1 Beetero 3:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Kiriisto la goobi Waakhe inokhte, Waakh dahantiisti miigeet orronte, herti Waakh tuumman ichoow wihi tuummane goobi Waakh ka anto ichoow miig leh ba afiis ma kutaan.

1 Beetero 3:22 Referans Kwoze

Ibiraaniya 9:24

Iꞌdi tahe Kiriisto Meessi Lagane weeli enenyet haaggiche iyookkoti ti rummaate ma gelin. Usu goobi Waakh rubeytiissa gele. Ulla toolla Waakh ortiissa kajira, inno iyeyyeeda.

Ibiraaniya 12:2

Taba, kol tuumman Yeesso a kamalanni giꞌde. Usú orey inno woye, Waakh kakhuufne, toro uliba laka inno woya, Waakh tuum kakhuufna. Ulla jeenteti hamaadi sugo u, lakhaanyoti eti massalaaba lakakaaho taham a igarrahsate. Ulla toolla goobi Waakh ka komborti Waakhe antoot ankicheki miigeete fiddiya.

Ibiraaniya 10:12

Iꞌdaasenyi kuhaaniha koloo kalday on issoobahche, soorriyoti uskeel bihisso, jirtuu tuumman liikanokhan yitahye, Waakh anki dahantiisti miigeet orronte.

Marko 16:19

Inkoo Yeessohi Kamure icho leeyeede ka goobi Waakh liikorche, Waakh anki dahantiisti miigeet orronte.

Ibiraaniya 8:1

Ayti nah elanni talla, rumanka kuhaanihi weyti weene goobi Waakh ka komborti antoote Waakkhi Weyti Ween ankicheki miigeet ka meessi lakiinkaanyito fiddiyo a khabna.

Ibiraaniya 6:20

Yeesso la orteenna meessaas inno igele. Ulla jirtuu tuumman uumman Melkisedeek u, kuhaaniheenki weyti weene yitah.

Kolossaay 3:1

Maanti Waakh Kiriisto omoot kasookahche, anki Waakh ka atin laka omoot a atin laleesookahche. Maantaka wahanyeyyohi saraate inti Kiriisto komborti antoote Waakh miigtiise kafiddiyo ꞌdondoona giꞌde.

Rooma 8:38

An wihi an tissibo a mehe ya, walah jirtuu dakkhan ꞌdooninti Kiriisto inno ꞌdoono inno kagoocho mele. Omoot ommos jiro ommos herti Waakh ommos ginnayyo ma inno kagoochaan. Wihi toolla jiro ommos wihi sooyomboocho ommos miigti Seytaan laka ma inno kagoochaan.

Rooma 8:34

Ayyo uskeel inno igoocha? Yeesso Kiriistohi yumuyye, wahaas ꞌdirihicho ka la omoot lakasookahche, toolla la anki dahanti miigeete Waakh jiro, Waakh a inno ihawwaasta.

Mattaayo 22:44

“‘Waakkhi Kamure wihi us Kamureey iyidah, “Dabankeeyki miigeete antoot orrommo, ichoowka chiiytaah tuum dahanohaah a soogesso.” ’

Ibiraaniya 1:3

Weela Waakh la weynaanti Waakkhi ababo tusa, ulla toro a fooli Waakh. Ulla yeediiski miig leh ka wihi tuummane jiro khuccha. Ulla a yumuyye, ꞌdee usu rubeytiis jiti uskeeli weeli enenyet lakadikho yitah. Inkoo us wahaas yeele ka, goobi Waakh ka Waakkhi Weyti Ween ankiiski miigeet orronte.

1 Koriinto 15:24

Maanti waha kuteen ꞌdeerka harra ꞌdubiche yateeh. Inkoo Kiriisto karnatohi ginnayyoot tuumman ichoow wihi anto khabo tuumman ichoow wihi miig khabo tuumman baabiiche ka, dakh tuumman dahanti Waakkhi Aabbahiise gessa.

Hilassi Ergaano 3:21

Iꞌdi goorat archiiy Waakh ꞌdooꞌdiiski munyeenye usú íyeyyeedo ka cheekuu, wihi Waakh gooche, Yeesso goobi Waakhe fiddiya ichoowka ibeenki Waakh walah tuumman husubnaacho yateeh.

Hilassi Ergaano 1:11

“Era atinha boroofenhi Gaalilaaya!” yidah, “A iꞌdoh itolossaane serey iꞌdeyꞌdoossaan? Yeessoha atin lakakhaate serey lageeche, saggaas atin iagartaane us serey iirti on isoonokhta.”

Marko 12:36

Dawuud rubeytiis Rubeyti Munyee ka yeyyeedaayi mehe yidah ya, “ ‘Waakkhi Kamure wihi us Kamureey iyidah, Dabankeeyki miigeete antoot orrommo, ichoowka chiiytaah tuum dahanohaah a soogesso.’

Ibiraaniya 1:13

Hertoh Waakhe injire Waakh iꞌda iidah, “Dabankeeyki miigeete antoot orrommo ichoowka chiiytaah tuum dahanohaah a soogesso?”

Luuka 20:42

Dawuud rubeytiis Buuggi Sabuur ka mehe cheeka ya, “ ‘Waakkhi Kamure wihi us Kamureey iyidah, “Dabankeeyki miigeete antoot orrommo,

Mattaayo 28:18

Yeesso la icho iyimiyye wihi us iyidah, “Serey ichoow harra ka anto tuumman a liisiiche.

Ibiraaniya 1:6

Toro la Waakh maanti us teyyankiis harrata isooerge wihi us yidah, “Herti Waakh tuumman usu a wahatti.”

Ibiraaniya 4:14

Maantaka kuhaanihi weyti weene goobi Waakh irte a khabna. Waha la a Yeessohi Weeli Waakhe. Taba giꞌde kakhuufnaanki inno Waakh kakhuufno inno cheekanni ka, mujjum a tolossanni.

Yoohana 13:32

Anna chirri an saggi Waakh iweenyahe ꞌdooꞌd tuse, Waakh laka saggi Ínam Aadam iweenyahe ꞌdooꞌde tusa, toro la dowwa tusa.