1 Beetero 3:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Ayti ꞌdaꞌddaboot, taba atin tuumman maloo kalday khaba, uur isinugleesda, iꞌdi ꞌdooꞌdi uuroo kaldaye u isꞌdoona, isnuglaacha.

1 Beetero 3:8 Referans Kwoze

Rooma 12:10

Iꞌdi ꞌdooꞌdi uuroo kaldaye u, isꞌdoona, ꞌdooꞌdi addan kol tuumman ꞌdirihiin inkaanyita.

1 Beetero 1:22

Toolla runti atin raahtaan ka a isdikhteene ꞌdee ꞌdooꞌdi Kiriisto rummeeste ꞌdooninti rummaat ikhabtaan gone, taba giꞌde uurassiin ka weyti isꞌdoona.

Efeesso 4:31

Taba iisibobbolkhina ommos iisinyannyaamina ommos iisihohhollowina ommos iiskaarriirina ommos iishamanna ommos suujoonkoo rucchul laka iisikhabina.

Yaakoobo 3:17

Iꞌdaasenyi kharati Waakh katamiit a miꞌdabe, nebeye ꞌdoonta, a samacchaare, nabahe sudda, uure nugussahe, gurnaanki haaggane dessa, enenyet seley ma sassaahto toro la ma iskaayyeesso.

Efeesso 4:2

Taba kol tuumman isnuglaacha toro la ꞌdooꞌdi samacchaare ateeha. Garrahsada, toro la jeenteti atin isiꞌdoontaan u ꞌdooꞌdi addan akaahhollowina.

Kolossaay 3:12

Waakh a atin soobahsate, ꞌdooꞌdiiski munyeenye us weyti ꞌdoono, atin kayeesse. Maantaka, taba giꞌde waha yeela, ꞌdooꞌdi uur nugul ateeha, ꞌdooꞌdi uur ꞌdabakhe ateeha, isnuglaacha, ꞌdooꞌdi samacchaare ateeha, ꞌdooꞌdi garrahsi khabo la ateeha.

1 Koriinto 12:26

Sar goyaka, chirri miiloo bolkho, miilassi addan tuumman a leebolkhaan. Chirri miiloo liinkaanyito, icho tuumman a isleehamaadaan.

Mattaayo 18:33

Saggaas maanta an uur kisoonugleesde u, at laka ilbooyaas wahalhaahe uur ma inugleysatti?’

1 Yoohana 3:14

Saggi inno omoot iꞌdallaabsanne inno jiroti jirtuu imassan ikhabno a garanna, a mehe inno ꞌdooꞌdi Kiriisto rummeeste a ꞌdoonna. Eti etoo koo Kiriistee iꞌdoonin la, omoot goya fiddiya.

1 Koriinto 1:10

Maantaka ꞌdooꞌd Kiriistokaaw, anto Yeesso Kiriistohi Kamureene ka a atin hawwaasde, taba atin tuumman isdaaga ꞌdee seley agoggowina. Toro la wihi atin goossaan ka maloo kalday khaba.

Hilassi Ergaano 4:32

ꞌDooꞌdi Kiriisto rummeeste tuumman uuricho ichoow malicho a koo kalday. Et, “Waha a wahaaya, waha weheey mee,” yadeeh mele. Iꞌdaasenyi wihicho tuumman a isleegismeen.

1 Beetero 5:5

Saggaasu la atinhi nunnugul taba ayti ewween atin idowo akutina. Atin tuumman la tuum isnuglaacha a mehe, “Waakh eti eylajo a ꞌdiiꞌddanyahe, iꞌdaasenyi eti isnuglaacho haaggiiski buurenye siicha.”

Ibiraaniya 13:1

ꞌDooꞌdi Kiriisto rummeeste tuumman la orey a isohti, a isꞌdoono giꞌde.

2 Beetero 1:7

Jiroti Waakh kahamaado la uuri ꞌdabakhe kakhaya, uuri ꞌdabakhe la ꞌdoonin kakhaya.

1 Beetero 2:17

Taba enenyet tuumman inkaanyita, ꞌdooꞌdi addane Kiriisto rummeeste ꞌdoona, Waakh karoora, karnat la inkaanyita.

Yaakoobo 5:11

Saggi atin igarattaan u, inno ꞌdooꞌdi sinayyo lakawaariche garrahsate ꞌdooꞌdi Waakh imaale iekkaanna. Atin saggi Ayuub igarrahsate ichoow wihi Kamur yomboka iyeele a daagteen. Waakh weyti uur nugulyahe, toro la enenyet a isoonaha.

Yaakoobo 2:13

Iꞌdi tahe eti ꞌdooꞌdi addan uur ikanugleysan, Waakh maanti us ꞌdooꞌd hukkumo laka usu uur ma inugleesti. Iꞌdaasenyi, eti ꞌdooꞌdi addan uur inugleesti maanti lahukkumo, walah us karooro mele.

Fiiliffi 3:16

Wihi weyti khumman kallaayo, orey on isohanni, yeedi rummaate inno orey abanne, uliba laka a raahno giꞌde.

Rooma 15:5

Waakkhi garrahsi lehe enenyet uur miigoocho ba, dabat Yeesso Kiriistoki atin raahtaan ka maloo kalday atin siicha,

Hilassi Ergaano 28:7

Chiifi kurtaase Baabiliyos layadeeh la gosashiis intaas ma kadeer. Ulla mujjume nah martiiste orrah seyyah tuummamba nah martitiissa on eheet.

Hilassi Ergaano 27:3

Ibeenki kaas sookhuccho ka ilkerengeetti Siidon gelle. Yuuliyas la weyti Baawulo ihaagganeete, ꞌdiiche irte, aalassiis iirte icho la wihi us ꞌdoono siicheen.

Hilassi Ergaano 2:1

Ibeenki daawti Beentekos soomarte ka, ꞌdooꞌd Kiriisto tuumman intoo kalday kasoourure.

Luuka 10:33

Iꞌdaasenyi etoo ili Saamariyeenye yeelan sulhaal kijiraayi, inti et kijiro yimiy. Chuꞌus eti lajahe arge ka, uur isoonugleeste.

Efeesso 4:32

Haag on enenyet iyeela, toro la enenyet uur inugleesda. Saggi Waakh laka jeenteti atin ichoow Kiriisto wohoo kalday itahiin u uskeeliin atin ikakutuu, atin laka eti uskeeloo atin iyeele, uskeel ikakuta.

Fiiliffi 2:3

ꞌDooꞌdi wihi awtiissa on yowti ommos immarah serey isgeecho iitaahana, iꞌdaasenyi ꞌdooꞌdi isnuglaacho ateeha, ꞌdooꞌdi addan saggi us atin ikakhummanyahe iekkaacha.