:22

Iꞌdaasenyi nah ati malaah daagin ꞌdoonna, iꞌdi tahe saggi meel tuumman ka rabitta at kajirto woricho baabul liikaayyeedo a garanna.”

Yaakoobo 2:7

Kamurre menya magah Yeesso Kiriistoki liinkaanyito atin lakawaho igafto?

1 Beetero 2:12

ꞌDooꞌdi Waakh igaran goyaka jiroti haaggan jira, ꞌdee koli icho suujoonkoo atin kacheektaan tuumman, jeenteti icho haaggi atin yeessaan ifiirichaan u, Waakh a koolicheen maanti us yamiit.

1 Beetero 4:11

Eti siintiis ti Yeedi Waakh lacheeko tahe, yeedaas a cheeko giꞌde. Eti siintiis ti us ꞌdooꞌdi addan gargaaro tahe, miigti Waakh siiche tuumman ka ꞌdooꞌdi addan a gargaaro. Iꞌda ka walah tuumman ka Yeesso Kiriisto ka Waakh a laweynaacha. Us ba jirtuu tuummamba inkaanyit ichoow miig ꞌhela. Aamiin.

1 Beetero 4:14

Chirri jeenteti at koo Kiriisto itahe lakaabaaro, ati Waakh a kimaale. Iꞌdi tahe Rubeyti weynaan lehe toro Rubeyti Waakhe a kileejirta.